![ABP Premium](https://cdn.abplive.com/imagebank/Premium-ad-Icon.png)
Health : प्रोटीनचा खजिना म्हणतात 'या' 7 डाळींना! वजन कमी करण्यास उपयुक्त, फायदे जाणून घ्या
Health : शाकाहारी लोकांसाठी, जे मांस आणि मासे खात नाहीत. त्यांच्यासाठी कडधान्ये खाणे आरोग्यासाठी अत्यंत महत्त्वाचे मानले जाते. हा प्रथिनांचा प्रमुख स्रोत आहे.
![Health : प्रोटीनचा खजिना म्हणतात 'या' 7 डाळींना! वजन कमी करण्यास उपयुक्त, फायदे जाणून घ्या Health lifestyle marathi news 7 types of pulses are a treasure of protein Useful for weight loss know the benefits Health : प्रोटीनचा खजिना म्हणतात 'या' 7 डाळींना! वजन कमी करण्यास उपयुक्त, फायदे जाणून घ्या](https://feeds.abplive.com/onecms/images/uploaded-images/2024/05/30/d6571a2e0b71447cef92a379b2de09fa1717062442271381_original.jpg?impolicy=abp_cdn&imwidth=1200&height=675)
Health : आजकालच्या धकाधकीच्या जीवनात स्वत:च्या आरोग्याची काळजी घेणे आवश्यक आहे. नियमित खाण्याच्या वेळा, पौष्टिक आहार आणि व्यायाम या गोष्टींची काळजी घेतली पाहिजे, जेणेकरून तुमचे आरोग्य चांगले राहील. आणखी एक महत्त्वाची गोष्ट म्हणजे आरोग्य उत्तम ठेवण्यासाठी आपल्या आहारात योग्य प्रमाणात प्रथिने घेणे खूप महत्वाचे आहे. आज आम्ही तुम्हाला अशा सात डाळींबद्दल सांगणार आहोत. ज्या प्रोटीन म्हणजेच प्रथिनांचा खजिनाच आहे. आहारतज्ज्ञ याबाबत काय म्हणतात? जाणून घ्या...
प्रोटीनसोबत फायबर, जीवनसत्त्वे आणि खनिजांचाही मुख्य स्रोत
शरीरातील प्रथिनांचे प्रमाण राखण्यासाठी आपल्या आहारात डाळींचा समावेश करणे आवश्यक आहे. कडधान्ये हा प्रथिनांचा खूप चांगला स्रोत आहे. प्रथिनांसह, जीवनसत्त्वे आणि खनिजे देखील त्यात आढळतात. बरेच लोक दररोज किमान एकदा तरी कडधान्ये खातात, तुम्हाला माहित आहे का? तुमच्या आहारात डाळींचा समावेश केल्याने किती आरोग्यदायी फायदे होऊ शकतात? नसेल तर आज आम्ही तुम्हाला याबद्दल सांगणार आहोत. कडधान्य खाणं आरोग्यासाठी अत्यंत महत्त्वाचे मानले जाते. हा प्रथिनांचा प्रमुख स्रोत आहे. विशेषतः शाकाहारी लोकांसाठी, जे मांस आणि मासे खात नाहीत. त्यांच्या आहारात कडधान्यांचा समावेश करणे अत्यंत आवश्यक आहे. प्रथिनांसह, डाळींमध्ये फायबर, जीवनसत्त्वे आणि खनिजे देखील असतात, जे आरोग्यासाठी आवश्यक असतात. डाळीच्या सेवनाने शरीरातील स्नायू, हाडे आणि त्वचेचे आरोग्यही चांगले राहते.
या डाळी म्हणजे प्रथिनांचा खजिना
सोयाबीन
सोयाबीन खाणे आरोग्यासाठी खूप चांगले मानले जाते. यामध्ये प्रथिने तसेच जीवनसत्त्वे आणि खनिजे मुबलक प्रमाणात असतात.
लाल मसूर
मसूर डाळीमध्ये प्रथिने चांगल्या प्रमाणात असतात आणि ती वेगवेगळ्या प्रकारच्या पदार्थांमध्ये देखील वापरली जाते.
राजमा
राजमा भात हा जवळजवळ प्रत्येकाचा आवडता पदार्थ आहे. किडनी बीन्स खाण्याचे अनेक आरोग्य फायदे आहेत, कारण ते प्रोटीनचा खूप चांगला स्रोत आहे.
हरभरा
चणाडाळ म्हणजेच हरभऱ्यामध्ये मोठ्या प्रमाणात प्रथिने असतात, ज्यामुळे आरोग्य चांगले राहण्यास मदत होते. सॅलड्स, सूप आणि करी यांसारख्या वेगवेगळ्या पदार्थांमध्ये हरभरा वापरला जाऊ शकतो.
उडीद डाळ
उडीद डाळ भातासोबत खायला अनेकांना आवडते. हे मुख्यतः दुपारच्या जेवणाच्या वेळी केले जाते. उडदाच्या डाळीमध्ये प्रथिनांचे प्रमाणही चांगले असते आणि ते उच्च प्रथिन स्त्रोत म्हणून ओळखले जाते.
मूग डाळ
मूग डाळ ही प्रोटीनचा एक चांगला स्रोत आहे आणि ती खाल्ल्याने तुमच्या शरीराला आवश्यक प्रोटीन मिळू शकते. मूग डाळ किंवा खिचडी म्हणून तयार करून खाऊ शकता.
तूर डाळ
तूर डाळ आणि भात हे अनेक लोकांचे आवडते जेवण आहे. अरहर डाळीमध्ये प्रथिने, फायबर आणि इतर पोषक घटक देखील असतात. ही डाळ खाल्ल्याने आपण अनेक प्रकारच्या आजारांपासून आपला बचाव होतो.
हेही वाचा>>>
Health : भर उन्हातून घरी आल्यावर तुम्हीही फ्रीजमधील थंड पाणी पिता? तर सावधान! आरोग्याला होणारे नुकसान जाणून घ्या
(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )
Check out below Health Tools-
Calculate Your Body Mass Index ( BMI )
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)