Petrol, Diesel Price Today : पेट्रोल-डिझेलचे ताजे दर जारी; एक लिटरसाठी किती पैसे मोजावे लागणार?

Petrol-Diesel Price Today : केंद्र सरकारकडून पेट्रोल-डिझेलच्या उत्पादन शुल्कात घट झाल्यानंतर आजही देशात पेट्रोल-डिझेलचे दर स्थिर आहेत.

Petrol Diesel Price

Petrol-Diesel Price Today 09th November 2021 : गेल्या दोन महिन्यांमध्ये पेट्रोल-डिझेलच्या दरांमध्ये मोठी वाढ झाल्याचं पाहायला मिळालं होतं. अशातच दिवाळीपूर्वी केंद्र सरकारनं पेट्रोल-डिझेलच्या दरांवरी (Petrol Diesel Price) उत्पादन शुल्क कमी करुन सर्वसामान्यांना मोठा दिलासा दिला होता. तेव्हापासून देशातील पेट्रोल-डिझेलच्या किमती (Petrol Diesel Price ) स्थिर आहेत. शुक्रवारपासून म्हणजेच, 5 नोव्हेंबर पासून पेट्रोल-डिझेलच्या दरांमध्ये कोणताही बदल झालेला नाही. अशातच, केंद्र सरकारनं उत्पादन शुल्कात घट केल्यानंतर अनेक राज्यांनीदेखील पेट्रोल-डिझेलवरील व्हॅटमध्ये घट केली होती. 

केंद्र सरकारकडून उत्पादन शुल्कात कपात करण्यात आल्यानंतर आसाम, त्रिपुरा, गोवा, उत्तर प्रदेश, गुजरात, उत्तराखंड, हरियाणा, हिमाचल प्रदेश, मणिपूर आणि कर्नाटक सरकारनं पेट्रोल-डिझेलच्या उत्पादन शुल्कात घट केली होती. त्यासोबत हरियाणामध्येही व्हॅट कमी करण्याची घोषणा करण्यात आली होती. या सर्व राज्यांमध्ये भाजपची सत्ता आहे. दरम्यान, पीटीआयनं दिलेल्या माहितीनुसार, काँग्रेस आणि त्यांच्या मित्रपक्षांची सत्ता असलेल्या अनेक राज्यांमध्ये पेट्रोल-डिझेलवरील व्हॅट अद्याप कमी करण्यात आलेला नाही. महाराष्ट्रात मात्र राज्य सरकारनं करात कपात केली नाही, त्यामुळे विरोधकांनी राज्य सरकारवर निशाणाही साधला.

आज मुंबईत पेट्रोलची किंमत 109.98 रुपये प्रति लिटर आहे. तर डिझेलची किंमत  94.14 रुपये प्रति लिटर इतकी आहे. तर देशाची राजधानी दिल्लीत पेट्रोलची किंमत (Petrol Price);103.97 रुपये प्रति लिटर, तर डिझेलची किंमत  86.67 रुपये प्रति लिटर इतकी आहे. तर चेन्नईमध्ये पेट्रोल 101.40 रुपये प्रति लिटरनं आणि डिझेल 91.43 रुपये प्रति लिटरनं विकलं जात आहे. तर कोलकातामध्ये डिझेलची किंमत 89.79 रुपये आणि पेट्रोल 104.67 रुपयांनी विकलं जात आहे. अशातच पंजाब सरकारनंही पेट्रोलच्या किमतींमध्ये 10 रुपये प्रति लिटरनं आणि डिझेलच्या किमतींमध्ये (Diesel Price) 5 रुपये प्रति लिटरनं कपात करण्यात आली आहे. दर कपातीची घोषणा करताना पंजाबचे मुख्यमंत्री म्हणाले की, गेल्या 70 वर्षांत असे घडलेले नाही.

देशातील महत्त्वाच्या शहरांतील पेट्रोल-डिझेलच्या किमती (Petrol Diesel Price ) काय?

देशातील महत्त्वाची शहरं	पेट्रोल रुपये/लिटर	डिझेल रुपये/लिटर
मुंबई	109.98	94.14
दिल्ली	109.69	98.24
चेन्नई	104.67	89.79
कोलकाता	101.40	91.43

पेट्रोल आणि डिझेलचे दर (Petrol Diesel Price ) कुठे आणि कसे पाहाल?

इंडियन ऑईलचं  IndianOil ONE Mobile App  तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.

इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.

पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).