PM Modi : पंतप्रधान राष्ट्रीय बाल पुरस्कार विजेत्यांशी साधणार संवाद, देशभरातील 29 बालकांचा सन्मान

PM Modi : भारत सरकारकडून पाच ते 18 वर्षे वयोगटातील मुलांना पंतप्रधान राष्ट्रीय बाल पुरस्कार प्रदान करण्यात येतो. हा पुरस्कार समाजसेवा, शैक्षणिक, क्रीडा, कला, संस्कृती, शौर्य यासाठी दिला जातो.

PM Modi

Pradhan Mantri Rashtriya Bal Puraskar Awardees : पंतप्रधान नरेंद्र मोदी (PM Narendra Modi) आज व्हिडिओ कॉन्फरन्सिंगद्वारे पंतप्रधान राष्ट्रीय बाल पुरस्कार (PMRBP) विजेत्यांशी संवाद साधतील. यावेळी केंद्रीय महिला आणि बालविकास मंत्री स्मृती इराणी आणि राज्यमंत्री डॉ. मुंजपारा महेंद्रभाई हे देखील उपस्थित राहणार आहेत. सकाळी साडेअकरा वाजता हा कार्यक्रम सुरू होईल. PMRBP च्या प्रत्येक पुरस्कारार्थीला एक पदक, रोख एक लाख रुपये आणि प्रमाणपत्र दिले जाते.

राष्ट्रपती भवनात झालेल्या समारंभात राष्ट्रपतींच्या हस्ते हे पुरस्कार प्रदान केले जातात. पंतप्रधान दरवर्षी या पुरस्कार विजेत्यांशी संवादही साधतात. PMRBP चे पुरस्कार विजेते दरवर्षी प्रजासत्ताक दिनाच्या परेडमध्ये देखील सहभागी होतात. मात्र, देशातील कोरोनाची परिस्थिती पाहता यंदा दिल्लीत पुरस्कार सोहळ्याचे आयोजन करणे शक्य नाही. 24 जानेवारी रोजी राष्ट्रीय बालिका दिनानिमित्त आणि आझादी का अमृत महोत्सवाचा एक भाग म्हणून पंतप्रधान नरेंद्र मोदी PMRBP-2022 च्या विजेत्यांशी संवाद साधतील. या कार्यक्रमाला मुले त्यांच्या पालकांसह त्यांच्या जिल्हा मुख्यालयातून आणि त्यांच्या संबंधित जिल्ह्याच्या संबंधित जिल्हा दंडाधिकारी यांच्यासमवेत उपस्थित राहतील.

बाल शक्ती पुरस्काराच्या विविध श्रेणींमध्ये या वर्षी देशभरातील 29 मुलांची राष्ट्रीय बाल पुरस्कारासाठी निवड करण्यात आली आहे. समारंभादरम्यान, पंतप्रधान ब्लॉक चेन तंत्रज्ञान वापरून विजेत्यांना डिजिटल प्रमाणपत्रे सादर करतील. राष्ट्रीय बाल पुरस्कार 2021 च्या विजेत्यांना देखील प्रमाणपत्रे दिली जातील, ज्यांना गेल्या वर्षी कोविड परिस्थितीमुळे प्रमाणपत्र देता आले नव्हते. राष्ट्रीय बाल पुरस्कार विजेत्यांना प्रमाणपत्र देण्यासाठी प्रथमच ब्लॉक चेन तंत्रज्ञानाचा वापर केला जाणार आहे.

इतर महत्त्वाच्या बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha