UIDAI ने 1.17 कोटी आधार क्रमांक केले ब्लॉक, नेमकं कारण काय? जाणून घ्या सविस्तर माहिती 

भारतीय विशिष्ट ओळख प्राधिकरणाने (UIDAI) आतापर्यंत 1.17 कोटींहून अधिक 12-अंकी आधार क्रमांक निष्क्रिय केले आहेत.

Aadhar Card

Source : Getty Images

Aaadhar Card : भारतीय विशिष्ट ओळख प्राधिकरणाने (UIDAI) आतापर्यंत 1.17 कोटींहून अधिक 12-अंकी आधार क्रमांक निष्क्रिय केले आहेत. मृतांच्या आधार क्रमांकांचा (Aaadhar Card) गैरवापर होऊ नये म्हणून हे पाऊल उचलले जात आहे. या उपक्रमांतर्गत, UIDAI ने 24 राज्ये आणि केंद्रशासित प्रदेशांमध्ये नोंदणीकृत मृत्यूंसाठी myAadhaar पोर्टलवर कुटुंबातील सदस्याच्या मृत्यूची तक्रार नोंदवणे ही एक नवीन सेवा सुरू केली आहे. जेणेकरून कुटुंबातील सदस्याच्या मृत्यूच्या बाबतीत, व्यक्ती पोर्टलवर येऊन UIDAI ला त्याबद्दल माहिती देऊ शकेल. 

1.55 कोटी मृत्यू नोंदी प्राप्त

आधार डेटाबेसची सतत अचूकता राखण्यासाठी, UIDAI विविध स्त्रोतांकडून मृत्यू नोंदी मिळविण्यासाठी आणि योग्य पडताळणीनंतर आधार क्रमांक निष्क्रिय करण्यासाठी सक्रियपणे हे उपाय अवलंबत असल्याची माहिती अधिकृत निवेदनात दिली आहे. UIDAI ने म्हटले आहे की त्यांनी भारताचे रजिस्ट्रार जनरल (RGI) यांना आधार क्रमांकाशी जोडलेले मृत्यू नोंदी सामायिक करण्यास सांगितले आहे आणि नागरी नोंदणी प्रणाली (CRS) वापरून 24 राज्ये आणि केंद्रशासित प्रदेशांमधून सुमारे 1.55 कोटी मृत्यू नोंदी प्राप्त झाल्या आहेत. योग्य पडताळणीनंतर, सुमारे 1.17 कोटी आधार क्रमांक निष्क्रिय करण्यात आले आहेत. सुमारे 6.7 लाख मृत्यू नोंदींच्या आधारे हा क्रमांक निष्क्रिय करण्याचे काम अजूनही सुरू आहे.

 100 वर्षांपेक्षा जास्त वयाच्या आधार कार्डधारकांशी संबंधित माहिती शेअर

मृताच्या कुटुंबातील सदस्याला मृताशी असलेल्या त्याच्या नातेसंबंधाचा पुरावा द्यावा लागेल. पोर्टलवर, आधार क्रमांक, मृत्यू नोंदणी क्रमांक आणि मृतांच्या इतर अनेक तपशीलांची माहिती द्यावी लागेल. तुम्ही दिलेल्या माहितीची प्रथम पडताळणी केली जाईल आणि नंतर आधार निष्क्रिय करण्याची प्रक्रिया सुरू होईल. या कामासाठी UIDAI राज्य सरकारांचीही मदत घेत आहे. पायलट प्रोजेक्ट म्हणून, 100 वर्षांपेक्षा जास्त वयाच्या आधार कार्डधारकांशी संबंधित माहिती राज्य सरकारांशी शेअर केली जात आहे,  जेणेकरून ते जिवंत आहेत की नाही हे शोधण्यात मदत होईल. पडताळणी अहवाल मिळाल्यानंतरच आधार क्रमांक निष्क्रिय केला जाईल. मिळालेल्या माहितीनुसार, UIDAI ने 24 राज्ये आणि केंद्रशासित प्रदेशांमध्ये नोंदणीकृत मृत्यूंसाठी myAadhaar पोर्टलवर कुटुंबातील सदस्याच्या मृत्यूची तक्रार नोंदवणे ही एक नवीन सेवा सुरू केली आहे. यामुळं आधार क्रमांकाचे होत असलेले गैरपावर थांबण्यास मदत होणार आहे. 

महत्वाच्या बातम्या: