लॉकडाऊनमुळे अडकलेल्या मजुरांना मदत करणाऱ्या सोनू सूदचं स्मृती ईराणींकडून कौतुक

सोनू सूद मुंबईसह महाराष्ट्रात अडकलेल्या उत्तर प्रदेश, बिहार, मध्य प्रदेश, पश्चिम बंगालसह अनेक राज्यांतील नागरिकांना त्यांच्या घरी पोहोचवण्यासाठी मदत करत आहे. अनेकांनी सोशल मीडियाच्या माध्यमातून सोनूशी संवाद साधला.

मुंबई : देशभरात लॉकडाऊनमुळे अनेक मजूर विविध ठिकाणी अडकले आहेत. हाताला काम मिळत नसल्याने जवळ पैसे नसल्याने अनेकांनी पायी, काहींनी सायकलवर तर काहींनी मिळेल त्या साधनाच्या मदतीने घरी जाण्याचा निर्णय घेतला. मात्र या मजुरांचा हा प्रवास इतका सोपा नव्हता. या दरम्यान बॉलिवूड अभिनेता सोनू सूद याने पुढे येऊन अनेक मजुरांना त्यांच्या गावी पोहोचवण्यासाठी मदत करण्यास सुरुवात केली. केंद्रीय मंत्री स्मृती इराणी यांनी सोनूच्या या कामाची प्रशंसा केली.

सोनू सूद मुंबईसह महाराष्ट्रात अडकलेल्या उत्तर प्रदेश, बिहार, मध्य प्रदेश, पश्चिम बंगालसह अनेक राज्यांतील नागरिकांना त्यांच्या घरी पोहोचवण्यासाठी मदत करत आहे. अनेकांनी सोशल मीडियाच्या माध्यमातून सोनूशी संवाद साधला. सोनूनेही त्यांना उत्तर देत मदतीचं आश्वासन दिलं. अशा एका ट्वीटला स्मृती इराणी यांनी रिट्वीट करत रिप्लाय दिला आहे.

स्मृती इराणी यांनी म्हटलं की, "सोनू हे माझं भाग्य आहे की मी एक प्रोफेशनल सहकारी म्हणून तुम्हाला गेल्या दोन दशकांपासून ओळखते. अभिनेता म्हणून तुमची प्रगती पाहून आनंद झाला. मात्र कोरोनाच्या परिस्थितीत तुम्ही जी दानशूर वृत्ती दाखवली, त्याबद्दल मला तुमच्यावर जास्त गर्व आहे. गरजूंना मदत केल्याबद्दल तुमचे धन्यवाद."

I’ve had the privilege of knowing you as a professional colleague for over 2 decades now @SonuSood & celebrated your rise as an actor ;but the kindness you have displayed in these challenging times makes me prouder still ????thank you for helping those in need???????? https://t.co/JcpoZRIr8M

— Smriti Z Irani (@smritiirani) May 24, 2020

सोनूने देखील स्मृती इराणी यांच्या ट्वीटला उत्तर देत म्हटलं की, "धन्यवाद, तुम्ही नेहमी प्रेरणादायी आहात. तुमच्या स्तुतीमुळे मेहनत करण्याची आणखी प्रेरणा मिळाली आहे. जोपर्यंत आपले प्रत्येक भाऊ-बहीण सुखरुप घरी पोहोचत नाहीत, तोपर्यंत मी सोबत असेन."

Thank you my friend who’s been an inspiration always. Your encouraging words motivate me to work harder. I promise you to be with our brother and sisters till the last one reaches their home. I will make you proud the way you did. A big salute to a true achiever???? ???????? https://t.co/dI49OSoUMG

— sonu sood (@SonuSood) May 24, 2020

सोनूचं काम इतकं वाऱ्यासारखं पसरलंय की मुंबईतल्या कोपऱ्यातून कुठूनही सोनूला टॅग करून लोक आपण अडकलो असल्याचं सांगू लागले. शक्य त्या सगळ्यांना सोनूही रिप्लाय देऊ लागला.

कुणीतरी आपल्या मामाची कैफियत घेऊन येतो, त्यावर सोनूचा रिप्लाय असतो,

मामा से कहना आप भांजे के बजह से घर जा रहे हो..

मामा से कहना .. आप भांजे की वजह से घर जा रहे हो। ????❣️ https://t.co/jyisfAQlhf

— sonu sood (@SonuSood) May 24, 2020

कुणीतरी आई बाबा एकटे असल्याचं सागतं.. मग लगेच सोनूचा रिप्लाय येतो

अम्मी अब्बू से कह दो जल्दी मिलते है.. नंबर भेजो..

अम्मी अब्बू से कह दो “ जल्दी मिलते हैं “Details भेजो। https://t.co/dnCsFCOOh2

— sonu sood (@SonuSood) May 23, 2020

कुणीतरी अडकलेला सोनूला टॅग करून आपली परिस्थिती सांगतो.. तर त्याचा रिप्लाय असतो असा.. परेशानी गई तेल लेने.. मुस्कुराए.. आप जल्दी घर जाएंगे..

परेशानी गए तेल लेने। मुस्कुराये.. आप जल्द घर जाएँगे। ❣️ https://t.co/rPTBWdPtQU

— sonu sood (@SonuSood) May 23, 2020

असे शेकडो मेसेड सोनूच्या वॉलवर सध्या पाहायला मिळत आहे. महाराष्ट्राचे मंत्री जयंत पाटील, स्मृति इराणी यांच्यांसह अनेकजण सोनूचं कौतुक करत आहेत. बॉलिवूडमध्ये खलनायक भूमिका साकारणारा सोनू सध्या तरी अनेकांसाठी हिरो बनला आहे.

CM Uddhav Thackrey | 31 मे नंतर लॉकडाऊनचं काय होणार? पाहा मुख्यमंत्री काय म्हणाले