Petrol-Diesel Price Today : कच्चं तेल घसरलं, तेल कंपन्यांकडून पेट्रोल-डिझेलचे लेटेस्ट दर जाहीर
Petrol-Diesel Price Today : देशातील तेल कंपन्यांनी आजही पेट्रोल (Petrol Prices) -डिझेलच्या (Diesel Prices) दरांत कोणताही बदल केलेला नाही.
Petrol-Diesel Price Today 11th October 2022 : कच्चं तेलाच्या दरांत (Crude Oil Prices) काही दिवसांपूर्वी 9 महिन्यांच्या विक्रमी पातळीवर घट झाली होती. पण, गेल्या काही दिवसांपासून कच्च्या तेलाच्या दरांत वाढ होताना दिसत आहे. किंमती कमी केल्यानंतर ओपेकनं (OPEC) उत्पादन कमी करण्याचा निर्णय घेतला. त्यामुळे कच्च्या तेलाच्या किमतींत पुन्हा वाढ होत असल्याचं पाहायला मिळत आहे. मंगळवारी सकाळी कच्च्या तेलाच्या दरांत घसरण दिसून आली. असं असलं तरी देशातील पेट्रोल-डिझेलचे दर (Petrol Diesel Price) मात्र, गेल्या साडेचार महिन्यांपासून स्थिर आहेत. क्रूडच्या किमतीत चढ-उतार होत असतानाही पेट्रोल (Petrol) डिझेलच्या (Diesel) किमतींमध्ये कोणताही बदल झालेला नाही.
पेट्रोलचे दर 8 रुपयांनी घटले होते
मोदी सरकारनं साडेचार महिन्यांपूर्वी पेट्रोल आणि डिझेलच्या किंमतीवरील उत्पादन शुल्क कमी केल्यानंतर इंधन दरांत बदल करण्यात आला होता. त्यावेळी देशभरात पेट्रोलची किंमत 8 रुपयांनी कमी झालं होतं. मात्र, त्यानंतर महाराष्ट्र आणि मेघालयमध्ये इंधनाचे दर बदलले. अलीकडेच तेल कंपन्यांनी व्यावसायिक गॅस सिलेंडरच्या दरांत कपात केली आहे.
कच्च्या तेलाचे ताजे दर
सोमवारी झालेल्या घसरणीनंतर, WTI क्रूडचा नवीन दर प्रति बॅरल 90.64 डॉलरवर पोहोचला. तसेच, ब्रेंट क्रूड प्रति बॅरल 95.69 डॉलरवर पोहोचलं. गेल्या काही दिवसांत महाराष्ट्रात शिंदे सरकार आल्यानंतर राज्यात पेट्रोलमध्ये 5 रुपये आणि डिझेलवर 3 रुपयांची कपात करण्यात आली होती. मात्र, मेघालयमध्ये पेट्रोल आणि डिझेलच्या दरांत दीड रुपयांची वाढ करण्यात आली होती.
देशातील महानगरांतील किमती काय?
| शहरं | पेट्रोलच्या किमती (प्रति लिटर) | डिझेलच्या किमती (प्रति लिटर) |
| मुंबई | 106.31 रुपये | 94.27 रुपये |
| दिल्ली | 96.72 रुपये | 89.62 रुपये |
| चेन्नई | 102.74 रुपये | 94.33 रुपये |
| कोलकाता | 106.03 रुपये |
92.76 रुपये |
राज्यातील प्रमुख शहरांत दर काय?
- नागपूर : पेट्रोल 106.04 रुपये प्रति लिटर, डिझेल 92.59 रुपये प्रति लिटर
- पुणे : पेट्रोल105.84 रुपये प्रति लिटर, डिझेल 92.36 रुपये प्रति लिटर
- कोल्हापूर : पेट्रोल 106.47 रुपये प्रति लिटर, डिझेल 93.01 रुपये प्रति लिटर
- औरंगाबाद : पेट्रोल 108 रुपये, डिझेल 95.96 प्रति लिटर
दररोज अपडेट होतात पेट्रोल-डिझेलचे दर
आंतरराष्ट्रीय बाजारपेठेतील कच्च्या तेलाच्या आधारे तेल कंपन्या दररोज पेट्रोल आणि डिझेलच्या किमतींचा आढावा घेऊन दर निश्चित करतात. इंडियन ऑइल, भारत पेट्रोलियम आणि हिंदुस्थान पेट्रोलियम तेल कंपन्या दररोज सकाळी वेगवेगळ्या शहरांच्या पेट्रोल आणि डिझेलच्या किमती अपडेट करतात. मात्र, तेल कंपन्यांनी बराच काळ पेट्रोल आणि डिझेलच्या दरांत बदल केलेला नाही.
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्त्वाच्या बातम्या
ट्रेंडिंग न्यूज
