हिमाचल प्रदेशमध्ये चार मजली इमारत कोसळली, सहा जवानांसह सात जणांचा मृत्यू

नाहन-कुमारहट्टी मार्गावरील ही इमारत वादळी वाऱ्यासह मुसळधार पावसामुळे कोसळली. या इमारतीत सेनेचे 30 जवान कुटुंबियांसह ढाब्यावर जेवणासाठी थांबले असताना ही दुर्घटना घडली.

सोलन : हिमाचल प्रदेशातील सोलनमध्ये ढाबा आणि गेस्ट हाऊसची चार मजली इमारत कोसळली आहे. या दुर्घटनेत सहा जवानांसह एका नागरिकाचा मृत्यू झाला आहे. इमारतीच्या ढिगाऱ्याखाली अनेकजण अडकले होते. आतापर्यंत 23 नागरिकांना वाचवण्यात यश आलं आहे.

दुर्घटनेनंतर बचावकार्यासाठी सेना आणि एनडीआरएफला पाचरण करण्यात आलं होतं. नाहन-कुमारहट्टी मार्गावर असलेली इमारत वादळी वाऱ्यासह मुसळधार पावसामुळे कोसळली, अशी प्राथमिक माहिती समोर येत आहे. या इमारतीत सेनेचे 30 जवान कुटुंबियांसह ढाब्यावर जेवणासाठी थांबले असताना ही दुर्घटना घडली.

Himachal Pradesh: Search and rescue operation in Solan's Kumarhatti, where a building collapsed yesterday. is underway. 7 casualties have been reported till now - 1 civilian and 6 defence personnel, 7 more to be rescued. pic.twitter.com/Nza1Fs1Psg

— ANI (@ANI) July 15, 2019

ढाबा चालवणाऱ्या महिलेचा देखील या दुर्घटनेत मृत्यू झाला आहे. रात्रभर याठिकाणी बचावकार्य सुरु होतं. एनडीआरएफची टीम रात्रभर ढिगाऱ्याखाली अडकलेल्या लोकांचा शोध घेत होती. अद्यापही ढिगाऱ्याखाली काही अडकल्याची भीती त्यांनी व्यक्त केली.

हिमाचल प्रदेशचे मुख्यमंत्री जयराम ठाकूर यांनी या दुर्घटनेच्या चौकशीचे आदेश दिले आहेत. मुख्यमंत्री आज बचावकार्याचा आढावा आणि जखमींना भेटण्यासाठी जाणार आहेत.

Solan Dy Commissioner KC Chaman on building collapse in Solan: Around 17 Army personnel & 11 civilians rescued so far. 6 Army & 1 civilian casualties reported, 7 Army personnel are still feared trapped. Search&rescue operation to be completed by today afternoon. #HimachalPradesh pic.twitter.com/knjLdXAMEY

— ANI (@ANI) July 15, 2019

सोलनचे उपायुक्त के. सी चमन यांनीही काही वेळापूर्वीच घटनास्थळी भेट दिली. आत्तापर्यंत 17 जवानांची सुटका करण्यात आल्याचं त्यांनी सांगितलं. तसेच 7 जवान अद्यापही ढिगाऱ्याखाली अडकल्याची भीती त्यांनी व्यक्त केली.