Delhi Restaurant Blast: दिल्लीत जामिया परिसरातील रेस्टॉरंटमध्ये स्फोट, 1 ठार, 6 जखमी

Delhi: दिल्लीत एका रेस्टॉरंटमध्ये स्फोट झाल्याची बातमी समोर येत आहे. हा स्फोट दक्षिण पूर्व दिल्लीतील जामिया भागातील एका फास्ट फूड रेस्टॉरंटमध्ये एसीच्या देखभालीदरम्यान झाल्याचं समजत आहे.

Delhi_Restaurant_Blast

Delhi: दिल्लीत एका रेस्टॉरंटमध्ये स्फोट झाल्याची बातमी समोर येत आहे. हा स्फोट दक्षिण पूर्व दिल्लीतील जामिया भागातील एका फास्ट फूड रेस्टॉरंटमध्ये एसीच्या देखभालीदरम्यान झाल्याचं समजत आहे. ज्यात 6 जण जखमी झाल्याची माहिती आहे. या घटनेची माहिती देताना दिल्ली पोलिसांनी सांगितले की, जामिया भागातील एका फास्ट फूड रेस्टॉरंटमध्ये स्फोट झाला असून यात 6 लोक जखमी झाले आहेत. जखमींवर रुग्णालयात उपचार सुरू आहेत.

आतापर्यंत मिळालेल्या माहितीनुसार, जामिया नगरच्या तिकोना पार्क भागात 'द वॅफल मॅनिया' नावाच्या रेस्टॉरंटमध्ये स्फोट झाला आहे. स्थानिक लोकांच्या म्हणण्यानुसार, स्फोट झाला तेव्हा तेथे एका एसीमध्ये दुरुस्तीचे काम सुरू होते. घटनेची माहिती मिळताच अग्निशमन दल घटनास्थळी दाखल झाले आहे. जखमींना उपचारासाठी होली फॅमिली हॉस्पिटलमध्ये दाखल करण्यात आले आहे.

ओखला येथील आम आदमी पक्षाचे आमदार अमानतुल्ला खान म्हणाले, "ओखला विधानसभा मतदारसंघातील तिकोना पार्कजवळील एका रेस्टॉरंटमध्ये डीप फ्रीझरच्या स्फोटामुळे लोक जखमी झाल्याची बातमी अत्यंत दुःखद आहे. आम्ही जखमींना होली फॅमिली हॉस्पिटलमध्ये दाखल केले आहे.''

घटनेचे कारण अद्याप कळलेले नाही

अग्निशमन दलाच्या चार गाड्या घटनास्थळी दाखल झाल्या आहेत. या प्रकरणी पोलीस ही तपास करत आहे. मात्र अद्याप स्फोटाचे कारण समजू शकलेले नाही.

महत्वाच्या बातम्या

 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha