युद्धनौका INS ब्रह्मपुत्राचा अपघात, आधी आग आगली, नंतर समुद्रात झुकली; 1 अधिकारी बेपत्ता

युद्धनौका समुद्र मार्गावर असताना रविवारी या युद्धनौकेवर आग लागली होती, आज पहाटे ही आग आटोक्यात आणण्यात यंत्रणांना यश आले

INS Bhrahmputra crashes and fire in mumbai

Source : INS Bhrahmputra crashes and fire in mumbai

मुंबई : राजधानी मुंबईतील अरबी समुद्रातील विविध बंदरावरुन जहाजांची ये-जा सुरू असते. येथील काही महत्त्वाच्या बंदरावर युद्धनौकाही तैनात असतात. मुंबई (mumbai) हे देशाची आर्थिक राजधानी आणि महत्त्वाचं शहर आहे. त्यामुळे, युद्धनौकांच्या माध्यमतून समुद्री सुरक्षा तैनात करण्यात येते. त्यापैकीच एक असेलल्या आयएनएस ब्रह्मपुत्रा या युद्धनौकाचा समुद्रात अपघात झाल्याची माहिती आहे, या युद्धनौकामध्ये (battleship) रविवारी आग लागल्याची घटना घडली होती. त्यानंतर, ती समुद्रातील युद्धनौका एका बाजुने झुकल्याने मोठा अपघात होण्याची शक्यता वर्तवली जात आहे. बचाव पथक आणि संबंधित यंत्रणांकडून युद्धनौका पूर्ववत करण्यासाठी शर्थीचे प्रयत्न सुरू आहेत. मात्र, आगीच्या (fire) घटनेनंतर या युद्धनौकेवरील एक अधिकारी बेपत्ता झाल्याची माहिती असून त्यांचा शोध घेतला जात आहे. 

युद्धनौका समुद्र मार्गावर असताना रविवारी या युद्धनौकेवर आग लागली होती, आज पहाटे ही आग आटोक्यात आणण्यात यंत्रणांना यश आले. नौसेना डॉकयॉर्ड, मुंबई (एनडी एमबीआय) आणि बंदरगाह येथील बंदरावर असलेल्या इतर जहाँजांच्या अग्निशमन दलाने ब्रह्मपुत्रावरील आग आटोकण्यात आणण्यात मोलाची भूमिका निभावली. मात्र, दुपारनंतर ही युद्धनौका एका बाजूने कलंडायला सुरुवात झाली आहे. आज ही युद्ध नौका पूर्णपणे एका बाजूने कलंडलेल्या स्थितीत आहे. तिला पूर्ववत स्थितीत आणण्याचे सर्व प्रयत्न करण्यात आले, मात्र अजूनही त्यात यश आलेलं नाही. या अपघातात एक जूनियर सेलर बेपत्ता झाले असून त्यांचा शोध सुरू आहे. मुंबई बंदरात नेवल डॉक्यार्डवर युद्धनौकेचं री फिटिंग सुरू होतं. त्यादरम्यान काल आग लागली आणि आज ही युद्धनौका एका बाजूने कलंडलेली आहे.

आयएनएस ब्रह्मपुत्रावर लागलेल्या आगीच्या घटनेनंतर युद्धनौका एका बाजुला झुकली असून ती आणखी खोलात जात आहे. सातत्याने शर्थीचे प्रयत्न करुनही जहाँज पूर्ववत उभे करण्यात यश आलं नाही. आपल्या बर्थसह ही युद्धनौका आणखी खोलात झुकत असून सध्या एका बाजुवर स्थीर आहे. या युद्धनौकेतील एक ज्युनियर नाविक बेपत्ता असून इतर सर्व अधिकारी व कर्मचारी सुरक्षित असल्याची अधिकृत माहिती देण्यात आली आहे. दरम्यान, भारतीय नौसेनेकडून या दुर्घटनेच्या चौकशीचे आदेश देण्यात आले आहेत. 

हेही वाचा