सीआरपीएफ जवानाचा सहकाऱ्यांवर गोळीबार, चार जवानांचा मृत्यू

छत्तीसगडमध्ये एका सीआरपीएफ जवानानं आपल्या सहकारी जवानांवर अंदाधुंद गोळीबार केला आहे. यात चार जवानांचा जागीच मृत्यू झाला आहे तर एक गंभीर जखमी झाला आहे.

प्रातिनिधीक फोटो

रायपूर : छत्तीसगडमध्ये एका सीआरपीएफ जवानानं आपल्या सहकारी जवानांवर अंदाधुंद गोळीबार केला आहे. यात चार जवानांचा जागीच मृत्यू झाला आहे तर एक गंभीर जखमी झाला आहे. छत्तीसगडमधील बीजापूर जिल्ह्यात बासागुडामध्ये सीआरपीएफच्या 168 बटालियन कॅम्पमध्ये ही घटना घडली आहे. फायरिंग करणाऱ्या जवानाचं नाव संतराम असल्याची प्राथमिक माहिती आहे. दरम्यान या सीआरपीएफ जवानाने आपल्या सहकाऱ्यांवर हल्ला का केला हे अद्याप कळू शकलेलं नाही.