Maharashtra Bus Accident In MP Live Updates: एसटी बस नर्मदा नदीत कोसळली; आतापर्यंत 13 जणांचे मृतदेह नदीतून बाहेर काढले; अद्यापही 25 प्रवाशी बेपत्ता
Madhya Pradesh Bus Accident: मध्य प्रदेशातील धारमध्ये महाराष्ट्राच्या एसटी बसला भीषण अपघात झाला. ही एसटी बस नर्मदा नदीत कोसळली.
LIVE
Background
Madhya Pradesh Bus Accident: मध्य प्रदेशातील धारमध्ये एक भीषण अपघात झाला आहे. इंदूरहून जळगावमधील अमळनेरकडे येणारी एसटी बस नर्मदा नदीत (Maharashtra ST Bus Accident in Madhya Pradesh) कोसळली. या अपघातात 13 जणांचा मृत्यू झाला आहे. तर, 12 ते 15 जण बेपत्ता झाले आहेत. या घटनेची माहिती मिळताच मदत आणि बचाव कार्य सुरू करण्यात आले. अपघातग्रस्त बसला क्रेनच्या मदतीने नदीबाहेर काढण्यात आले आहे.
एसटी महामंडळाचे व्यवस्थापकीय संचालक शेखर चन्ने यांनी दिलेल्या माहितीनुसार, अपघातग्रस्त बस ही जळगावमधील अमळनेर येथे येणार होते. या घटनेची माहिती मिळाल्यानंतर एसटीचे अधिकारीदेखील घटनास्थळी रवाना झाले असल्याची माहिती चन्ने यांनी दिली.
महाराष्ट्र सरकारची बस होती, सकाळी 7च्या सुमारास इंदूरवरुन जळगावकडे जात होती, इंदूरमध्ये 12 प्रवासी चढले.. नर्मदा नदीवरील ब्रिजवरुन खाली कोसळली. आतापर्यंत 15 जणांना वाचवण्यात यश आलं आहे. या बसमध्ये 50 ते 55 प्रवासी होते, अशी माहिती आहे. या दुर्घटनेतील मृतांची संख्या वाढण्याची भीती व्यक्त केली जात आहे.
दरम्यान, एसटी बसचा अपघात झाल्याची माहिती समोर आल्यानंतर मध्य प्रदेशचे मुख्यमंत्री शिवराज चौहान यांनी घटनास्थळी एसडीआरएफला दाखल होण्याचे निर्देश दिले. मदत आणि बचाव कार्य तातडीने सुरू करण्याचे निर्देश त्यांनी दिले. मुख्यमंत्री चौहान हे इंदूर जिल्हा प्रशासनाच्या संपर्कात आहेत.
अपघातातील मृतांच्या वारसांना केंद्र सरकारकडून प्रत्येकी दोन लाखांची मदत तर जखमींना प्रत्येकी 50 हजारांच्या मदतीची घोषणा
अपघातातील मृतांच्या वारसांना केंद्र सरकारकडून प्रत्येकी दोन लाखांची मदत तर जखमींना प्रत्येकी 50 हजारांच्या मदतीची घोषणा
An ex-gratia of Rs. 2 lakh each from PMNRF would be given to the next of kin of those who lost their lives due to the bus tragedy in Dhar, Madhya Pradesh. The injured would be given Rs. 50,000: PM @narendramodi
— PMO India (@PMOIndia) July 18, 2022
Maharashtra Bus Accident In MP Live Updates: अपघाताची घटना अत्यंत दुर्देवी, एसटी अपघाताबाबत मध्यप्रदेशच्या मुख्य़मंत्र्यांशी चर्चा देवेंद्र फडणवीसांची माहिती
Maharashtra Bus Accident In MP Live Updates: अपघाताची घटना अत्यंत दुर्देवी, एसटी अपघाताबाबत मध्यप्रदेशच्या मुख्य़मंत्र्यांशी चर्चा, , बेपत्ता प्रवाशांची शोधमोहिम सुरु, आवश्यक ती सर्व मदत करणार, देवेंद्र फडणवीसांची माहिती
मध्यप्रदेश सरकारकडूनही अपघातग्रस्तांना मदत, शिवराजसिंह सरकारकडून मृतांच्या वारसांना प्रत्येकी चार लाख रुपयांची मदत
मध्यप्रदेश सरकारकडूनही अपघातग्रस्तांना मदत, शिवराजसिंह सरकारकडून मृतांच्या वारसांना प्रत्येकी चार लाख रुपयांची मदत
एसटीतर्फे मृत प्रवाशांच्या नातेवाईकांना प्रत्येकी दहा लाख रुपये देण्याची कार्यवाही लगेच करा, मुख्यमंत्री एकनाथ शिंदेंचे निर्देश
एसटीतर्फे मृत प्रवाशांच्या नातेवाईकांना प्रत्येकी दहा लाख रुपये देण्याची कार्यवाही लगेच करा, मुख्यमंत्री एकनाथ शिंदेंचे निर्देश
मध्य प्रदेशात नर्मदा नदीमध्ये आज एसटी महामंडळाची बस बुडून झालेल्या अपघातात मरण पावलेल्या प्रवाशांच्या नातेवाईकांना एसटीतर्फे प्रत्येकी दहा लाख रुपये देण्याची कार्यवाही लगेच करावी असे निर्देश मुख्यमंत्री एकनाथ शिंदे यांनी एस टी महामंडळाला दिले आहेत.
— CMO Maharashtra (@CMOMaharashtra) July 18, 2022
मध्य प्रदेशात एसटी बस दुर्घटना, बचाव कार्यावर स्वतः मुख्यमंत्री लक्ष ठेऊन
मुंबई : मध्य प्रदेशात नर्मदा नदीमध्ये आज सकाळी एसटी महामंडळाची बस कोसळून झालेल्या अपघाताबद्धल मुख्यमंत्री एकनाथ शिंदे यांनी तीव्र दुःख व्यक्त केले असून असून बचाव कार्य व्यवस्थित पार पाडावे व जखमींवर लगेच उपचारासाठी मध्य प्रदेश मधील जिल्हा प्रशासनाशी योग्य समन्वय ठेवावा असे निर्देश जळगाव जिल्हाधिकाऱ्यांना दिले आहेत. अपघाताचे वृत्त कळताच मुख्यमंत्र्यांनी तातडीने मध्य प्रदेशचे मुख्यमंत्री शिवराज सिंह चव्हाण यांच्याशी देखील बोलून मध्यप्रदेश मधील खरगोन व धार जिल्हा प्रशासनाला अपघातग्रस्त व्यक्तींना आवश्यक ते सहकार्य करण्याचे नियोजन करण्याची विनंती केली आहे. मुख्यमंत्री एकनाथ शिंदे यांनी या दुर्घटनसंदर्भात मुख्य सचिव मनुकुमार श्रीवास्तव तसेच एसटी महामंडळाचे व्यवस्थापकीय संचालक शेखर चन्ने यांना देखील सूचना केल्या असून बचावलेल्या प्रवाशांना तातडीने आवश्यक ती सर्व मदत करण्याचे निर्देश दिले आहेत. मृतदेह बाहेर काढून योग्य प्रक्रियेनंतर त्यांच्या नातेवाईकांना ताब्यात देण्यासंदर्भातही मुख्यमंत्र्यांनी सूचना दिल्या. मुख्यमंत्री स्वतः मदत कार्यावर लक्ष ठेऊन आहेत. जळगाव जिल्हाधिकारी कार्यालयाने या अपघातासंदर्भात एक नियंत्रण कक्ष स्थापन केल्याची माहिती देखील जळगाव जिल्हाधिकाऱ्यांनी मुख्यमंत्र्यांना दिली आहे. या नियंत्रण कक्षाचा क्रमांक ०२५७२२२३१८० आणि ०२५७२२१७१९३ असा आहे. आज सकाळी इंदोर होऊन अमळनेर कडे निघालेली एसटी महामंडळाची बस मध्य प्रदेश मधील खलघाट आणि टिकरी यामधील नदी पुलावर नदीच्या पुलावरून नर्मदा नदीत कोसळण्याची घटना घडली आहे
महत्त्वाच्या बातम्या
ट्रेंडिंग न्यूज
