Sharad Pawar : पॅलेस्टिनच्या मुद्द्यावरून गडकरी, गोयल यांची शरद पवारांवर टीका, पवारांनी थेट मोदींचा दाखला देत केला पटलटवार
Israel-Hamas War: इस्त्रायल आणि पॅलेस्टिनच्या मुद्द्यावरून शरद पवारांनी घेतलेल्या भूमिकेवर केंद्रीय मंत्री नितीन गडकरी आणि पीयूष गोयल यांनी टीका केली होती.
मुंबई: इस्रायल आणि पॅलेस्टिनी अतिरेकी संघटना हमास यांच्यात सुरू असलेल्या युद्धावरून (Israel Hamas War) आता भारतात राजकारण सुरू असल्याचं चित्र आहे. राष्ट्रवादीचे अध्यक्ष शरद पवारांनी (Sharad Pawar) पॅलेस्टिनच्या समर्थनार्थ घेतलेल्या भूमिकेवर केंद्रीय मंत्री नितीन गडकरी आणि पीयूष गोयल यांनी टीका केली होती. त्यानंतर आता शरद पवारांनी थेट पंतप्रधान नरेंद्र मोदी यांचा दाखला देत त्यांच्यावर पलटवार केला आहे.
सोशल मीडियावर वक्तव्य शेअर करताना माजी मुख्यमंत्री शरद पवार यांनी केंद्रीय मंत्री नितीन गडकरी, पीयूष गोयल, उपमुख्यमंत्री देवेंद्र फडणवीस आणि आसामचे मुख्यमंत्री हिमंता बिस्वा सरमा यांच्या टिप्पणीचा उल्लेख केला आहे.
त्यांनी इस्त्रायल-पॅलेस्टाईनवर केलेल्या वक्तव्यावर टीका करणारे भाजप नेते राजा यांच्याशी अधिक निष्ठावान असल्याचे त्यांनी सांगितले. पॅलेस्टाईनला मदत सुरू ठेवण्याच्या पंतप्रधान नरेंद्र मोदींच्या विधानाचे त्यांनी स्वागत केले आणि त्यांचे कौतुक केले.
काय म्हणाले शरद पवार?
माजी केंद्रीय मंत्री शरद पवार म्हणाले, माजी पंतप्रधान पंडित जवाहरलाल नेहरू यांनी अटलबिहारी वाजपेयी यांनी इस्रायल आणि पॅलेस्टाईनच्या मुद्द्यावर जे विचार मांडले होते, ते विचार मीही मांडले होते. या लोकांना इस्त्रायल आणि पॅलेस्टिन या दोन देशांदरम्यान सुरू असलेल्या वादाचे शांततापूर्ण निराकरण हवे होते. मोदींनी आता ते अधोरेखित केले याबद्दल मी धन्यवाद. मला आशा आहे की माझ्या वक्तव्याचा विपर्यास करणाऱ्या काही भाजपच्या नेत्यांना अशा संवेदनशील विषयावर राष्ट्राची भूमिका लक्षात येईल. राजापेक्षा निष्ठावंत अशी इंग्रजी म्हण प्रचलित आहे. हा टिप्पण्या त्याच धांदलीचा एक भाग आहेत.
Over the last few days unsolicited advice and comments on ‘X’ and via TV bytes… pic.twitter.com/55Srzdt2o0
— Sharad Pawar (@PawarSpeaks) October 20, 2023
काय म्हणाले पंतप्रधान मोदी?
पॅलेस्टिनचे अध्यक्ष महमूद अब्बास यांच्यासोबत आपलं बोलणं झाल्याचं पंतप्रधान नरेंद्र मोदी यांनी सांगितलं. यादरम्यान मोदींनी गाझाच्या अल अहली रुग्णालयात नागरिकांच्या मृत्यूबद्दल शोक व्यक्त केला. आम्ही पॅलेस्टाईनच्या लोकांना मानवतावादी मदत पाठवत राहू. दहशतवाद, हिंसाचार आणि प्रदेशातील ढासळत चाललेली सुरक्षा परिस्थिती यावर आम्ही आमची तीव्र चिंता व्यक्त केली आहे. इस्रायल-पॅलेस्टाईन मुद्द्यावर भारताच्या दीर्घकालीन तत्त्वनिष्ठ भूमिकेचा आम्ही पुनरुच्चार केला असं मोदींनी सांगितलं.
Spoke to the President of the Palestinian Authority H.E. Mahmoud Abbas. Conveyed my condolences at the loss of civilian lives at the Al Ahli Hospital in Gaza. We will continue to send humanitarian assistance for the Palestinian people. Shared our deep concern at the terrorism,…
— Narendra Modi (@narendramodi) October 19, 2023
ही बातमी वाचा:
Before You Go
Aaditya Thackeray NEET: नीट आंदोलनात गुन्हे दाखल झालेल्या ठाकरेंची मदत, केस लढण्यासाठी वकील मैदानात उतरवणार, आदित्य ठाकरेंची माहिती
महत्त्वाच्या बातम्या
