Tirupati Balaji Laddu Controversy : तिरुपती लाडू वाद, आधी जनावरांच्या चरबीमुळे प्रकरण तापलं, आता CBI च्या तपासात नवी माहिती समोर!
Tirupati Balaji Laddu : आंध्रचे मुख्यमंत्री चंद्राबाबू नायडू यांच्या टीडीपीने तिरुपती मंदिरात दिल्या जाणाऱ्या लाडूंमध्ये (प्रसादम) जनावरांचे चरबीयुक्त तूप आणि माशाचे तेल मिसळल्याचा आरोप केला होता.
Tirupati Balaji Laddu Controversy : आंध्र प्रदेशातील तिरुपती मंदिरातील प्रसाद लाडूंमध्ये भेसळ केल्याप्रकरणी चार जणांना अटक करण्यात आली आहे. सीबीआयच्या नेतृत्वाखाली तपास करणाऱ्या विशेष तपास पथकाने (एसआयटी) रविवारी ही अटक केली. भोले बाबा डेअरीचे माजी संचालक विपिन जैन आणि पोमिल जैन, वैष्णवी डेअरीचे अपूर्व चावडा आणि एआर डेअरीचे राजू राजशेखरन अशी आरोपींची नावे असल्याचे तपास अधिकाऱ्यांनी सांगितले. प्रसादाचे लाडू बनवणाऱ्या तुपाच्या पुरवठ्यात अनियमितता आढळून आल्यानंतर चौघांनाही अटक करण्यात आली आहे.सीबीआयच्या तपासात वैष्णवी डेअरीच्या प्रतिनिधींनी एआर डेअरीच्या नावाने निविदा जिंकल्याचे समोर आले आहे. वैष्णवी डेअरीने निविदा प्रक्रियेत हेराफेरी करण्यासाठी एआर डेअरीचे नाव वापरून बनावट कागदपत्रे आणि सील तयार केले होते. वैष्णवी डेअरीने ठेवलेल्या बनावट नोंदींमध्ये असा दावा करण्यात आला आहे की त्यांनी रुरकी येथील भोले बाबा डेअरीमधून तूप खरेदी केले होते, परंतु आवश्यक प्रमाणात पुरवठा करण्याची क्षमता नाही.
आज न्यायालयात हजर केले जाणार
या चौघांनाही सोमवारी तिरुपती न्यायालयात हजर करण्यात येणार आहे. एसआयटीचे सदस्य आणि सीबीआयचे सहसंचालक वीरेश प्रभू न्यायालयात हजर राहण्याची शक्यता आहे. भाजप नेते सुब्रमण्यम स्वामी आणि इतरांच्या याचिकांवर सर्वोच्च न्यायालयाने 4 ऑक्टोबर 2024 रोजी सीबीआयला या प्रकरणी एसआयटी स्थापन करण्याचे आदेश दिले होते. सीबीआयने गेल्या वर्षी नोव्हेंबरमध्ये पाच सदस्यीय एसआयटी स्थापन केली होती. ते म्हणाले की या टीममध्ये एजन्सीचे दोन अधिकारी, दोन आंध्र प्रदेश पोलिस आणि एक भारतीय अन्न सुरक्षा आणि मानक प्राधिकरण (FSSAI) चा समावेश आहे.
काय आहे संपूर्ण प्रकरण?
आंध्रचे मुख्यमंत्री चंद्राबाबू नायडू यांच्या पक्ष टीडीपीने 18 सप्टेंबर रोजी राज्यातील वायएसआर काँग्रेस सरकारच्या काळात तिरुपती मंदिरात दिल्या जाणाऱ्या लाडूंमध्ये (प्रसादम) जनावरांचे चरबीयुक्त तूप आणि माशाचे तेल मिसळल्याचा आरोप केला होता. दुसऱ्या दिवशी, टीडीपीने प्रयोगशाळेचा अहवाल दाखवला आणि आपल्या आरोपांची पुष्टी केल्याचा दावा केला.
फॅटची खात्री झाल्यानंतर तूप पुरवठादार बदलला
टीडीपी सरकार आले, जुलैमध्ये नमुन्याची चाचणी केली गेली, टीडीपी सरकारने जून 2024 मध्ये तिरुमाला तिरुपती देवस्थानम (TTD) चे नवीन कार्यकारी अधिकारी म्हणून वरिष्ठ IAS अधिकारी जे श्यामला राव यांची नियुक्ती केली. त्यांनी प्रसादाचा (लाडू) दर्जा तपासण्याचे आदेश दिले. यासाठी समिती स्थापन करण्यात आली. प्रसादाची चव आणि दर्जा सुधारण्यासाठी समितीने अनेक सूचना केल्या. तसेच तुपाचे नमुने नॅशनल डेअरी डेव्हलपमेंट बोर्ड (NDDB), गुजरात येथे चाचणीसाठी पाठवले आहेत. जुलैमध्ये आलेल्या अहवालात फॅटचा उल्लेख करण्यात आला होता. यानंतर, टीटीडीने तामिळनाडूच्या दिंडीगुलच्या एआर डेअरी फूड्सने पाठवलेला तुपाचा साठा परत केला आणि कंत्राटदाराला काळ्या यादीत टाकले. यानंतर टीटीडीने कर्नाटक दूध महासंघाकडून तूप खरेदी करण्यास सुरुवात केली.
जुन्या पुरवठादाराकडून 320 रुपये किलो दराने तूप खरेदी करण्यात आले. आता तिरुपती ट्रस्ट कर्नाटक को-ऑपरेटिव्ह मिल्क फेडरेशन (KMF) कडून 475 रुपये प्रति किलो दराने तूप खरेदी करत आहे. NDDB CALF (आनंद, गुजरात) या तूप चाचणी प्रयोगशाळेने तुपाची शुद्धता तपासण्यासाठी तिरुपतीला एक मशीन दान करण्याचे मान्य केले आहे. त्याची किंमत 75 लाख रुपये आहे.
इतर महत्वाच्या बातम्या
महत्त्वाच्या बातम्या
