Petrol-Diesel Price Today : वर्षाच्या शेवटच्या दिवशी पेट्रोल-डिझेलचे दर काय? दिलासा की, खिशाला कात्री?
Petrol-Diesel Price Today Latest Updates : गेल्या काही दिवसांपासून देशात पेट्रोल-डिझेलचे दर स्थिर आहेत. अशातच पेट्रोल-डिझेलच्या किमतींमध्ये घट होण्याऐवजी आणखी वाढ होण्याची शक्यता वर्तवण्यात येत आहे.
Petrol-Diesel Rates Today 31 December 2021 : आज वर्षाचा शेवटचा दिवस. आजच्या दिवशीही पेट्रोल-डिझेलच्या दरांमध्ये कोणतीही वाढ झालेली नाही. देशात सलग 57 व्या दिवशी पेट्रोल-डिझेलचे दर स्थिर आहेत. आंतरराष्ट्रीय स्तरावर कच्च्या तेलाच्या (Crude Oil) किमतींमध्ये चढ-उतार सुरु आहेत. परंतु, देशातील पेट्रोल-डिझेलचे दर स्थिर आहेत. देशभरात पेट्रोल (Petrol) आणि डिझेल (Diesel) च्या किमतींमध्ये 31 डिसेंबर रोजी कोणताही बदल झालेला नाही.
इंधन कंपन्यांकडून ग्राहकांना दिलासा देण्यात आला नाही. इंधनाच्या वाढलेल्या दरापासून नागरिकांना दिलासा देण्यासाठी सरकारच आपले कर कमी करत आहेत. झारखंड सरकारने त्यांच्या राज्यातील नागरिकांना दिलासा देताना इंधन दरात 25 रुपयांनी कपात केली आहे. तर, दुसरीकडे इंधन कंपन्यांनी जवळपास दीड महिने आपले इंधन दर स्थिर ठेवले आहेत.
भारतीय तेल कंपन्यांनी आजचे पेट्रोल-डिझेलचे दर जारी केले आहेत. आजही तेलाच्या किमती स्थिर आहेत. राजधानी दिल्लीसह देशभरात पेट्रोल-डिझेलच्या किमती गेल्या दीड महिन्यांपासून बदल करण्यात आलेला नाही. भारतीय तेल कंपन्यांनी 04 डिसेंबरपासून पेट्रोल-डिझेलच्या किमतींमध्ये कोणताही बदल केलेला नाही. इंधन दरवाढ कायम असल्यामुळे सर्वसामान्यांच्या खिशाला काहीसा दिलासा मिळणार आहे. गेल्या महिन्याभरात तेल कंपन्यांनी पेट्रोल-डिझेलच्या (Petrol-Diesel Price) किमतींमध्ये कोणताही बदल केलेला नाही. केंद्र सरकारनं दिवाळीपूर्वी पेट्रोल-डिझेलच्या उत्पादन शुल्कात कपात केली होती. त्यामुळे देशभरातील पेट्रोल-डिझेलच्या दरांमध्ये घट झाल्याचं पाहायला मिळालं होतं. नंतर अनेक राज्यांनी पेट्रोल-डिझेलवरील व्हॅट कमी करत सर्वसामान्यांना दिलासा दिला होता.
IOCL च्या अधिकृत वेबसाईटवरुन देण्यात आलेल्या माहितीनुसार, आजही देशातील सर्वात मोठ्या महानगरांतील पेट्रोल-डिझेलचे दर स्थिर आहेत. आज देशाची आर्थिक राजधानी असलेल्या मुंबई शहरांत (Petrol-Diesel Price In Mumbai) पेट्रोलची किंमत 109.98 रुपये प्रति लिटर आहे. तर डिझेलची किंमत 94.14 रुपये प्रति लिटर इतकी आहे. महाराष्ट्रातही पेट्रोल-डिझेलच्या किमतींनी सर्वोच्च पातळी गाठली आहे. राज्याची सांस्कृतिक राजधानी म्हणून ओळखल्या जाणाऱ्या पुण्यात (Petrol-Diesel Price In Pune) पेट्रोलची किंमत 109.45 रुपये प्रति लिटर आहे. तर डिझेलची किंमत 92.25 रुपये प्रति लिटर इतकी आहे.
देशाची राजधानी असलेल्या दिल्लीत (Petrol-Diesel Price In Delhi) पेट्रोलची किंमत (Petrol Price) 95.41 रुपये प्रति लिटर, तर डिझेलची किंमत 86.67 रुपये प्रति लिटर इतकी आहे. याशिवाय देशातील इतर महानगरांपैकी महत्त्वाचं शहर असणाऱ्या चेन्नईत पेट्रोल 101.40 रुपये प्रति लिटरनं आणि डिझेल 91.43 रुपये प्रति लिटरनं विकलं जात आहे. तर कोलकातामध्ये डिझेलची किंमत 89.79 रुपये आणि पेट्रोल 104.67 रुपयांनी विकलं जात आहे.
झारखंडमध्ये इंधन दरात कपात, पण...
इंधन दरवाढीने त्रस्त झालेल्या नागरिकांना दिलासा देण्यासाठी केंद्र सरकारने करात कपात करत पेट्रोल, डिझेलचे दर काही प्रमाणात कमी केले. केंद्राच्या या निर्णयानंतर काही राज्यांनी आपल्या करातही कपात करत इंधन दर आणखी कमी केले. झारखंडमध्ये देखील हेमंत सरकारने दोन वर्षाचा कार्यकाळ पूर्ण होण्याअगोदर पेट्रोलचे दर तब्बल 25 रुपयांनी कमी करण्याचा निर्णय घेतला आहे. झारखंड सरकारने मध्यमवर्ग, गरिबांसाठी दुचाकीसाठी कमाल 10 लीटर इंधन खरेदी करता येणार. इंधन खरेदी केल्यानंतरचे इंधन कपातीची रक्कम ही थेट बँक अकाउंटमध्ये येणार आहे. ही योजना 26 जानेवारीपासून सुरू होणार आहे.
देशात ऑईल मार्केटिंग कंपन्यांनी इंधानाच्या किमतींमध्ये कोणताही बदल केलेला नाही. जाणून घेऊया वेगवेगळ्या शहरांतील पेट्रोल-डिझेलच्या किमती
| देशातील प्रमुख शहरं | पेट्रोलची किंमत प्रति लिटर | डिझेलची किंमत प्रति लिटर |
| मुंबई | 109.98 | 94.14 |
| दिल्ली | 95.41 | 86.67 |
| चेन्नई | 101.40 | 91.43 |
| कोलकाता | 104.67 | 89.79 |
| पाटणा | 105.92 | 91.09 |
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
दिवसभरातील महत्त्वाच्या बातम्यांचा आढावा घेण्यासाठी एबीपी माझा लाईव्ह पाहा
महत्त्वाच्या बातम्या
ट्रेंडिंग न्यूज
