सलग तिसऱ्यांदा खासदार झालेल्या 71 नेत्यांच्या संपत्तीत 286 टक्क्यांनी वाढ, सुप्रिया सुळेंच्या संपत्तीत 173 टक्क्यांची वाढ; ADRमधून माहिती

ADR Report : 2009 ते 2019 या काळात सलग तीन वेळा खासदार झालेल्या 71 नेत्यांच्या संपत्तीमध्ये सरासरी 286 टक्के वाढ झाली आहे.

supriya sule

ADR Report : 2009 ते 2019 या काळात सलग तीन वेळा खासदार झालेल्या 71 नेत्यांच्या संपत्तीमध्ये सरासरी 286 टक्के वाढ झाली आहे. भाजप खासदार रमेश चंदप्पा जिगाजिनागी यांच्या संपत्तीत सर्वाधिक वाढ झाली आहे. असोसिएशन फॉर डेमोक्रॅटिक रिफॉर्म्स  Association for Democratic Reforms (एडीआर)रिपोर्टमधून ही माहिती समोर आली आहे. या रिपोर्ट्सनुसार, ज्या दहा खासदारांची संपत्ती सर्वाधिक वाढली त्यामध्ये भाजपच्या सहा खासदारांचा समावेश आहे. तर शिरोमणी अकाली दल, राष्ट्रवादी काँग्रेस, बीजू जनता दल आणि AIUDF च्या एका खासराचा समावेश आहे. रिपोर्ट्सनुसार, अपक्ष खासदारांसह 71 खासदारांची 2009 मध्ये सरासरी संपत्ती 6.15 कोटी रुपये इतकी होती. 2019 मध्ये यामध्ये 286 टक्क्यांनी वाढ झाली असून त्यांची सरासरी संपत्ती 17.59 कोटी रुपये झाली आहे. दरम्यान, मागील दहा वर्षात भाजपच्या खासदारांच्या संपत्तीमध्ये सरासरी 42 पटीनं वाढ झाल्याचेही रिपोर्ट्समध्ये म्हटलेय.  

जिगाजिनागी यांच्या संपत्तीत सर्वाधिक वाढ - 

ADR च्या रिपोर्ट्सनुसार, कर्नाटकचे भाजप खासदार जिगाजिनागी यांच्याकडे 2009 मध्ये 1.18 कोटी रुपयांची संपत्ती होती.. ती 2014 मध्ये 8.94 कोटी रुपये इतकी झाली. तर 2019 मध्ये 42 पटीनं वाढून 50.41 कोटी रुपये इतकी झाली. 2009 ते 2019 या दरम्यान त्यांच्या संपत्तीमध्ये 4,189 टक्केंची वाढ झाली.  2009 ते 2019 या दरम्यान झालेल्या निवडणुकीवेळी खासदारांनी दाखल केलेल्या प्रतिज्ञापत्राच्या माहितीच्या आधारावर ही माहिती दिली आहे. 2019 मध्ये सलग सहाव्यांदा खासदार झालेले जिगाजिनागी हे 2016 ते 2019 यादरम्यान केंद्रीय राज्यमंत्री होते.

सुप्रिया सुळेंच्या संपत्तीत 173 टक्क्यांची वाढ -

एडीआरच्या रिपोर्ट्सनुसार, राष्ट्रवादी काँग्रेसच्या बारामतीच्या खासदार सुप्रिया सुळे यांच्या संपत्तीमध्ये 173 टक्क्यांनी वाढ झाली आहे.  2009 मध्ये सुप्रिया सुळे यांची संपत्ती 51.53 कोटी रुपये इतकी होती.  2019 मध्ये 173 टक्क्यांनी वाढून 140.88 कोटी रुपये इतकी झाली. दहा वर्षात सुप्रिया सुळे यांच्या संपत्तीमध्ये 89.35 कोटी रुपयांची वाढ झाली आहे.  दरम्यान, AIUDF चे खासदार बदरूद्दीन अजमल यांच्या संपत्तीमध्ये 160 टक्क्यांनी वाढ झाली आहे. 2009 मध्ये त्यांची संपत्ती 30 कोटी रुपये होती तर 2019 मध्ये त्यांची संपत्ती 78 कोटी रुपये इतकी झाली. 

