Gyanvapi Masjid सर्वेक्षणात सापडल्या स्वस्तिक, ओमच्या खुणा आणि बरंच काही! जाणून घ्या सविस्तर

Gyanvapi Masjid Survey : 17 मे पर्यंत सर्वेक्षणाचे काम पूर्ण करून अहवाल न्यायालयात सादर करायचा आहे.

Gyanvapi Masjid Survey

Gyanvapi Masjid Survey : वाराणसीच्या ज्ञानवापी मशिदीत आज तिसऱ्या दिवशीही पहाटे 8 वाजल्यापासून कडेकोट सुरक्षा व्यवस्थेत सर्वेक्षणाचे काम सुरू आहे. सूत्रांनी दिलेल्या माहितीनुसार, यावेळी सर्वेक्षणात स्वस्तिक, ओमच्या खुणा आणि एक मोठी टाकी सापडली आहे. मात्र, तलाव सापडला नाही. सर्वेक्षण पथकाने रविवारपर्यंत सुमारे 65 टक्के काम पूर्ण केले असून 17 मे पर्यंत सर्वेक्षणाचे काम पूर्ण करून अहवाल न्यायालयात सादर करायचा आहे. आणखी काय आढळले सर्वेक्षणात?

मशिदीतील वाळूखानाजवळील तलावावरून वाद

ज्ञानवापी सर्वेक्षणाच्या दुसऱ्या दिवशी छत आणि घुमटाची व्हिडिओग्राफी करण्यात आली. 5 पैकी 4 तळघरांचे सर्वेक्षण करण्यात आले आहे. आता फक्त 1 तळघर शिल्लक आहे. 17 मेपर्यंत सर्वेक्षणाचे काम पूर्ण करून अहवाल न्यायालयात सादर करायचा आहे. मात्र याच दरम्यान काल मशिदीतील वाळूखानाजवळील तलावावरून वाद झाला.
 
गेल्या आठवड्यात सर्वेक्षण थांबवण्यात आले
मस्जिद समितीच्या आक्षेपानंतर गेल्या आठवड्यात सर्वेक्षण थांबवण्यात आले होते. सर्वेक्षणासाठी न्यायालयाने नियुक्त केलेल्या वकिल आयुक्तांना आवारात व्हिडिओग्राफी करण्याचा अधिकार नसल्याचा दावा समितीने केला होता. दरम्यान, ज्ञानवापी मशीद संकुलाच्या दुसऱ्या दिवसाचे सर्वेक्षण-व्हिडिओग्राफीचे काम पूर्ण झाले असून सोमवारीही ते सुरू राहणार असल्याचे पाहणी पथकाने सांगितले.

सर्वेक्षण अहवाल गोपनीय
न्यायालयाच्या आदेशानुसार सकाळी 8 ते दुपारी 12 या वेळेत सर्वेक्षणाचे काम करावयाचे आहे. न्यायालयाच्या आदेशानुसार 12 वाजता सर्वेक्षणाचे काम संपले असून उर्वरित वेळ कामाचे संकलन आणि कागदपत्रे तयार करण्यात खर्च झाल्याचे पथकातील सदस्यांनी सांगितले. विशेष वकील आयुक्त विशाल सिंह म्हणाले, “न्यायालयाच्या आदेशानुसार सर्वेक्षणाची कार्यवाही शांततेत पार पडली. सर्वेक्षणात कोणतेही अडथळे आले नाहीत. सर्वेक्षण अहवाल गोपनीय असून तो सध्या सार्वजनिक करता येणार नाही. सर्वेक्षण वेळेत पूर्ण करण्यासाठी सर्वतोपरी प्रयत्न केले जातील आणि 17 मे रोजी न्यायालयात अहवाल सादर करावा. सर्वोच्च न्यायालयाचे अधिवक्ता राजेंद्र नाथ पांडे हे देखील सर्वेक्षणादरम्यान मशिदीच्या परिसरात उपस्थित राहणार आहेत. 

न्यायालयाने सत्य शोधण्यास मदत करावी
ज्ञानवापीवरील वादग्रस्त वक्तव्यांदरम्यान केंद्रीय मंत्री गिरीराज सिंह यांनी माजी पंतप्रधान नेहरूंवर निशाणा साधला. सिंह म्हणाले की, राजकारणासाठी नेहरूंनी काशी, मथुरा आणि अयोध्यासंदर्भात वादग्रस्त केले होते. दुसरीकडे, या सर्वेक्षणाबाबत संघाचे ज्येष्ठ नेते इंद्रेश कुमार म्हणाले की, आज सत्य बाहेर आलेच पाहिजे. इंद्रेश कुमार म्हणाले की, लोकांना ताजमहाल, ज्ञानवापी मशीद, कृष्णजन्मभूमीचे सत्य जाणून घ्यायचे आहे. न्यायालयाने सत्य शोधण्यास मदत करावी. वाटाघाटी करून निर्णय घेतला जाईल.