Electric Vehicles : टाटा मोटर्सच्या इलेक्ट्रिक व्हेईकल्समध्ये TPG ग्रुपची 7500 कोटी रुपयांची गुंतवणूक

ही गुंतवणूक येत्या 18 महिन्यांच्या कालावधीमध्ये टप्प्याटप्प्याने करण्यात येणार आहे. टाटा मोटर्सने त्यांच्या इलेक्ट्रिक व्हेईकल्स सेगमेंटसाठी TML EVCo या नावाने नवीन युनिट बनवलं आहे. 

tata-s

मुंबई : प्रायव्हेट एन्टिटी ग्रुप असलेला TPG ग्रुप आणि अबुधाबीच्या ADQ ग्रुपकडून टाटा कंपनीच्या इलेक्ट्रीक वाहन उपकंपनीमध्ये 7 हजार 500 कोटी रुपयांची गुंतवणूक करण्यात येणार आहे. ही गुंतवणूक येत्या 18 महिन्यांच्या कालावधीमध्ये टप्प्याटप्प्याने करण्यात येणार आहे. टाटा मोटर्सने त्यांच्या इलेक्ट्रिक व्हेईकल्स सेगमेंटसाठी TML EVCo या नावाने नवीन युनिट बनवलं आहे. 

या गुंतवणुकीतील पहिला टप्पा हा पुढच्या मार्चमध्ये पूर्ण होईल अशी माहिती कंपनीच्या वतीनं देण्यात आली आहे. TPG ग्रुपला या गुंवतणुकीच्या माध्यमातून 11 ते 15 टक्के भागिदारी मिळणार आहे. 

टाटा मोटर्सटचे चेअरमन एन चंद्रशेखर यांनी म्हटलं आहे की, "देशातील इलेक्ट्रिक व्हेईकलला चालना देण्यासाठी टाटा मोटर्स प्रयत्न करत आहे. या प्रवासात आता टीजीपी ग्रुपचे सहकार्य मिळत आहे ही आनंदाची गोष्ट आहे. केंद्र सरकारने . इलेक्ट्रिक व्हेईकल्सला चालना देण्यासाठी अनेक योजना आखण्यात आल्या आहेत. त्या माध्यमातून 2030 पर्यंत 30 टक्के ईव्ही गाड्या रस्त्यावर आणण्याचं लक्ष्य आहे. हे लक्ष्य गाठण्यासाठी योगदान देण्याचा प्रयत्न टाटा मोटर्सचा आहे."

पर्यावरण आणि हवामान बदलाचे संकट लक्षात घेता पार्श्वभूमीवर इलेक्ट्रिक व्हेईकल्सला प्रोत्साहन देण्याचा निर्णय केंद्र सरकारने घेतला आहे. इलेक्ट्रिक व्हेईकल्सला चालना देण्यासाठी अनेक योजना आखण्यात आल्या आहेत. एप्रिल 2021 मध्ये महिंद्रा अँड महिंद्राकडून पुढील तीन वर्षात तीन हजार कोटी रुपयांच्या गुंतवणुकीची घोषणा करण्यात आली आहे. त्या माध्यमातून 2025 सालापर्यंत 5 लाख इलेक्ट्रिक व्हेईकल्स तयार करण्याचे लक्ष्य आहे. किया मोटर्सकडून देखील 2024 पर्यंत नवे इलेक्ट्रिक व्हेईकल्स बाजारात आणण्यात येणार आहे. 

संबंधित बातम्या :