Amarnath Yatra Security Arrangement : अमरनाथ यात्रेसाठी सुरक्षेचा आराखडा तयार, जाणून घ्या कशी असेल व्यवस्था?

Amarnath Yatra Security Arrangement : जम्मू-काश्मीरमध्ये नुकत्याच झालेल्या टार्गेट किलिंगमुळे तणावाचे वातावरण आहे, अशातच अमरनाथ यात्रा सुरू होत आहे.

Amarnath Yatra Security Arrangement

Amarnath Yatra Security Arrangement : जम्मू-काश्मीरमध्ये नुकत्याच झालेल्या टार्गेट किलिंगमुळे तणावाचे वातावरण आहे, तर जम्मू-काश्मीर प्रशासन तसेच पोलीस प्रशासन प्रवाशांच्या सुरक्षेसाठी आवश्यक ती पावले उचलताना दिसत आहे. अशातच जम्मू-काश्मीरमध्ये (Jammu and Kashmir) 43 दिवसांची अमरनाथ यात्रा 30 जूनपासून सुरू होत आहे. अशा परिस्थितीत पोलिसांकडून सुरक्षेचा आराखडा तयार करण्यात आला आहे. 

अमरनाथ यात्रेसाठी सुरक्षेचा आराखडा तयार, डीजीपींनी दिली छावण्यांना भेट 
जम्मू-काश्मीरचे पोलीस महासंचालक दिलबाग सिंग यांनी बुधवारी अमरनाथ यात्रेच्या सुरक्षेसाठी अनेक छावण्यांना भेटी दिल्या, त्यादरम्यान त्यांनी केंद्रीय राखीव पोलीस दलाच्या (सीआरपीएफ) अधिकार्‍यांसह यात्रेकरूंना सुरक्षा पुरवली. तसेच तिथल्या सुरक्षा प्रणालीचा आढावा घेतला. जम्मू आणि काश्मीरच्या डीजीपींनी अक्रोड फॅक्टरी काझीगुंड, रामबनमधील लांबर आणि एफसी मीर-बाजार येथील अमरनाथ यात्रा शिबिरांना भेट दिली, त्यादरम्यान त्यांनी येथील आवश्यक सुरक्षा व्यवस्थेबाबत चर्चा केली. याशिवाय नवयुग बोगद्यातील सुरक्षा व्यवस्थेबाबत त्यांनी सीआरपीएफ अधिकाऱ्यांशी चर्चा केली. यावेळी डीजीपी यांनी अमरनाथ यात्रेच्या सुरक्षेसह राष्ट्रीय महामार्ग आणि आजूबाजूच्या परिसराच्या सुरक्षा व्यवस्थेचा अहवाल मागवला आणि सुरक्षा मजबूत करण्याचे तसेच गस्त वाढवण्याचे निर्देश दिले.

राष्ट्रीय महामार्ग आणि छावण्यांची सुरक्षा वाढवण्याच्या सूचना

याशिवाय राष्ट्रीय महामार्गासह अमरनाथ यात्रेच्या छावण्यांच्या आसपासच्या भागात विशिष्ट हालचालींवर लक्ष ठेवण्याच्या सूचनाही त्यांनी दिल्या आहेत. जेणेकरून अमरनाथ यात्रेत कोणत्याही प्रकारचा त्रास होऊ नये. यात्रेकरूंच्या सुरक्षेसाठी आणि मदतीसाठी सुरक्षा दलांमधील संवाद आणि समन्वय वाढवण्यावर डीजीपींनी भर दिला. अमरनाथ यात्रेदरम्यान सुरक्षा कडेकोट ठेवण्यासाठी सर्व मार्ग आणि महत्त्वाच्या ठिकाणांवर चोवीस तास लक्ष ठेवण्याचे निर्देश डीजीपींनी सुरक्षा दलांना दिले आहेत. यासोबतच लंगर आणि पार्किंगच्या ठिकाणांची सुरक्षा वाढवण्यावर त्यांनी भर दिला आहे.

इतर महत्त्वाच्या बातम्या: