Kangana Ranaut | कंगनाची टीकाकारांना धमकी, म्हणाली- लिबरल लोकांचं जीवन जगणं कठीण करेन

अभिनेत्री कंगना रनौतने ( Kangana Ranaut) आपल्या टीकाकारांना उत्तर देताना त्यांचं जीवन जगणं कठीण करण्याची धमकी दिलीय. तसेच या लिबरल लोकांना खरी कंगना काय आहे याचा प्रत्यय देणार असल्याचंही तिने म्हटलंय.

मुंबई: बॉलिवूड अभिनेत्री कंगना रनौत आपल्या वादग्रस्त वक्तव्यांनी कायम चर्चेत असते. अलिकडे ती कोणत्याही विषयावर आपलं मत व्यक्त करताना दिसते. नुकत्याच रीलीज झालेल्या 'तांडव' या बेव सीरिजवर तिने सोशल मीडियाच्या माध्यमातून टीका केली होती. आता तिचे ट्विटर अकाउंटवर बंदी आणा अशी मागणी करणाऱ्यांना कंगनाने त्यांचं जीवन जगणं कठीण करेन अशी धमकीच दिली आहे.

कंगना रनौतने एक ट्वीट करुन थेट ट्विटरचा संस्थापक जॅक डोर्सी आणि लिबरल लोकांवर टीका केली आहे. ती म्हणाली की, "उदारमतवादी लोक आता त्यांच्या जॅक काकाकडे जाऊन माझे अकाउंट बंद करावे या साठी रडत आहेत. माझे अकाउंट आता कोणत्याही क्षणी देशासाठी शहीद होऊ शकते. परंतु माझे रिलोडेड देशभक्ती व्हर्जन हे माझ्या चित्रपटांच्या माध्यमातून समोर येईल. तुमचं जीवन जगणं कठीण करणार आहे."

Librus cried to their chacha @jack and got my account temporarily restricted, they are threatening me mera account/virtual identity kabhi bhi desh keliye shaheed ho sakti hai,magar my reloaded desh bhakt version will reappear through my movies.Tumhara jeena dushwar karke rahungi.

— Kangana Ranaut (@KanganaTeam) January 20, 2021

कंगनाने आपल्या आणखी एका ट्वीटमध्ये म्हटंलय की, "काही देशद्रोही लोक सोशल मीडियात #SuspendKanganaRanaut हा हॅशटॅग ट्रेन्डिंग करत आहेत.....त्यांनी तसं करावं. या लोकांनी ज्यावेळी रंगोलीच्या ट्विटरवर बंदी आणली त्यावेळी मी त्यांचे जीवन जगणं कठीण केलं. आता जर माझे अकाउंट त्यांनी बंद केलं तर मी या व्हर्च्युअल जगात नसेन पण खऱ्याखुऱ्या जगात त्यांना खरी कंगना काय आहे ते दाखवते. या सर्व बापांची आई... #babbarsherni."

Anti nationals are trending #SuspendKanganaRanaut .... please do, when they suspended Rangs I came and made their lives even more miserable,now if they suspend me will exit virtual world and in real world will show you real Kangana Ranaut- the mother of all fathers #babbarsherni pic.twitter.com/Msl2PosqDK

— Kangana Ranaut (@KanganaTeam) January 20, 2021

या आधी कंगनाने 'तांडव' च्या दिग्दर्शकांना अल्लाहची थट्टा कराल क असा सवाल विचारला होता. या वेबसीरिजमध्ये जाणूनबुजून विवादास्पद दृश्यांचा समावेश करण्यात आला असल्याची आरोपही तिने केला आहे.

कंगना रनौतने भाजप नेते कपिल मिश्रा यांचं एक ट्वीट रिट्वीट केलं. त्यात ती म्हणाली की, "माफी मागण्यासाठी जीवंत कुठे राहणार? हे तर थेट गळाच चिरतात, जिहादी देश फतवाच काढतात, उदारमतवादी मीडिया त्याचं वर्च्युअल लॉन्चिंग करतं, तुम्हाला केवळ ठार मारलंच जात नाही, तर तुमच्या मृत्यूला न्यायोचित ठरवलं जातं, सांगा अली अब्बास जफर, आहे हिंमत, अल्लाहची थट्टा करण्याची?"

माफ़ी माँगने केलिये बचेगा कहाँ? ये तो सीधा गला काट देते हैं, जिहादी देश फ़तवा निकाल देते हैं लिब्रु मीडिया वर्चूअल लिंचिंग कर देती है, तुम्हें ना सिर्फ़ जान से मार दिया जाएगा बल्कि उस मौत को भी जस्टिफ़ाई किया जाएगा, बोलो @aliabbaszafar है हिम्मत अल्लाह का मज़ाक़ उड़ाने की ? https://t.co/NYASyuVS2i

— Kangana Ranaut (@KanganaTeam) January 18, 2021

'तांडव' या बेव सीरिजमध्ये भगवान शंकर आणि भगवान राम यांचा अवमान करण्यात आल्याचा आरोप करण्यात आला आहे. त्यामुळे हिंदूंच्या भावना दुखावल्याचा आरोप करुन उत्तर प्रदेशमध्ये या वेब सीरिजचे दिग्दर्शकाविरोधात गुन्हा नोंद करण्यात आला आहे. आता या वेब सीरिजचे दिग्दर्शक अलू अब्बस जफर यांनी या प्रकरणी कोणाच्याही भावना दुखावण्याचा हेतू नसल्याचं सांगत माफी मागितली आहे.