कोरोना व्हायरस आला कुठून? चीनचे भारतातील राजदूत म्हणतात...

कोरोना व्हायरस भयंकर असला तरी व्हायरसबद्दलचे गैरसमज आणि अफवा त्याहून भयंकर असल्याचं चीनचे राजदूत सुन वीदोंग यांनी म्हटलं आहे. आतापर्यंत कोरोन व्हायरसमुळे 1900 हून अधिक लोकांना मृत्यू झाला आहे, तर 72 हजारहून अधिक लोकांना याचा प्रादूर्भाव झाला आहे.

नवी दिल्ली : चीनमध्ये कोरोना व्हायरसची दहशत अजूनही कायम आहे. कोरोना व्हायरसमुळे मृतांचा आकडा दिवसेंदिवस वाढत आहे. चीनने तयार केलेला व्हायरस चीनवरच उलटल्याची चर्चा सर्वत्र सुरु आहे. चीनच्या वुहान लॅबमधून कोरोना व्हायरस निघाला असल्याचंही बोललं जात होतं. मात्र कोरोना व्हायरस मानव निर्मित नसून नैसर्गिक आहे, असं भारतातील चीनचे राजदूत सुन वीदोंग यांनी स्पष्ट केलं आहे. कोरोना व्हायरस बाबत अद्याप पूर्ण माहिती देखील उपलब्ध नाहीये. कोरोना व्हायरस भयंकर असला तरी व्हायरसबद्दलचे अनेक गैरसमज आणि अफवा त्याहून भयंकर असल्याचं वीदोंग यांनी म्हटलं आहे. आतापर्यंत कोरोन व्हायरसमुळे 1900 हून अधिक लोकांना मृत्यू झाला आहे, तर 72 हजारहून अधिक लोकांना याचा प्रादूर्भाव झाला आहे.

वीदोंग यांनी पुढे म्हटलं की, या गंभीर परिस्थितीत भारत आणि चीन यांच्यात संवाद कायम आहे. पंतप्रधान नरेंद्र मोदी यांनी राष्ट्रपती शी जिनपींग यांना पत्रही लिहीलं आहे. भारताच्या परराष्ट्र मंत्र्यांनी चीनच्या स्टेट काऊन्सलर यांच्याशी फोनवर चर्चाही केली आहे. भारतातील कोणत्याही नागरिकाला कोरोना व्हायरसचा प्रादुर्भाव झालेला नाही. चीनमधील विद्यार्थ्यांची विशेष काळजी घेतली जात आहे. त्यांना नियमित जेवण आणि मास्कसारखं गरजेचं सामान पोहोचवलं जात आहे.

Chinese Envoy to India: China & India have been keeping close communication on the epidemic. Recently PM Modi sent a letter of condolence to President Xi Jinping, expressing his recognition of the tremendous effort made by Chinese govt to deal with the outbreak. #Coronaviruus pic.twitter.com/SJ0eSiEOiw

— ANI (@ANI) February 18, 2020

कोरोना व्हायरसवर नियंत्रण मिळवण्यासाठी चीनकडून सर्वोतोपरी प्रयत्न केले जात आहेत. आम्हाला पूर्ण विश्वास आहे की आम्ही कोरोना व्हायरसची लढाई नक्की जिंकू. हुबेई प्रांतात कोरोना व्हायरसच्या रुग्णांची संख्या घटली आहे. रोज 5000 रुग्ण आढळणारी संख्या आता कमी होऊन 2000 आली आहे, असं वीदोंग यांनी म्हटलं.

वुहानमध्ये 10 दिवसात 10 मोबाईल रुग्णालये तयार करण्यात आली आहेत. याठिकाणी रोज सात हजार रुग्णांची तपासणी केली जात आहे. प्रत्येक व्यक्तीची तपासणी केली जावी, हा प्रयत्न आहे. 16 हजार लोकांच्या मदतीने वुहानमधील प्रत्येक घराचं सर्वेक्षण केलं जात आहे, जेणेकरुन कोरोनाच्या रुग्णांची माहिती मिळावी.

कोरोना व्हायरस म्हणजे काय?

कोरोना व्हायरसचे विषाणू प्राण्यांपासून मनुष्यापर्यंत पसरतात, असं म्हटलं जातं. वर्ल्ड हेल्थ ऑर्गनायझेशननुसार, हा विषाणू समुद्री खाद्यपदार्थांशी निगडीत आहे. याची सुरुवात चीनच्या हुवेई प्रांताच्या वुहान शहरातील सीफूड मार्केटमधून झाली आहे. डब्ल्यूएचओने देखील हा विषाणू एका व्यक्तीकडून दुसर्‍या व्यक्तीपर्यंत पसरू शकतो, अशी भीती व्यक्त केली आहे.

कोरोना व्हायरसचा सर्वप्रथम धोका सांगणाऱ्या डॉक्टरचा मृत्यू

लक्षणे कोणती आहेत ?

कोरोना व्हायरसचा प्रादुर्भाव झालेल्या व्यक्तीस ताप, सर्दी, श्वास घेण्यास त्रास होणे, नाक वाहणे, घसा खवखवणे अशी लक्षणं जाणवतात. Corona Virus | चिकन खाल्ल्याने कोरोनाचा प्रादुर्भाव होत नाही, सोशल मीडियावरील अफवांचं केंद्र सरकारकडून खंडन काय काळजी घ्याल? तोंडाला मास्क लावा, बोटांनी डोळे, नाक आणि तोंडाला स्पर्श करणे टाळा, हात वारंवार धुवावे, भरपूर पाणी प्या, उघड्यावरचे पदार्थ खाणे टाळा, संक्रमित व्यक्तीपासून लांब राहा, तापासाठीचे आणि घसा खवखवण्यासाठीचे औषधे घ्या. Coronavirus | 'कोरोना व्हायरस' होऊ नये म्हणून काय काळजी घ्यावी? | ABP Majha