एक्स्प्लोर

ABG Bank Fraud : 22842 कोटी रुपयांच्या घोटळा, आरोपींविरोधात लूक आऊट नोटीस

ABG Bank Fraud Case: बँक इतिहासातील सर्वात मोठा घोटाळ्याप्रकरणी (22842 कोटी रुपये) पाच आरोपींच्या विरोधात सीबीआयने लूक आऊट नोटीस जारी केली आहे.

By : एबीपी माझा वेब टीम | Edited By: नामदेव कुंभार | Updated at : 15 Feb 2022 06:39 PM (IST)

abg bank fraud scam 22842 crores cbi issued look out notice against accused ABG Bank Fraud : 22842 कोटी रुपयांच्या घोटळा, आरोपींविरोधात लूक आऊट नोटीस

cbi

ABG Bank Fraud Case: बँक इतिहासातील सर्वात मोठा घोटाळ्याप्रकरणी (22842 कोटी रुपये) पाच आरोपींच्या विरोधात सीबीआयने लूक आऊट नोटीस जारी केली आहे. म्हणजे, आता या पाचही आरोपींना देश सोडून जाता येणार नाही. हा घोटाळा एप्रिल 2005 ते जुलै 2012 यादरम्यान झाल्याचे सीबीआयने अधिकृतरित्या सांगितले आहे. 8 नोव्हेंबर 2019 रोजी बँकेकडून तक्रार दाखल करण्यात आली होती. त्यावर सीबीआयने 12 मार्च 2020 रोजी स्पष्टीकरण मागवले होते. ऑगस्ट 2020 मध्ये बँकेकडून आणखी एक तक्रार दाखल करण्यात आली होती. जवळपास दीड वर्षांपेक्षा जास्त तपास केल्यानंतर सात फेब्रुवारी 2022 रोजी सीबीआयने कारवाई सुरु केली.

सीबीआयने अप्रत्यक्षरित्या काही राज्यांवर निशाणा साधला. सीबीआयद्वारे सांगण्यात आले की, काही राज्यांकडून तपासाचे जनरल कंसेंट (राज्य सरकारच्या परवानगीशिवाय राज्यात तपास करता येणार नाही.) माघारी घेण्यात आले आहेत. राज्य सरकारच्या या निर्णायामुळे तपासात अडचणी येत आहेत. दरम्यान, महाराष्ट्रासह काही राज्यांनी जनरल कंसेंटचा निर्णय घेतला आहे.

ABG शिपयार्डने गुजरातमधील तब्बल 28 बँकांना 22,842 कोटी रुपयांचा चुना लावल्याचे समोर आले आहे. सीबीआयच्या इतिहासातील हा सर्वात मोठा बँक घोटाळा आहे. यावर सीबीआयकडून तपास सुरु आहे. सीबीआयने दाखल केलेल्या एएफआयआरनुसार, एबीजी शिपयार्ड आणि एबीजी इंटरनेशनल या घोटाळा करणाऱ्या दोन प्रमुख कंपन्या आहेत. या दोन्ही कंपन्या एकाच ग्रुपच्या आहेत.

एबीजी शिपयार्ड कंपनीने सर्व नियमांना फाटा देत अनेक बँकांमध्ये फसवणूक केली आहे. फक्त बँकच नाही तर एलआयसीलाही चूना लावला आहे. एएफआयआरनुसार, एबीजी शिपयार्डने एलआयसीची 136 कोटी रुपयांची फसवणूक केली आहे. तर एसबीआयला 2468 कोटी रुपयांचा चुना लावला आहे. हा पैसा विदेशात पाठवल्याचा आणि गुंतवणूक केल्याचाही आरोप करण्यात आला आहे. नियमांना तोडत एका कंपनीतून दुसऱ्या कंपनीला पैसे पाठवले आहेत.

एनपीए झाल्यानंतर एबीजी शिपयार्डमध्ये कोणत्या बॅंकांचं किती नुकसान?