एक्स्प्लोर

चीनची नवी कुरापत; आता भारतातील गाढवं चोरली, जाणून घ्या कारण

China Stole Donkey from India : चीनने भारतातील गाढवं चोरली असल्याचे समोर आले आहे. केंद्र सरकारच्या पशुसंवर्धन विभागाला दिलेल्या अहवालात ही बाब समोर आली आहे.

By : abp majha web team | Edited By: श्रीकांत भोसले | Updated at : 23 Dec 2021 10:15 AM (IST)

China Stole Donkey from India : भारताचा भूभाग बळकावण्याच्या प्रयत्नात असलेल्या चीनची आणखी एक कुरापत समोर आली आहे. चीनने भारतातील गाढवं चोरली असल्याचा दावा करण्यात आला आहे. ब्रुक इंडियानं केंद्र सरकारच्या पशुसंवर्धन विभागाला दिलेल्या अहवालात ही धक्कादायक माहिती समोर आली आहे. गेल्या ९ वर्षांत देशातील गाढवांची संख्या ६१.२३ टक्क्यांनी कमी झाल्याची माहिती त्यात आहे. देशी औषधांसाठी लागणारा महत्त्वाचा कच्चा माल म्हणून गाढवांचा उपयोग होतो.

महाराष्ट्र, गुजरात, आंध्र प्रदेश, उत्तर प्रदेशसह अनेक राज्यांतून तस्करीद्वारे गाढवांची कातडी चीनमध्ये पोहोचवली जात आहेत. आधी वाघांच्या अवयवांची तस्करी चीनमध्ये होत होती. चीनमध्ये तयार होणाऱ्या इजियाओ या पारंपरिक औषधासाठी गाढवाच्या कातडीचा वापर केला जातो. त्यासाठी गाढवांची तस्करी केली जात आहे. चीनच्या या आगळीकीमुळे भारतात २०१२ साली असलेली ३ लाख २० हजार इतकी गाढवांची संख्या घटून ती २०१९ साली पशुधन गणनेत १ लाख २० हजार इतकी झाली असल्याचे अहवालात नमूद करण्यात आले आहे.

पाकिस्तानकडून चीनला होते गाढवांची निर्यात

गाढवांच्या खरेदीसाठी पाकिस्तान आणि चीनमध्ये करार झाला आहे. पाकिस्तानकडून दरवर्षी सुमारे 80 हजार गाढवांची निर्यात करण्यात येते. गाढवांच्या व्यापारामध्ये आणि त्याच्याशी संबंधित उत्पादनात अनेक चिनी कंपन्यांनी लाखो डॉलरची गुंतवणूक केली आहे. पाकिस्तानमध्ये एका गाढवाच्या चामड्याची किंमत ही १५ ते २० हजारांच्या घरात असते. पाकिस्तानच्या अर्थव्यवस्थेला गाढवांच्या निर्यातीमुळे मोठा फायदा होतो. गाढवांसाठी खास विशेष रुग्णालयेही पाकिस्तानमध्ये आहेत. पाकिस्तान हा गाढवांची सर्वाधिक संख्या असणारा देश आहे. प्रजातीनुसार गाढवांच्या किंमती ठरवल्या जातात.

इतर महत्त्वाच्या बातम्या:

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha