एक्स्प्लोर

Exit Poll : जम्मू काश्मीर-हरयाणामध्येही काँग्रेसचे पारडे जड, कुणाची सत्ता येणार? काय सांगतो एक्झिट पोल

Assembly Election Poll Of Polls Results : जम्मू-काश्मीरमधील विधानसभेच्या 90 जागांसाठी तीन टप्प्यात मतदान झाले. हरियाणातही 90 जागांसाठी एका टप्प्यात निवडणूक झाली.

By : एबीपी ब्युरो | Updated at : 05 Oct 2024 09:09 PM (IST)

Jammu Kashmir Haryana Assembly Election Exit Poll Of Polls Results vidhan sabha election marathi Exit Poll : जम्मू काश्मीर-हरयाणामध्येही काँग्रेसचे पारडे जड, कुणाची सत्ता येणार? काय सांगतो एक्झिट पोल

Assembly Election Poll Of Polls Results

Source : ABP Majha Digital

Assembly Election Poll Of Polls Results : हरियाणा आणि जम्मू आणि काश्मीर विधानसभा निवडणुकीचे एक्झिट पोल निकाल समोर आले आहेत. सर्व एक्झिट पोल दोन्ही राज्यात काँग्रेसचे सरकार स्थापनेचा अंदाज वर्तवत आहेत. त्यांच्या मते काँग्रेसला 40 ते 50 जागा मिळू शकतात. तर भाजपला 20-25 जागा मिळू शकतात. हरियाणातील विधानसभेच्या 90 जागांसाठी शनिवारी एकाच टप्प्यात मतदान झाले. हरियाणात 2014 पासून भारतीय जनता पक्षाचे सरकार आहे आणि मनोहर लाल खट्टर 2014 ते मार्च 2014 पर्यंत मुख्यमंत्री आहेत. सध्या नायब सिंग हे पद सांभाळत आहेत.

जम्मू-काश्मीरबद्दल बोलायचे झाले तर येथील निकालाची प्रत्येकजण आतुरतेने वाट पाहत आहे. याचे कारण म्हणजे येथे 10 वर्षांनंतर विधानसभा निवडणुका झाल्या आहेत आणि दुसरे म्हणजे जम्मू-काश्मीरला सहा वर्षांनी मुख्यमंत्री मिळणार आहे. शेवटच्या मुख्यमंत्री पीपल्स डेमोक्रॅटिक पार्टी (पीडीपी) च्या प्रमुख मेहबूबा मुफ्ती होत्या. त्यांनी 4 एप्रिल 2016 ते 19 जून 2018 पर्यंत मुख्यमंत्रीपद भूषवले होते. त्यानंतर येथे लेफ्टनंट जनरल हेच कारभार पाहतात.

जम्मू-काश्मीरमधील निवडणुकांबद्दल लोकांमध्ये इतकी उत्सुकता असण्याचे आणखी एक कारण म्हणजे 2019 मध्ये कलम 370 आणि 35A हटवल्यानंतरची ही पहिली विधानसभा निवडणूक आहे. जम्मू-काश्मीरमधील विधानसभेच्या 90 जागांसाठी तीन टप्प्यात मतदान झाले. जम्मू-काश्मीर आणि हरियाणासाठी सर्व एक्झिट पोलचे निकाल काय सांगतात ते जाणून घेऊया,