Narendra Modi : काँग्रेसने 40 जागा जरी जिंकल्या तरी भरपूर होईल, ते आपल्या चुकांची शिक्षा भोगत आहेत; राज्यसभेत पंतप्रधान नरेंद्र मोदींची जोरदार टीका
PM Modi on Vote of Thanks: राज्यसभेत राष्ट्रपती द्रौपदी मुर्मू यांच्या अभिभाषणावर आभार मानत पंतप्रधानांनी काँग्रेस अध्यक्ष मल्लिकार्जुन खरगे आणि गांधी परिवारावर खरपूस टीका केली.
नवी दिल्ली : पंतप्रधान नरेंद्र मोदी (Narendra Modi Parliament Speech) यांनी पुन्हा एकदा राज्यसभेत काँग्रेस पक्षावर जोरदार हल्ला चढवला आहे. काँग्रेसच्या व्हीआयपी कल्चरबाबतही त्यांनी अनेक प्रश्न उपस्थित केले. लाल दिव्याची संस्कृती का सुरू ठेवली, असा सवाल त्यांनी केला. काँग्रेसने ब्रिटिश कायदा का बदलला नाही, असा सवाल त्यांनी उपस्थित केला. ते म्हणाले की, काँग्रेसने येत्या निवडणुकीत 40 जागा जरी जिंकल्या तरी भरपूर होतील, ते आज आपल्या चुकांची शिक्षा भोगत आहेत. राष्ट्रपतींच्या अभिभाषणावर आभार मानताना (Vote of Thanks) त्यांनी काँग्रेसवर जोरदार टीका केली.
पंतप्रधानांनी यापूर्वी सोमवार, 5 फेब्रुवारी रोजी लोकसभेला संबोधित केले होते. आज राज्यसभेत भाषण करताना पंतप्रधान नरेंद्र मोदी सुरुवातीपासूनच काँग्रेसवर हल्लाबोल करताना दिसले. पंतप्रधान म्हणाले की, काही लोकांवर टीका करणे हा नाईलाज झाला आहे आणि त्याबद्दल मी त्यांच्याबद्दल शोक व्यक्त करतो असं म्हणत पंतप्रधान काँग्रेसकडे बोट दाखवत होते.
पंतप्रधान नरेंद्र मोदी म्हणाले की, 'मी मल्लिकार्जुन खरगे यांचे भाषण लक्षपूर्वक ऐकत होतो आणि मला त्याचा खूप आनंद झाला. लोकसभेत जी मनोरंजनाची उणीव होती ती तुम्ही पूर्ण केली. खर्गे इतकं बोलू शकले कारण त्या दिवशी ते बोलत होते तेव्हा त्यांचे दोन कमांडर बसले नव्हते. खर्गे त्या दिवशी म्हणाले होते की एनडीए देशात 400 जागा जिंकेल.
#WATCH | In Rajya Sabha, Prime Minister Narendra Modi reads out a letter by the then PM late Jawaharlal Nehru to the then Chief Ministers.
— ANI (@ANI) February 7, 2024
He says, "....I am reading out its translation - "I dislike any kind of reservation, more particularly in services. I am strongly against… pic.twitter.com/MeulkyxRLP
बाबासाहेबांचे विचार नष्ट करण्याचा प्रयत्न
माजी पंतप्रधान जवाहरलाल नेहरू यांच्या भाषणाचा संदर्भ देत पंतप्रधान मोदी म्हणाले की, त्यांनी नोकऱ्यांमधील आरक्षणाला विरोध केला होता आणि नेहरूजींचे भाषण आणि त्यांचे शब्द काँग्रेससाठी मूल्यवान आहेत. बाबासाहेब आंबेडकरांचे विचार नष्ट करण्याचा काँग्रेसने प्रयत्न केला, असेही पंतप्रधान मोदी म्हणाले. सीताराम केसरी यांच्याशी काँग्रेस पक्षाने ज्या प्रकारे वागणूक दिली ते त्यांच्या नजरेत ओबीसींचे महत्त्व दाखवण्यासाठी पुरेसे आहे, असेही पंतप्रधान म्हणाले. आपल्या भाषणादरम्यान, पीएम मोदींनी एनडीए सरकारने एससी, एसटी आणि ओबीसींसाठी केलेल्या विकासकामांची देखील गणना केली.
काँग्रेस पक्षाच्या आजच्या स्थितीला काँग्रेस पक्षच जबाबदार असल्याचे पंतप्रधान नरेंद्र मोदी म्हणाले. आगामी निवडणुकीत काँग्रेसला 40 जागाही मिळाल्या तर ती त्यांच्यासाठी आनंदाची गोष्ट आहे. आगामी लोकसभा निवडणुकीत काँग्रेसला 40 जागाही वाचवणे कठीण होणार आहे.
व्हीआयपी संस्कृतीवर प्रश्न
या काळात पंतप्रधान मोदींनी काँग्रेसच्या व्हीआयपी संस्कृतीवरही अनेक प्रश्न उपस्थित केले आहेत. लाल दिव्याची संस्कृती का सुरू ठेवली, असा सवाल त्यांनी केला. काँग्रेसने ब्रिटिश कायदा का बदलला नाही, असा सवाल त्यांनी उपस्थित केला. ते म्हणाले की, काँग्रेसने देशाची मूळ संस्कृती दाबण्याचे काम केले आहे.
पंडित नेहरूंवर निशाणा साधला
पंतप्रधान मोदींनी राज्यसभेत माजी पंतप्रधान जवाहरलाल नेहरू यांच्यावर पुन्हा एकदा जोरदार हल्ला चढवला. ते म्हणाले की, नेहरूंना आरक्षण आवडत नव्हते. मोदी म्हणाले की, पं. जवाहरलाल नेहरू नोकऱ्यांमधील आरक्षणाच्या विरोधात होते. गेल्या दहा वर्षांत आमच्या सरकारने प्रत्येक विभागाला पुढे नेण्याचे काम केले आहे. आमच्या सरकारने गरीब, दलित आणि मागासलेल्या लोकांना स्वाभिमानाने जगण्याचा अधिकार दिला.
ही बातमी वाचा :
महत्त्वाच्या बातम्या
ट्रेंडिंग न्यूज
