PHOTO | वाढदिवशीच ज्वाला गुट्टाचा दाक्षिणात्य अभिनेत्यासोबत साखरपुडा

विष्णू विशालने थेट त्यांच्या नात्याची अधिकृत घोषणाच करत ज्वालाला वाढदिवसाचं अनोखं गिफ्ट दिलं. नुसती घोषणा न करता साखरपुड्याच्या अंगठीसह त्यानं या नात्यावर शिक्कामोर्तब केलं.

मुंबई : भारताची स्टार बॅडमिंटनपटू ज्वाला गुट्टीचा सोमवारी 37 वा जन्मदिवस. ज्वालाचा हा वाढदिवस तिच्यासाठी खास बनला आहे. वाढदिवसाच्याच दिवशी साखरपुड्याची अधिकृत घोषणा तिने केली. ज्वालाने तिचा प्रियकर अभिनेता विष्णू विशालसोबत साखरपुडा केला.

विशाल दाक्षिणात्य सिनेसृष्टीतील सुपरस्टार आहे. यावर्षाच्या सुरुवातीला ज्वालाने ट्विटरवरून विशालसोबतच्या नात्याची कल्पना सर्वांना दिली होती. मात्र आज ज्वालाचा वाढदिवस असल्याने विष्णू विशालने थेट त्यांच्या नात्याची अधिकृत घोषणाच करत तिला वाढदिवसाचं अनोखं गिफ्ट दिलं. नुसती घोषणा न करता साखरपुड्याच्या अंगठीसह त्यानं या नात्यावर शिक्कामोर्तब केलं.

Happy birthday @Guttajwala New start to LIFE.. Lets be positive and work towards a better future for us,Aryan,our families,friends and people around..

Need all your love n blessings guys..#newbeginnings thank you @basanthjain for arranging a ring in d middle of d night.. pic.twitter.com/FYAVQuZFjQ — VISHNU VISHAL - stay home stay safe (@TheVishnuVishal) September 7, 2020

विष्णू विशालने सोशल मीडियावर पोस्ट शेअर करताना म्हटलं की, 'ज्वाला, वाढदिवसाच्या खूप साऱ्या शुभेच्छा. सकारात्मक होऊया आणि आपल्या नव्या आयुष्याची सुरुवात करुया. आर्यनच्या, आपल्या कुटुंबाच्या, आजुबाजूला असणाऱ्यांच्या चांगल्या भविष्यासाठी काम करुया. आम्हाला तुमचं प्रेम आणि आशीर्वादाची गरज आहे.'

N dis happened last nite n what a beautiful surprise it was! Today when I think of my life what a journey it has been n 2day I realise there is so much more to luk forward to!Towards our family,Aryan,friends and work!its gonna be another great journey am sure ❤️???????? pic.twitter.com/qjqVkK6CWo

— Gutta Jwala (@Guttajwala) September 7, 2020