राजनाथ सिंहांची हिमाचली टोपी जेव्हा राजस्थानी मुलीला आवडते!!

राजस्थानच्या अंशु नावाच्या एका मुलीने राजनाथ सिंहांनी परिधान केलेली हिमाचली टोपी हवी आहे अशी इच्छा व्यक्त केली आणि राजनाथ सिंहानी तिची इच्छा लगेच पूर्ण करत ती हिमाचली टोपी अंशुच्या घरी पोहोच केली.

नवी दिल्ली: मोदी सरकारच्या मंत्रीमंडळातील संरक्षण मंत्री राजनाथ सिंह यांनी आपल्या वागण्यातून आणि कृतीतून आपलं वेगळपण टिकवून ठेवलं आहे. अनेक वेळा त्यांनी भाजपच्या नेत्यांना हातचा आरसा दाखवला आहे. शेतकरी आंदोलकांना राष्ट्रविरोधी आणि खलिस्तानी म्हणणाऱ्या नेत्यांना राजनाथ सिंहांनी शेतकरी हे आपले अन्नदाता असल्याचं ठणकावून सांगितलं आहे.

दीपिका पादुकोण आणि शाहरुख खानच्या ओम शांती ओम या चित्रपटातील एक प्रसिध्द डॉयलॉग आहे, 'अगर किसी चीज को दिल से चाहो तो पूरी कायनात उसे तुमसे मिलाने की कोशिश में लग जाती है.' जयपूरमध्ये एका एनजीओमध्ये काम करणाऱ्या अंशु नावाच्या मुलीसोबत असंच काहीसं घडलंय. संरक्षण मंत्री राजनाथ सिंह यांनी एका कार्यक्रमात घातलेली टोपी अंशुला खूप आवडली.

एखाद्या मोठ्या नेत्याचे कपडे वा काही गोष्टी आपल्याला आवडल्या तर ती आपल्याकडेही असावी अशी आपली इच्छा होते. काही वेळेला ही इच्छा आश्चर्यकारकरित्या पूर्ण होते. संरक्षण मंत्री राजनाथ सिंहांनी अंशुला आवडलेल्या टोपीबद्दल असंच काहीसं केलं.

हिमाचल प्रदेशमध्ये भाजपच्या सरकारला तीन वर्षे पूर्ण झाली. त्यानिमित्ताने 27 डिसेंबर रोजी एका कार्यक्रमाचं आयोजन करण्यात आलं होतं. या कार्यक्रमात भाग घेण्यासाठी दिल्लीवरुन राजनाथ सिंह व्हिडिओ कॉन्फरन्सच्या माध्यमातून जोडले गेले होते. त्यावेळी राजनाथ सिंह यांनी हिमाचल प्रदेशची प्रसिध्द टोपी घातली होती. त्यांचा हा फोटो त्रिपूराचे मुख्यमंत्री विप्लव देव यांचे ओएसडी संजय मिश्रा यांनी ट्वीट केला होता. या ट्वीटमध्ये राजनाथ सिंह यांना टॅग करत अंशुने ती टोपी हवी असल्याचं सांगितलं.

आदरणीय रक्षा मंत्री श्री @rajnathsingh जी से आग्रह है कि अंशू को हिमाचली टोपी भिजवाने का कष्ट करें। हिमाचल की शान मानी जाने वाली टोपी काफी रास आ रही है। https://t.co/kYWYsTLXO1

— Sanjay Mishra (@sanjayswadesh) December 27, 2020

अंशुच्या या ट्वीटनंतर राजनाथ सिंह यांच्या कार्यालयाकडून हिमाचल प्रदेशच्या मुख्यमंत्र्यांच्या कार्यालयाशी संपर्क साधण्यात आला. त्या ठिकाणाहून अंशुच्या घरचा पत्ता मिळवण्यात आला आणि हिमाचलची शान समजली जाणारी ती टोपी अंशुच्या घरी पोहचली.

समाज के लिए कुछ करने की चाह लेकर आगे बढ़ने वाली बच्ची की इच्छा पूरी करने के लिए देश के रक्षा मंत्री श्री @rajnathsingh जी और हिमाचल प्रदेश के मुख्यमंत्री श्री @jairamthakurbjp जी का आभार। https://t.co/QwKVWcNj4l

— Sanjay Mishra (@sanjayswadesh) January 3, 2021

सुरुवातीला अंशुला विश्वासच बसत नव्हता. नंतर मात्र तिचा आनंद गगणात मावेनासा झाला. तिने लगेच राजनाथ सिंह, हिमाचलचे मुख्यमंत्री जयराम ठाकूर आणि त्रिपूराच्या मुख्यमंत्र्यांचे ओएसडी संजय मिश्रा यांना टॅग करत त्यांचे धन्यवाद मानले. अंशुने तिच्या ट्वीटमध्ये सांगितलं की तिच्या वडिलांच्या मृत्यूनंतर असं पहिल्यांदाच झालं आहे की तिने इच्छा व्यक्त केली आणि ती पूर्ण झाली. अंशुने हिमाचलची टोपी घालून आपला फोटोही शेअर केला आहे.

सच में आप महान हो @jairamthakurbjp सर मेरे पिता के निधन के बाद पहली बार ऐसा हुआ कि मैंने किसी चीज की इच्छा की और तुरंत मिल गई.@sanjayswadesh जी ने @rajnathsingh जी तक मेरी हिमाचली टोपी की इच्छा को पहुंचाया और आपके कार्यालय से आज पार्सल प्राप्त हुआ खुशी का ठिकाना नहीं है धन्यवाद pic.twitter.com/96prWXLpf3

— Taru Sakhi (@TaruSakhi) January 3, 2021