LPG e-KYC: घरगुती गॅस ग्राहकांसाठी e-KYC अनिवार्य, प्रक्रिया न केल्यास सबसिडी मिळणार नाही; जाणून घ्या, संपूर्ण प्रोसेस

LPG e-KYC: पेट्रोलियम मंत्रालयाने सर्व घरगुती गॅस ग्राहकांसाठी ई-केवायसी अनिवार्य केले आहे. गॅस एजन्सीमध्ये जाण्याची गरज नाही.

LPG e-KYC

Source : ABP

LPG e-KYC: पेट्रोलियम मंत्रालयाने सर्व घरगुती गॅस ग्राहकांसाठी ई-केवायसी (eKYC) अनिवार्य केले आहे. गॅस एजन्सीमध्ये जाण्याची गरज नाही. तुम्ही संबंधित ऑईल कंपनीचे अधिकृत ॲप आणि 'Aadhaar FaceRD' ॲप वापरून घरबसल्या ही प्रक्रिया काही मिनिटांत पूर्ण करू शकता. यामुळे तुमची गॅस सबसिडी विनाव्यत्यय सुरू राहील. 

घरगुती LPG ग्राहकांसाठी ई-केवायसी (e-KYC) अनिवार्य करण्यात आले असून, पेट्रोलियम मंत्रालयाने बायोमेट्रिक आधार प्रमाणीकरणाद्वारे हे पूर्ण करण्याचे आवाहन केले आहे. ही प्रक्रिया Indane, Bharat Gas किंवा HP Gas च्या मोबाइल ॲपद्वारे मोफत आणि घरबसल्या करता येते. यामुळे सबसिडी सुरू राहण्यास मदत होईल आणि गॅस पुरवठ्यातील अडचणी दूर होतील. ई-केवायसी प्रक्रिया पूर्णपणे मोफत आहे. सबसिडी मिळवण्यासाठी आणि गॅस सिलिंडर मिळण्यात अडचण येऊ नये यासाठी हे करणे आवश्यक आहे. मोबाईलवर काही मिनिटांतच ही प्रक्रिया पूर्ण करता येते.  

ई-केवायसी (e-KYC) कशी करावी? (How To eKYC Of Gas)

1. ॲप डाउनलोड करा: तुमच्या गॅस कंपनीचे (Indane, Bharat, HP) मोबाइल ॲप किंवा UMANG ॲप डाउनलोड करा.
2. लॉगिन करा: मोबाईल नंबरद्वारे ॲपमध्ये लॉगिन करा.
3. आधार प्रमाणीकरण: e-KYC किंवा 'आधार प्रमाणीकरण' पर्यायावर क्लिक करा.
4. चेहरा स्कॅन (Face Authentication): Aadhaar FaceRD ॲप वापरून तुमचा चेहरा स्कॅन करून पडताळणी पूर्ण करा.
5. पर्यायी पद्धत: तुम्ही गॅस एजन्सीवर जाऊनही केवायसी फॉर्म भरू शकता.

ग्राहकांनी ई-केवायसी न केल्यास काय होईल? (e-KYC Process Gas)

ग्राहकांनी जर केवायसी पूर्ण केले नाही, तर तुमचे गॅस बुकिंग प्रक्रिया केली जाणार नाही आणि कंपनी तुमची डिलिव्हरी रद्द करू शकते. शिवाय, सबसिडी ट्रान्सफर समस्याप्रधान असेल आणि तुम्हाला सिलेंडरची संपूर्ण रक्कम भरावी लागेल, ज्यामुळे ₹300 ते ₹400 पर्यंतचा सबसिडीचा फायदा गमावला जाईल. केवायसी पूर्ण करण्यात अयशस्वी झाल्यास तुमचे कनेक्शन ब्लॉक किंवा निलंबित केले जाऊ शकते. त्यामुळे तुमची गॅस सबसिडी विनाव्यत्यय सुरू राहण्यासाठी ई-केवायसी करणे आवश्यक आहे.

गॅसच्या तुटवड्यानंतर सायबर चोरट्यांकडून फसवणूक- (Crime News)

गॅसच्या तुटवड्यामुळे नागरिक आदीच त्रस्त असताना, लोकांना फोन करून हे सायबर चोरटे लक्ष करत आहेत, याबाबत मुंबई पोलिसांकडे असंख्य अशा तक्रारीप्राप्त झाल्या असून अज्ञातांविरोधात गुन्हेही दाखल केले आहेत. लोकांना Mahanagar Gas Limited (MGL) चे प्रतिनिधी असल्याचे सांगून फोन कॉल किंवा APK फाईल्स व्हाॅट्सअॅपवर पाठवत आपल्या गॅसचे बिल अद्याप भरलेले नसल्याचे सांगून तात्काळ बिल न भरल्यास गॅस कनेक्शन कट करण्याबाबत भिती घालत आहेत. तसेच मोबाइलवर पाठवलेली लिंक ओपन करण्यास सांगून क्षणार्धात त्यांच्या खाते साफ करत आहेत. काही प्रकरणांमध्ये कुटुंबांनी लाखो रुपयांची जमापुंजी गमावली असून त्यांच्या आर्थिक सुरक्षिततेवर मोठा परिणाम झाला आहे.

राज्यात घरगुती एलपीजीचा तुटवडा नाही- (Maharashtra Goverment On LPG Cylinder)

महाराष्ट्र राज्यात दररोज सरासरी सुमारे 9000 मेट्रिक टन एलपीजी ची मागणी असते. ही मागणी पूर्ण करण्यासाठी रिफायनरीमधील एलपीजी उत्पादन वाढविण्यात आले असून, गेल्या दोन दिवसांत दैनिक उत्पादन 9000 मेट्रिक टनांवरून 11,000 मेट्रिक टनांपर्यंत वाढविण्यात आले आहे.  त्यामुळे राज्यात घरगुती एलपीजीचा कोणताही तुटवडा नसल्याचे स्पष्ट करण्यात आले आहे. घरगुती गॅसची मागणी पूर्ण करण्याइतके पुरेसे उत्पादन आणि साठा उपलब्ध आहे. व्यावसायिक एलपीजीच्या बाबतीत केंद्र सरकारच्या मार्गदर्शक सूचनांनुसार प्राधान्यक्रम निश्चित करण्यात आले आहेत. त्यानुसार रुग्णालये, शाळांमधील मध्यान्ह भोजन योजना, शासकीय आश्रमशाळा, सामुदायिक स्वयंपाकगृहे (कम्युनिटी किचन), तसेच शासकीय शाळा व महाविद्यालयांच्या मेस यांसारख्या अत्यावश्यक सेवांना प्राधान्य देण्यात येत आहे.  उपलब्ध उत्पादनातून या सर्व गरजा पूर्ण होऊ शकतात. घरगुती वापरासाठीच्या पाइप्ड नॅचरल गॅस (पीएनजी) चा देखील पुरेसा साठा उपलब्ध आहे. इंधनाच्या बाबतीतही राज्यात पेट्रोल आणि डिझेलचा पुरेसा साठा उपलब्ध आहे. बाजारातील मागणी पूर्ण करण्यासाठी राज्यातील रिफायनरी पूर्ण क्षमतेने कार्यरत असून दररोज सुमारे 15,000 किलो लिटर पेट्रोल आणि 38,000 किलो लिटर डिझेल या मागणीची पूर्तता केली जात आहे. त्यामुळे इंधन पुरवठ्याबाबत नागरिकांनी  काळजी करू नये असे आवाहन विभागामार्फत करण्यात आले आहे.

राज्यासह देश-विदेशातील महत्वाच्या घडामोडी, VIDEO: