आता 17 वर्ष पूर्ण झाल्यानंतर बनवा मतदार ओळखपत्र, वर्षातून चार वेळा नोंदवता येणार नाव, निवडणूक आयोगाचा निर्णय
Voter’s List Registration : मतदार यादीत नाव नोंदवण्यासाठी आता 18 वर्ष पूर्ण होण्याची गरज नाही. कारण आता, 17 वर्ष पूर्ण झाल्यानंतर मतदार यादीमध्ये नाव नोंदवता येणार आहे.
Voter’s List Registration : मतदार यादीत नाव नोंदवण्यासाठी आता 18 वर्ष पूर्ण होण्याची गरज नाही. कारण आता, 17 वर्ष पूर्ण झाल्यानंतर मतदार यादीमध्ये नाव नोंदवता येणार आहे. तसेच वर्षातून चार वेळा मतदार यादीत नाव नोंदवण्याची संधी मिळणार आहे. गुरुवारी निवडणूक आयोगानं यासंर्भात माहिती दिली. 17 वर्ष पूर्ण झाल्यानंतर मतदान यादीत नाव नोंदणी करु शकता. ही मुभा निवडणूक आयोगाकडून देण्यात आली आहे. पण 18 वर्ष पूर्ण झाल्यानंतरच मतदानाचा अधिकार मिळणार आहे.
मुख्य निवडणूक आयुक्त राजीव कुमार आणि निवडणूक आयुक्त अनुप चंद्र पांडे यांच्या नेतृत्वाखालील भारतीय निवडणूक आयोगाने सर्व राज्यांचे मुख्य निवडणूक अधिकारी, निवडणूक नोंदणी अधिकारी, सहायक निवडणूक नोंदणी अधिकारी यांना यासंदर्भातील निर्देश दिले आहेत. युवकांना, त्यांचे नाव नोंदणीचे अर्ज एक एप्रिल, एक जुलै आणि एक ऑक्टोबर या पात्रता तारखांच्या कालावधीत दाखल करता यावेत, त्यासाठी त्यांना एक जानेवारीची प्रतीक्षा करायला लागू नये यादृष्टीने तंत्रज्ञानावर आधारित आवश्यक उपाय योजावेत असे निर्देश देण्यात आले आहेत
.
यापुढे आता प्रत्येक तीन महिन्यानंतर मतदार याद्या अपडेट केल्या जातील. त्यामुळे पात्र तरुण-तरुणींची नाव नोंदणी वेळेवर होणार आहे. नाव नोंदणी केल्यानंतर मतदान ओळखपत्र देण्यात येणार आहे. नव्या मतदारांना एक एप्रिल, एक जुलै आणि एक ऑटोबरपासून मतदार यादीत नाव नोंदणी करण्यासाठी अर्ज भरता येऊ शकेल. भारतीय निवडणूक आयोगाने लोकप्रतिनिधी कायदा 1950 च्या कलम 14(b) मधील कायदेशीर सुधारणांच्या अनुषंगाने आणि पर्यायाने मतदार नोंदणी नियम, 1960 मध्ये आवश्यक ते बदल करून विधानसभा किंवा संसदीय मतदारसंघाच्या मतदार याद्यांच्या तयारी/पुनरिक्षणासाठी आवश्यक बदल करण्यासाठीची प्रक्रिया सुरू केली आहे.
Youngsters above 17 years of age can now apply in advance for having their names enrolled in Voter’s list and not necessarily have to await the pre-requisite criterion of attaining the age of 18 years on 1st January of a year: ECI pic.twitter.com/DhAi7NN1Zo
— ANI (@ANI) July 28, 2022
मतदार ओळखपत्र – आधार जोडणी
मतदार यादीतील माहिती आणि मतदाराचा आधार क्रमांक लिंक करण्यासाठी, सुधारित नोंदणी अर्जात मतदारांच्या आधार कार्डाची माहिती विचारण्यात आली आहे. तसेच सध्याच्या मतदारांचा आधार क्रमांक कळावा या उद्देशाने 6बी हा एक नवीन अर्ज देखील सादर करण्यात आला आहे. मात्र आधार क्रमांक सादर करणे अशक्य झाल्यास किंवा तशी माहिती पुरवण्यास असमर्थ ठरलेल्या मतदारांची नावे मतदार यादीतून वगळण्यात येणार नाहीत.
महत्त्वाच्या बातम्या
