DRDO चं अँटी कोविड औषध '2 डीजी' येत्या दोन दिवसात रुग्णांना दिलं जाणार, 10 हजार डोस तयार

डीआरडीओचा असा दावा आहे की, या ग्लूकोज-आधारित औषधाच्या सेवनामुळे कोरोनाग्रस्त रूग्णांना ऑक्सजीनवर जास्त अवलंबून रहावे लागणार नाही आणि ते लवकर बरे होतील.

2G_drdo

नवी दिल्ली : कोरोना व्हायरस साथीशी लढण्यासाठी डीआरडीओचं अँटी कोविड औषध, 2 डीजी (2-डीऑक्सी-डी-ग्लूकोज) पुढील एक-दोन दिवसांत रूग्णांना दिलं जाणार आहे. सूत्रांनी दिलेल्या माहितीनुसार हैदराबादच्या डॉक्टर रेड्डीजच्या लॅबमध्ये 10 हजार डोस तयार केले गेले आहेत. येत्या एक-दोन दिवसांत डीआरडीओ रुग्णालयातही हे औषध उपलब्ध होणार आहे. पाऊचमध्ये उपलब्ध असलेल्या या औषधाचा सॅम्पल फोटो एबीपी न्यूजकडे उपलब्ध झाला आहे.

एबीपी न्यूजला मिळालेल्या माहितीनुसार, डीआरडीओच्या आदेशानुसार या 10 हजार डोसनंतर डॉ. रेड्डीज लॅब जून महिन्यापासून दर आठवड्याला एक लाख डोस देण्यास सुरवात करणार आहे. यानंतर, पाण्यात विरघळली जाणारी ही औषधे लवकरच इतर रुग्णालयातही उपलब्ध होऊ शकतात.

कोरोना साथीच्या दरम्यान डीआरडीओने गेल्या आठवड्यात मोठा दिलासा दिला होता. डीआरडीओने अँटी-कोविड औषध बनवण्याचा दावा केला होता. डीआरडीओचा असा दावा आहे की, या ग्लूकोज-आधारित औषधाच्या सेवनामुळे कोरोनाग्रस्त रूग्णांना ऑक्सजीनवर जास्त अवलंबून रहावे लागणार नाही आणि ते लवकर बरे होतील. डॉ. रेड्डीज लॅबच्या सहकार्याने डीआरडीओने अँटी-कोविड औषध '2-डीऑक्सी-डी-ग्लूकोज' (2 डीजी) तयार केले आहे आणि क्लिनिकल चाचण्यानंतर ड्रग्स कंट्रोलर जनरल ऑफ इंडियाने औषधांना आपत्कालीन वापरासाठी ग्रीन सिग्नल दिला आहे.

क्लिनिकल ट्रायलमधील परिणामांनुसार, कोरोनाबाधित  रुग्ण कमी वेळेत रिकव्हर होतात. तसेच रुग्णांना रुग्णांलयात ऑक्सिजनचा वापरही कमी करावा लागत आहे. इतर उपचार पद्धतीच्या तुलनेने 2-DG च्या वापराने रुग्ण कमी वेळेत कोरोनावर मात करत आहेत, म्हणजे कोरोनोबाधित रुग्ण कमी वेळेत बरे होत आहेत. 

यशस्वी निकालांच्या आधारे डीसीजीआयने नोव्हेंबर 2020 मध्ये तिसऱ्या टप्प्यातील क्लिनिकल चाचण्यांना परवानगी दिली. डिसेंबर 2020 ते मार्च 2021 दरम्यान दिल्ली, उत्तर प्रदेश, पश्चिम बंगाल, गुजरात, राजस्थान, महाराष्ट्र, आंध्र प्रदेश, तेलंगणा, कर्नाटक आणि तामिळनाडू मधील 27 कोविड रुग्णालयात 220 रुग्णांवर III ऱ्या टप्प्यातील क्लिनिकल चाचणी घेण्यात आली. तिसऱ्या टप्प्यातील क्लिनिकल चाचणीचा सविस्तर डेटा डीसीजीआयकडे सादर करण्यात आला. 2-डीजी आर्ममध्ये, रुग्णांचे प्रमाण जास्त प्रमाणात लक्षणानुसार सुधारले गेले आणि एसओसीच्या तुलनेत तिसऱ्या दिवसापर्यंत पूरक ऑक्सिजनवरील अवलंबित्व (42% च्या तुलनेत 31%) कमी झाले जे ऑक्सिजन थेरपी / अवलंबित्व यापासून लवकर सुटका दर्शवते

औषध पावडर स्वरुपात मिळणार

DRDO ने विकसित केलेले हे औषध गोळी, सिरप किंवा इंजेक्शन नाही तर पावडर स्वरुपात पाकिटामध्ये  मिळते, जे पाण्यात विरघळवून पिता येते. हे विषाणू, संक्रमित पेशींमध्ये जमा होऊन व्हायरल संश्लेषण आणि उर्जा उत्पादन थांबवून विषाणू वाढीस प्रतिबंधित करते. विषाणूंनी संक्रमित पेशींमध्ये त्याचे निवडक संग्रह हे औषध उत्कृष्ट बनवते. जेव्हा देशभरात रुग्णांची संख्या सातत्याने वाढत असते आणि रुग्णांना ऑक्सिजनची गरज असते अशा वेळी हे औषध खूप प्रभावी सिद्ध होऊ शकते. असा दावा केला जात आहे. या औषधांमुळे रुग्णांना बराच काळ रुग्णालयात राहण्याची गरज भासणार नाही.