Kerala Bomb Attack : केरळमधील सीपीआय(एम) मुख्यालयावर बॉम्ब हल्ला, सीसीटीव्ही फुटेजमध्ये घटना कैद
Kerala Bomb Attack : बॉम्बहल्ला झाल्याची माहिती मिळाल्यानंतर पोलिसांनी या प्रकरणाचा तपास सुरू केला आहे,
Kerala Bomb Attack : केरळमधील (Kerala) तिरुअनंतपुरम (Thiruvananthapuram) येथील CPI(M) मुख्यालयावर बॉम्ब फेकून दुचाकीस्वाराने पळ काढला. सीपीआय (M) मुख्यालयावर बॉम्बहल्ला झाल्याची माहिती मिळाल्यानंतर पोलिसांनी या प्रकरणाचा तपास सुरू केला आहे, तर गुरुवारी रात्री उशिरा कार्यालयात बॉम्ब फेकल्यानंतर सीपीआय कार्यकर्ते पक्षाच्या मुख्यालयाबाहेर जमले होते.
सीसीटीव्ही फुटेजमध्ये घटना कैद
सीपीआय(एम) मुख्यालयावर झालेल्या बॉम्ब हल्ल्यात कोणतीही जीवितहानी झाल्याचे वृत्त नाही. समोर आलेल्या सीसीटीव्ही फुटेजमध्ये, गुरुवारी रात्री एक व्यक्ती सीपीआय पक्षाच्या मुख्यालयासमोर आपली दुचाकी मागे वळवताना दिसत आहे, तो माणूस हातात बॉम्ब घेऊन पक्षाच्या मुख्यालयाच्या इमारतीवर बॉम्ब फेकतो आणि पळून जातो.
Kerala | A man on a two-wheeler captured on CCTV hurls a bomb at CPI (M) headquarters, AKG Center, Thiruvananthapuram
— ANI (@ANI) June 30, 2022
(Source: AKG Center CCTV) pic.twitter.com/cfP1zbChb0
यूडीएफला भडकावण्याचा प्रयत्न
सीपीआय(एम) चे राज्य सचिव कोडियेरी बालकृष्णन यांनी बॉम्ब हल्ल्यावर म्हटले आहे की, एकेजी केंद्रावर हल्ला करून कोणीतरी यूडीएफला भडकावण्याचा प्रयत्न करत आहे. सध्या हे प्रकरण हायप्रोफाईल असल्याने घटनेची माहिती मिळताच पोलिसांनी तपास सुरू केला आहे.
CPI (M) workers gather outside party headquarters after a bomb was hurled at the office late at night. pic.twitter.com/DPpBlqD3HV
— ANI (@ANI) June 30, 2022
पोलिसांचा तपास सुरू
सीपीआय कार्यालयात रात्री उशिरा झालेल्या बॉम्बस्फोटाबाबत पोलीस आयुक्त जी स्पर्जन कुमार म्हणाले की, पोलिसांनी त्याचा तपास सुरू केला आहे. त्याचबरोबर सीसीटीव्हीच्या आधारे पोलिसांनी बॉम्बने हल्ला करणाऱ्या व्यक्तीची ओळख पटवण्याबरोबरच वाहनाची तपासणी सुरू केली आहे.
Thiruvananthapuram | We have started the probe, it's in the preliminary stage...: G Sparjan Kumar, Commissioner, on bomb thrown at CPI (M) HQ, AKG Center, late at night pic.twitter.com/A1d50nwSaS
— ANI (@ANI) June 30, 2022
केरळमध्ये अशांतता पसरवण्याचा सुनियोजित कट
केरळचे अर्थमंत्री केएन बालगोपाल यांनी सीपीआय(एम) मुख्यालयावर झालेल्या बॉम्ब हल्ल्यावर प्रतिक्रिया दिली असून, केरळमध्ये अशांतता पसरवण्याचा हा सुनियोजित प्रयत्न असल्याचे म्हटले आहे. या हल्ल्यात सहभागी असलेल्या हल्लेखोरांवर पोलिस गुन्हा दाखल करतील, अशी आशा आहे. आम्ही केरळच्या जनतेला शांतता ठेवण्याची विनंती करतो.
काँग्रेसवर आरोप
सीपीआय(एम) केरळ राज्य समितीचे सदस्य आणि डेमोक्रॅटिक युथ फेडरेशन ऑफ इंडियाचे अध्यक्ष ए. सीपीआय(एम)च्या मुख्यालयावर काँग्रेसवाल्यांनी हल्ला केला आहे, असा आरोप रहीम यांनी काँग्रेसवर केला आहे. मी या हल्ल्याचा निषेध करतो आणि माझ्या कार्यकर्त्यांना या विरोधात शांततेने आंदोलन करण्याचे आवाहन करतो.
महत्त्वाच्या बातम्या
