(Source: ECI/ABP News/ABP Majha)
Petrol Diesel Price : देशात पेट्रोल-डिझेलच्या किंमतीत वाढ सुरूच ; जाणून घ्या आजचा दर
Petrol Price 10 May 2021 : पेट्रोलच्या किंमतीत आज 23 ते 26 पैशांनी तर डिझेलच्या किंमतीत 31 ते 35 पैशांनी वाढ झाली आहे. गेल्या चार दिवसांत दिल्लीत पेट्रोल 1.13 रुपयांनी महाग झाले आहे, तर डिझेल 1.33 रुपयांनी महाग झाले आहे.
Petrol Price 10 May 2021 : देशभरात कोरोनाच्या वाढत्या प्रादुर्भाव रोखण्यासाठी वेगवेगळ्या राज्यात लॉकडाऊन किंवा लॉकडाऊनसृदृश्य निर्बध घालण्यात आले आहे. यामुळे पेट्रोल पंपावर पेट्रोल-डिझेलची मागणी कमी झाली असली आहे. असं असलं तरी किंमतीत कोणतीही घट झालेली नाही. मागील आठवड्यात 4 दिवस पेट्रोल-डिझेलच्या किंमतीत वाढ झालेली पाहायला मिळाली. शनिवार आणि रविवारी किंमती वाढ झाली नाही, पण आज पुन्हा एकदा पेट्रोल-डिझेलच्या किंमतीत वाढ झाली आहे.
आज पेट्रोलच्या किंमतीत 23 ते 26 पैशांनी तर डिझेलच्या किंमतीत 31 ते 35 पैशांनी वाढ झाली आहे. गेल्या चार दिवसांत दिल्लीत पेट्रोल 1.13 रुपयांनी महाग झाले आहे, तर डिझेल 1.33 रुपयांनी महाग झाले आहे.
या दोन महिन्याच्या काळात आंतरराष्ट्रीय स्तरावर कच्च्या तेलाच्या किंमती वाढल्या असूनही देशातल्या पेट्रोल आणि डिझेलच्या किंमतीमध्ये वाढ करण्यात आली नव्हती. यामागे पाच राज्यातील निवडणुका हे कारण असल्याचं सांगण्यात येतंय. मात्र जशा या निवडणुका संपल्या तसं लगेचच पेट्रोल आणि डिझेलच्या किंमतीत वाढ होण्यास सुरुवात झाली. निवडणुका झाल्यानंतर आता होणाऱ्या इंधन दरवाढीमुळे आता सामान्यांच्या खिशाला कात्री लागणार हे नक्की.
देशातील प्रमुख शहरातील इंधनाचे दर
मुंबई
पेट्रोल- 97.86 रुपये/लिटर
डिझेल- 89.17 रुपये/लिटर
दिल्ली
पेट्रोल- 91.53 रुपये/लिटर
डिझेल- 82.06 रुपये/लिटर
कोलकाता
पेट्रोल- 91.66 रुपये/लिटर
डिझेल- 84.90 रुपये/लिटर
चेन्नई
पेट्रोल- 93.38 रुपये/लिटर
डिझेल- 86.96 रुपये/लिटर
देशात 15 जून 2017 पासून इंधनाचे दर रोज बदलण्यास सुरुवात झाली. पेट्रोल आणि डिझेलच्या किंमती आता भारतातील तेल कंपन्या ठरवतात. आंतरराष्ट्रीय स्तरावर प्रत्येक क्षणाला तेलाच्या किंमती बदलत असतात. त्यामुळे देशात आता पेट्रोल आणि डिझेलच्या किंमती दर दिवशी सकाळी सहा वाजता बदलतात.
पेट्रोल आणि डिझेलचे दर कुठे आणि कसे पाहाल?
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर सोप्या पद्धतीने पाहता येतील.
पेट्रोल आणि डिझेलच्या किंमती एसएमएसद्वारे देखील कळू शकते. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
महत्त्वाच्या बातम्या
ट्रेंडिंग न्यूज
