सोयाबीन, कापसाच्या हमीभावात वाढ, आता शेतकऱ्यांना नेमका किती मिळणार दर? खरेदी केंद्र वाढवण्याच्या सूचना

केंद्र सरकारने सन 2024-25 साठी सोयाबीन (Soybean) आणि कापसाचे (cotton) हमीभाव जाहीर केले आहेत.

Agriculture News Soybean and cotton MSP

Source : Agriculture News

Agriculture News : महाराष्ट्राचे मुख्यमंत्री एकनाथ शिंदे (CM Eknath Shinde) यांनी केंद्रीय कृषी व वस्त्रोद्योग मंत्रालयाशी कापूस आणि सोयाबीनच्या दराबाबत चर्चा केली होती. त्यांच्या या पाठपुराव्याला यश आलं आहे. केंद्र सरकारने सन 2024-25 साठी सोयाबीन (Soybean) आणि कापसाचे (cotton) हमीभाव जाहीर केले आहेत. त्याचबरोबर राज्यात कापूस आणि सोयाबीनच्या हमीभावाने खरेदीसाठी आवश्यक अधिकाधिक केंद्रे वाढवण्याबाबत मुख्यमंत्री एकनाथ शिंदे यांची केंद्रीय वाणिज्य मंत्री पियुष गोयल यांच्यासमवेत चर्चा झाली. यासंदर्भात केंद्रीय मंत्री गोयल यांनी सकारात्मकता दर्शविली आहे.

कापूस हमीभावातील वाढ

मध्यम धागा कापूस: रु. 7121/- प्रति क्विंटल
लांब धागा कापूस: रु. 7521/- प्रति क्विंटल
मागील वर्षाच्या तुलनेत रु. 501/- प्रति क्विंटल इतकी वाढ

कापूस उत्पादन आणि खरेदी व्यवस्था

राज्यात कापूस लागवडीखालील क्षेत्र: 40.73 लाख हेक्टर
अपेक्षित एकूण उत्पादन: 427.67  लाख क्विंटल (42.77 लाख मे.टन)
कॉटन कॉर्पोरेशन ऑफ इंडिया (सी.सी.आय.) मार्फत खरेदी
121 मंजूर खरेदी केंद्रे
अतिरिक्त 30 खरेदी केंद्रांची मागणी प्रस्तावित
16 नोव्हेंबर 2024 पर्यंत 71 केंद्रांवर 55000 क्विंटल (11000 गाठी) कापूस खरेदी
सध्याचा बाजारभाव सरासरी रु.7500/- प्रति क्विंटल

सोयाबीन हमीभावात लक्षणीय वाढ

नवीन हमीभाव: रु. 4892/- प्रति क्विंटल
मागील वर्षीच्या तुलनेत (रु. 4600/-) लक्षणीय वाढ

सोयाबीन उत्पादन आणि खरेदी व्यवस्था

लागवडीखालील क्षेत्र: 50.71 लाख हेक्टर
एकूण उत्पादन: 73.27 लाख मेट्रिक टन
पीएसएस अंतर्गत केंद्राची मंजुरी: 13.08 लाख मेट्रिक टन
राज्य शासनाचे प्रथम टप्प्यातील उद्दिष्ट: 10 लाख मेट्रिक टन
26 जिल्ह्यांत 532 मंजूर खरेदी केंद्रे
494 कार्यरत खरेदी केंद्रे
16 नोव्हेंबर 2024 पर्यंत 202220 शेतकरी नोंदणी
एकूण खरेदी: 13000 मेट्रिक टन

 मुख्यमंत्र्यांचे महत्त्वपूर्ण निर्देश

1. दोन्ही पिकांसाठी खरेदी केंद्रांची संख्या वाढवण्याचे निर्देश
2. खरेदी प्रक्रिया सुरळीत व पारदर्शक ठेवण्याच्या सूचना
3. शेतकऱ्यांना त्वरित पैसे मिळण्याची व्यवस्था करण्याचे आदेश
4. खरेदी केंद्रांवर आवश्यक सुविधा उपलब्ध करून देण्याचे निर्देश

अधिकृत खरेदी संस्था

कापूस खरेदीसाठी
कॉटन कॉर्पोरेशन ऑफ इंडिया (सी.सी.आय.)

सोयाबीन खरेदीसाठी

नाफेड (NAFED)
एन.सी.सी.एफ. (NCCF)
महाराष्ट्र राज्य सहकारी पणन महासंघ, मुंबई
विदर्भ पणन महासंघ, नागपूर
पृथाशक्ती फार्मर प्रोड्युसर कंपनी
महाकिसान संघ फार्मर प्रोड्युसर कंपनी
महाकिसान वृद्धी फार्मर प्रोड्युसर कंपनी

मुख्यमंत्र्यांनी घेतलेल्या या निर्णयामुळे राज्यातील सोयाबीन आणि कापूस उत्पादक शेतकऱ्यांना त्यांच्या उत्पादनाचा योग्य मोबदला मिळणार आहे. त्यांच्या आर्थिक स्थितीत सुधारणा होण्यास मदत होणार आहे. या कृषी वर्षात दोन्ही पिकांसाठी मिळालेला वाढीव हमीभाव हा शेतकऱ्यांसाठी दिवाळीची भेट ठरल्याचे बोलले जात आहे. 

महत्वाच्या बातम्या: