Poonch Terrorist Attack: काश्मीरमधील पुंछमध्ये साजरी नाही होणार 'ईद', शहीद जवानांना गावकऱ्यांकडून श्रद्धांजली ...
Poonch Terror Attack: पुंछमध्ये झालेल्या दहशतवादी हल्ल्यात पाच जवान शहीद झाले. त्यामुळे तेथील गावकऱ्यांनी ईद साजरी न करण्याचा निर्णय घेतला आहे.
Poonch Terror Attack: जम्मू - काश्मीरमधील पुंछ(poonch) येथे गुरूवारी 20 एप्रिल रोजी जवानांच्या ट्रकवर दहशतवादी हल्ला(terror attack) झाला. या हल्यात पाच भारतीय जवान(indian army) शहीद झाले. ज्या ट्रकमध्ये इफ्तारचे सामान होते, अशी माहिती आता समोर येत आहे. त्यादिवशी एका गावात इफ्तार पार्टीचे (iftar) आयोजन करण्यात आले होते, त्याचेच सामान या ट्रकमध्ये होते.
इंडियन एक्सप्रेसच्या वृत्तानुसार, राष्ट्रीय रायफल्सच्या जवानांनी 20 एप्रिलला संध्याकाळी इफ्तार पार्टीचे आयोजन केले होते. परंतु दहशतवाद्यांचा या इफ्तार पार्टीला विरोध होता. भारतीय लष्करी जवान जम्मू - काश्मीर मधील विविध भागात अशा इफ्तार पार्टीचे आयोजन करतात. याच आयोजनावर नाराज होऊन दहशतवाद्यांनी हा हल्ला केला असल्याचे वृत्त मिळत आहे.
ईद साजरी न करण्याचा गावकऱ्यांचा निर्णय...
भारतीय जवानांवर झालेल्या दहशतवादी हल्ल्यामुळे संपूर्ण गावावर शोककळा पसरली आहे. जवानांच्या कुटुंबाच्या दु:खात सहभागी होत गावकऱ्यांनी ईद(Eid) साजरी न करण्याचा निर्णय घेतलाय. खरंतर भारतीय जवानांना येथील लोकं आपलसं तर करून घेणार नाहीत अशी भीती दहशतवाद्यांना आहे.. जर असे झाले तर त्यांना भारतीय जवानांविरोधात येथील लोकांना भडकवता येणार नाही. म्हणूनच भारतीय जवानांची येथील लोकांशी होणारी जवळीक दहशतवाद्यांना मान्य नाही. जवानांशी सलगी करणाऱ्या लोकांकडे संशयाच्या दृष्टीने पाहिले जाते. जवनांना आयोजित केलेल्या इफ्तार पार्टीची माहिती मिळताच हा हल्ल्याचा कट रचला. जेव्हा जवान इफ्तारचे सामान घेऊन ट्रक जात होता, तेव्हाच हा हल्ला करण्यात आला. पहिल्यांदा गोळीबार करण्यात आला नंतर ग्रेनेडने हल्ला करण्यात आला.
पाच जवान झाले शहीद
या हल्ल्यात राष्ट्रीय राइफल्स(आरआर)चे हवालदार मनदीप सिंह, लान्स नाईक देबाशिष बसवाल, लान्स नाईक कुलवंत सिंह, शिपाई हरकृष्ण सिंह आणि शिपाई सेवक सिंह हे जवान शहीद झाले. एक जवान गंभीर जखमी असून, लष्कराच्या रुग्णालयात त्यांच्यावर उपचार सुरू आहेत. हल्यानंतर त्या संपूर्ण परिसरात शोध मोहिम सुरू केली,त्यासीठी ड्रोनचा देखील वापर केला जात आहे.
या हल्ल्याची जबाबदारी पीएफएफ नावाच्या दहशतवादी संघटनेने घेतली आहे. पीएफएफ ही पाकिस्तानातील जैश-ए-मोहम्मद या दहशतवादी संघटनेशी संबंधित आहे.
ग्रेनेड हल्ल्यानंतर दहशतवाद्यांनी गोळीबार केल्याचे सांगण्यात येत आहे. या हल्ल्यात चार दहशतवादी सहभागी असल्याचं समजतं. हल्ल्यानंतर गाडीच्या इंधन टाकीला आग लागली आणि काही वेळातच संपूर्ण वाहन आगीत जळून खाक झालं. सूत्रांच्या माहितीनुसार, हा हल्ला झाला तेव्हा जवान वाहनातून काही सामान घेऊन जात होते. जम्मू-काश्मीरमध्ये होणाऱ्या G-20 परिषदेपूर्वी हा नियोजित हल्ला असल्याचं म्हटलं जात आहे.
संबंधित बातम्या
Poonch Terror Attack : पुंछ दहशतवादी हल्ल्यात शहीद झालेल्या जवानांची नावं भारतीय लष्कराकडून जाहीर
महत्त्वाच्या बातम्या
