Maithili Thakur : मैथिली ठाकूरचा मतदारसंघ ठरला, भाजपच्या 'या' गडातून निवडणूक लढवणार, विद्यमान आमदाराला बाहेरचा रस्ता
BJP Second Candidate List : मैथिली ठाकूर ही लोकप्रिय गायिका असून तीने नुकतेच भाजपमध्ये प्रवेश केला आहे. ती आता विधानसभेच्या रिंगणातही उतरणार आहे.
Maithili Thakur : सुप्रसिद्ध गायिका मैथिली ठाकूरचा (Maithili Thakur) विधानसभा निवडणुकीसाठी मतदारसंघ ठरला आहे. मैथिली ठाकूरने भाजपमध्ये प्रवेश केल्याच्या दुसऱ्याच दिवशी पक्षाने तिला उमेदवारी दिली. मैथिली ठाकूर आता अलिनगर या मतदारसंघातून (Alinagar Constituency) निवडणूक लढवणार आहे. भाजपने त्यांच्या उमेदवारांची दुसरी यादी जाहीर केली असून 12 उमेदवारांमध्ये मैथिली ठाकूरचा समावेश आहे. अलिनगरमध्ये मिश्री लाल यादव (Mishri Lal Yadav) हे विद्यमान आमदार असून त्यांनी भाजपमधून राजीनामा दिला आहे.
मैथिली ठाकूरने मंगळवारी भाजपमध्ये प्रवेश केला होता. त्यानंतर अलिनगर मतदारसंघातून तिची उमेदवारी जाहीर करण्यात आली आहे. तिच्यासोबत माजी IPS अधिकारी आनंद मिश्रा यांना बक्सरमधून उमेदवारी जाहीर करण्यात आली आहे.
Alinagar Constituency Result : भाजप आमदाराचे तिकीट कापले
मैथिली ठाकूर ही भाजपमध्ये येणार आणि तिला अलिनगरमधून उमेदवारी मिळणार अशी अनेक दिवसांपासून चर्चा होती. त्यामुळे नाराज झालेले विद्यमान आमदार मिश्री लाल यादव यांनी पक्षाचा राजीनामा दिला. मिश्री लाल यादव हे सध्या मुकेश सहानी यांच्या VIP पक्षामध्ये गेले आहेत.
Who Is Maithili Thakur : कोण आहे मैथिली ठाकूर?
मैथिली ठाकूर ही प्रसिद्ध गायिका आहे. तिचा जन्म 25 जुलै 2000 रोजी झाला. ती सध्या 25 वर्षांची आहे. ती मूळची बिहारमधील मधुबनी येथील आहे, पण गेल्या काही काळापासून दिल्लीतील नजफगड येथे राहते. मैथिली ठाकूरच्या वडिलांचे नाव रमेश ठाकूर असं आहे. ते तिचे संगितातील गुरू देखील आहेत. तर आईचे नाव पूजा ठाकूर आहे. मैथिली ठाकूरला ऋषभ ठाकूर आणि अयाची ठाकूर असे दोन भाऊ आहेत, .
NDA Seat Distribution Details : एनडीए जागावाटपाचा तपशील
भाजप (BJP) – 101 जागा
जदयू (JDU) – 101 जागा
लोक जनशक्ती पक्ष (रामविलास) (LJP-Ram Vilas) – 29 जागा
राष्ट्रीय लोक मोर्चा (RALOMO) – 6 जागा
हिंदुस्तानी अवाम मोर्चा (HAM) – 6 जागा
Bihar Assembly Election Date : बिहारमध्ये दोन टप्प्यात मतदान
केंद्रीय निवडणूक आयोगानं जाहीर केल्यानुसार, बिहारमध्ये 243 जागांसाठी दोन टप्प्यात मतदान पार पडणार आहे. पहिल्या टप्प्यात 121 जागांसाठी मतदान होणार आहे. पहिल्या टप्प्यातील मतदान 6 नोव्हेंबरला होणार आहे.
बिहारमध्ये दुसऱ्या टप्प्याचं मतदान 11 नोव्हेंबरला होणार आहे. दुसऱ्या टप्प्यातील मतदान 122 जागांवर होणार आहे. तर, मतमोजणी 14 नोव्हेंबरला होणार आहे.
Bihar Vidhansabha Seats Detail : बिहारचे पक्षीय बलाबल
एकूण सदस्यसंख्या (Total Seats) – 243
राष्ट्रीय जनता दल (RJD) – 79
भारतीय जनता पक्ष (BJP) – 78
जनता दल (युनायटेड) – JD(U) – 45
काँग्रेस (Congress) – 19
CPI (Marxist–Leninist) Liberation – 12
हिंदुस्तानी अवाम मोर्चा (HAM-Secular) – 4
CPI – 2
CPI (M) – 2
AIMIM – 1
अपक्ष आमदार (Independent MLA) – 1
ही बातमी वाचा:
महत्त्वाच्या बातम्या
