Nagarparishad Election BJP: भाजपच्या निष्ठावंत कार्यकर्त्याला नगरपरिषद निवडणुकीत पक्षाने डावललं, शहरभर बॅनर्स लावले, म्हणाला, ' माझी उमेदवारी कापणाऱ्यांचे धन्यवाद'

Washim Nagarparishad : वाशिम नगर परिषद निवडणुकीसाठी उभे असलेल्या एका इच्छुक उमेदवाराला पक्षाने उमेदवारी न दिल्याने नाराज कार्यकर्त्याने चक्क उमेदवारी कापणाऱ्यांचे धन्यवाद माननारे बॅनर झळकावले आहे.

Washim Nagarparishad Election

Source : ABPLIVE AI

Washim Nagarparishad Election : राज्यात सध्या स्थानिक स्वराज्य संस्थांच्या निवडणुकांचे (Maharashtra Local Body Elections) वारे वाहत असून राजकीय घडामोडींना वेग आले आहे. अशातच वाशिम नगर परिषद (Washim Nagarparishad) निवडणुकीसाठी उभे असलेल्या एका इच्छुक उमेदवाराला पक्षाने उमेदवारी न दिल्याने नाराज कार्यकर्त्याने चक्क उमेदवारी कापणाऱ्यांचे धन्यवाद माननारे बॅनर झळकावले आहे. सध्या या बॅनर्सची वाशीम शहरात जोरदार चर्चा रंगली आहे.

Washim Nagarparishad Election : .....म्हणून मी शहरभर बॅनर्स लावले

वाशिम नगर परिषद निवडणुकीसाठी प्रभाग क्रमांक 2 मधून नगरसेवक पदाची निवडणूक लढवण्यास इच्छुक असलेले भाजपच्या अभियंता सेलचे विभागीय सह संयोजक धनंजय घुगे यांच्या ऐवजी दुसऱ्याला उमेदवारी देण्यात आली. याच नाराजी मधून घुगे यांनी चक्क उमेदवारी कापणाऱ्यांचे धन्यवाद माननारे बॅनर फ्लेक्स झळकवलेय. सोबतच पक्षनिष्ठा सिद्ध करण्याची संधी दिल्याचा मजकूरही फ्लेक्स बॅनरवर लिहलाय. या संदर्भात त्यांना विचारलं असता माझी उमेदवारी कापल्यानंतर मी पक्ष सोडेल किंवा पक्षाच्या उमेदवाराला अडआणित आणण्याचे कामं करेल, अशी चर्चा रंगली होती. या चर्चेला पूर्णविराम देण्यासाठी आणि मी पक्षाशी एकनिष्ठ आहे, हे सांगण्यासाठी मी बॅनर लावलेत, असं त्यांनी सांगितलं.

वाशिम जिल्ह्यातील चार नगरपालिकासह एका नगरपंचायत निवडणुकांसाठी उमेदवारी नामांकन अर्ज मागे घेण्याचा शुक्रवारी अंतिम दिवस होता. वाशिम नगरपालिका सदस्य पदासाठी एकूण 222 उमेदवारी अर्ज दाखल झाले होते. त्यापैकी 50 उमेदवारांनी आपला उमेदवारी अर्ज मागे घेतला. त्यामुळे आता सदस्य पदासाठी 172 उमेदवार निवडणूक रिंगणात आहेत. दरम्यान, वाशिम नगर परिषद अध्यक्षपदासाठी 17 उमेदवारांनी नामांकन अर्ज दाखल केले होते. त्यापैकी 3 उमेदवारांनी आज अर्ज मागे घेतल्याने अध्यक्षपदासाठीच्या रिंगणात 14 उमेदवार उरले आहेत.

कारंजा नगरपालिका

निवडणु अध्यक्षपदासाठी 13 पैकी एक अर्ज मागे घेतल्याने 12 उमेदवार निवडणूक रिंगणात आहे. तर सदस्य पदासाठी 31 जागे करिता 151 उमेदवार पैकी 24 उमेदवारांनी आपला नामांकन अर्ज वापस घेतल्याने निवडणूक रिंगणात 127 उमेदवार आहेत.

मंगरुळपिर नगरपालिका

23 जागे करिता एकूण 162 पैकी 13 उमेदवारांनी आपला नामांकन अर्ज मागे घेतल्याने 124 उमेदवार नगरसेवक पदासाठी रिंगणात आहेत. तर अध्यक्षपदासाठी 6 पैकी अर्ज 1 मागे घेतल्याने 5 उमेदवार रिंगणात आहेत.

रिसोड नगरपालिका

रिसोड नगरपालिका निवडणुकीत एकूण 23 जागेसाठी एकूण 122 नामांकन अर्ज दाखल झाले होते. त्यापैकी 25 नामांकन अर्ज वापस घेतल्याने 97 सदस्य निवडणूक रिंगणात आहे. तर अध्यक्ष पदासाठी 10 अर्ज प्राप्त झाले होते. त्यापैकी 5 नांमाकण अर्ज वापस घेतल्याने 5 उमेदवार अध्यक्षपदासाठी निवडणूक रिंगणात आहेत.

मालेगाव नगर पंचायत

मालेगाव नगर पंचायतसाठी 17 जागेसाठी 72 नामांकन अर्ज दाखल झाले होते. 4 अर्ज वापस घेतल्याने 68 उमेदवार सदस्य पदासाठी रिंगणात आहेत. तर अध्यक्षपदासाठी 8 नामांकन अर्ज दाखल झाले होते. 3 नामांकन अर्ज वापस घेतल्याने 5 उमेदवार निवडणूक रिंगणात आहेत.

26 आता तारखेला चिन्ह वाटप नंतर खऱ्या अर्थाने निवडणुकीत रंग येणार आहे.

महत्वाच्या बातम्या: