Cyber Attack : Air India चा सर्व्हर हॅक; क्रेडिट कार्डचा पासवर्ड बदलण्याचं कंपनीचं आवाहन

Air India नं दिलेल्या माहितीनुसार कंपनीची डेटा प्रोसेसर कंपनी सीता पॅसेंजर सर्विस सिस्टीमकडून काही लोकांची माहिती लीक झाली आ

संग्रहित छायाचित्र

Cyber Attack : हवाई वाहतुक कंपनी एअर इंडियाच्या पॅसेंजर सर्विस सिस्टीमवर मोठा सायबल हल्ला झाल्याची माहिती समोर येत आहे. Air India नं दिलेल्या माहितीनुसार कंपनीची डेटा प्रोसेसर कंपनी सीता पॅसेंजर सर्विस सिस्टीमकडून काही लोकांची माहिती लीक झाली आहे. ज्यामुळं याचे थेट परिणाम जगभरातील 45 लाख प्रवाशांच्या डेटा सुरक्षिततेवर होत आहेत. दरम्यान, सायबर हल्ला झाल्याची माहिती मिळतात एअर इंडियाकडून प्रवाशांनी क्रेडिट कार्डचं पासवर्ड बदलावं असं आवाहन केलं आहे. कारण लीक झालेल्या माहितीमध्ये क्रेडिट कार्डची माहिती, नाव, जन्मतारीख असा तपशील चोरी झाल्याचं कळत आहे. 

केव्हा झाला हा सायबर हल्ला? 
एअर इंडियाच्या पॅसेंजर सर्विस सिस्टीमवर 26 ऑगस्ट 2011 ते 3 फेब्रुवारी 2021 दरम्यान नोंदणी असणाऱ्या जगभरातील 45 लाख प्रवाशांच्या डेटावर डल्ला मारण्यात आला आहे. याबाबतची पहिली सुचना 25 फेब्रुवारी 2021 ला पहिल्यांदाच समोर आली होती. 

नेमकी कोणती माहिती लीक? 
प्रवाशांची खासगी माहिती ज्यामध्ये त्यांचं नाव, जन्म तारीख, मोबाईल क्रमांक, पत्ता, पासपोर्ट क्रमांक, तिकीटाची माहिती, स्टार अलायंस आणि एअर इंडियाच्या फ्रिक्वेंट फ्लायर्सचा डेटा आणि क्रेडिट कार्डसंदर्भातील माहिती चोरीला गेली आहे. 

सारवासारव करत एअर इंडिया म्हणतं... 
सदर प्रकरणाची माहिती समोर येताच सारवासारव करत एअर इंडियानं प्रवाशांच्या क्रेडिट कार्डचा सीवीवी क्रमांक लीक झाला नसल्याचं म्हटलं आहे. तर, सातत्यानं प्रवास करणाऱ्यांचा पासवर्ड डेटाही सुरक्षित असल्याचा दावा कंपनीनं केला आहे.