Shocking incident: धक्कादायक... पतीनं भांडणावेळी कापलं पत्नीचे नाक, बोटांवरही ब्लेडने केला हल्ला, नाकाचा भाग प्राण्यांनी खाल्ला, नेमकं काय घडलं?
Shocking incident: कारखान्यात कामावरती असताना पत्नी एका कामगाराशी बोलत होती. त्यामुळे पतीला तिच्यावर संशय येत होता आणि तो सतत या गोष्टींवरून तिच्याशी वाद घालत असे.
झाबुआ (मध्यप्रदेश) : झाबुआ जिल्ह्यातील राणापूर तालुक्यात एक धक्कादायक घटना समोर आली आहे. चरित्र्याच्या संशयाच्या (MP Crime News) कारणावरून पतीने आपल्या पत्नीला निर्दयपणे मारहाण करत तिची नाक ब्लेडने कापल्याची (MP Crime News) संतापजनक घटना समोर आली आहे. या अमानवी कृत्यानंतर पोलिसांनी आरोपी पतीला अटक केली असून त्याच्याविरोधात गुन्हा दाखल करण्यात आला आहे.(MP Crime News)
Shocking incident: मजुराशी पत्नीचं बोलणं होत होतं
घटना मंगळवारी दुपारच्या सुमारास राणापूर पोलिस ठाण्याच्या हद्दीतील पाडलवा गावात घडली. राकेश (वय २३) आणि त्याची पत्नी (वय २२) हे गुजरातमधील संतरामपूर येथील एका कारखान्यात गेल्या चार महिन्यांपासून मजुरीचे काम करत होते. त्यांच्या सोबत त्यांचा सहा वर्षांचा मुलगाही होता. मिळालेल्या माहितीनुसार, त्या कारखान्यात बिहारमधील एका मजुराशी पत्नीचं बोलणं होत होतं. याच कारणावरून राकेश पत्नीवर संशय घेत असे आणि तिच्याशी वारंवार वाद घालत असे. मंगळवारी दोघे पती-पत्नी मोटारसायकलने संतरामपूरवरून आपल्या गावाकडे येत होते. प्रवासादरम्यान दोघांमध्ये पुन्हा वाद झाला.
Shocking incident: दोघांमधील वादानंतर पतीनं पत्नीच्या नाकावर अन् बोटांवरही ब्लेडने केले वार
संध्याकाळी साडेचारच्या सुमारास ते गावात पोहोचल्यावर वाद आणखी वाढत गेला. संतापाच्या भरात राकेशने आपल्या पर्समधून ब्लेड काढले आणि पत्नीच्या नाकावर वार केला, यामध्ये पत्नीचं नाक कापलं गेलं अन् काही भाग तुटून पडला. एवढ्यावरच तो थांबला नाही; त्याने ब्लेडने पत्नीच्या बोटांवरही वार केले, ज्यामुळे ती गंभीर जखमी झाली. या घटनेनंतर परिसरात गोंधळ उडाला. नाक कापल्यानंतर नाकाचा तुकडा जमिनीवर पडला, मात्र तो शोधल्यानंतर सापडला नाही. स्थानिकांच्या माहितीनुसार, कुत्र्यांनी तो नाकाचा तुकडा उचलून नेला असावा. त्यानंतर राकेशने स्वतःच पत्नीला मोटारसायकलवर बसवून राणापूर येथील रुग्णालयात नेले. डॉक्टरांनी तिची प्रकृती गंभीर असल्याने झाबुआ जिल्हा रुग्णालयात हलवले.
राणापूर पोलिस ठाण्याचे प्रभारी दिनेश रावत यांनी सांगितले की, “आरोपी पतीला अटक करण्यात आली आहे. त्याच्याविरुद्ध विविध कलमांखाली गुन्हा नोंदवून पुढील तपास सुरू आहे.” या घटनेने परिसरात खळबळ उडाली असून नागरिकांनी अशा प्रकारच्या अमानवी कृत्यांविरुद्ध कठोर कारवाईची मागणी केली आहे.
महत्त्वाच्या बातम्या