हरसिमरत कौर बादल यांच्या संपत्तीत 261 टक्क्यांनी वाढ - 

अकाली दलच्या खासदार हरसिमरत कौर बादल यांच्या संपत्तीत 261 टक्क्यांनी वाढ झाल्याचं रिपोर्ट्समधून समोर आले आहे. 2009 मध्ये हरसिमरत कौर बादल यांची एकूण संपत्ती 60.31 कोटी रुपये होती... 2019 मध्ये त्यांची संपत्ती 217.99 कोटी रुपये इतकी झाली. रिपोर्ट्सनुसार, हरसिमरत कौर बादल यांची संपत्ती सर्वाधिक वेगानं वाढली आहे. दहा वर्षात हरसिमरत कौर यांची संपत्ती 157.68 कोटी रुपयांनी वाढली आहे.

वरुण गांधींच्या संपत्ती 5 कोटींवरुन 60 कोटी झाली - 

एडीआरच्या रिपोर्ट्सनुसार, उत्तर प्रदेशमधून तिसऱ्यांदा खासदार झालेले भाजपचे नेते वरुण गांधी यांच्या संपत्तीमध्ये मोठी वाढ पाहायला मिळाली. 2009 मध्ये वरुण गांधी यांची संपत्ती 4.92 कोटी रुपये होती. हीच संपत्तीमध्ये 2019 मध्ये वाढून 60.32 कोटी रुपये इतकी झाली. वरुण गांधींच्या संपत्तीमध्ये 1124 टक्क्यांनी वाढ झाली आहे. 2009 मध्ये मेनका गांधी यांची संपत्ती 17 कोटी रुपये होती, जी 2019 मध्ये 55 कोटी रुपये इतकी झाली. 
 
तिसऱ्यांदा खासदार झालेले नेते कोणत्या पक्षातील किती?

लागोपाठ तीन वेळा खासदार झालेल्या नेत्यांमध्ये भाजपच्या सर्वाधिक नेत्यांचा समावेश आहे. यामध्ये भाजपचे 43 खासदार आहे. दहा वर्षात भाजपच्या या खासदारांची संपत्ती सरासरी 15 कोटी रुपयांची वाढ झाली आहे. 2009 मध्ये त्यांचं सरासरी उत्पन्न चार कोटी होतं... जे 2019 मध्ये 20 कोटी रुपये इतकं झालं आहे. 

यामध्ये दुसऱ्या क्रमांकाचा पक्ष काँग्रेस आहे... काँग्रेसच्या दहा खासरारांची संपत्ती सरासरी 10 कोटी रुपयांनी वाढली आहे. 2009 मध्ये काँग्रेसच्या खासरांची सरासरी संपत्ती पाच कोटी रुपये होती.. जी 2019 मध्ये 16 कोटी रुपये इतकी झाली आहे. यामध्ये तृणमृल काँग्रेस या पक्षाचा तिसरा क्रमांक लागतो... 71 पैकी तृणमृल काँग्रेसचे सात खासदार आहेत... 2009 मध्ये तृणमूल काँग्रेसच्या खासदारांची सरासरी संपत्त 76 लाख रुपये होती... जी 2019 मध्ये 5.9 कोटी रुपये इतकी झाली आहे. शिवसेना आणि बीजद यांचे प्रत्येकी दोन दोन खासदार आहेत. तर AIMIM, AIUDF, IUML, जद(यू) आणि एनसीपी या पक्षाचे प्रत्येकी एका एका खासदारांचा समावेश आहे.