Guillain Barre Syndrome In Kolhapur : राज्यात जीबीएसचं थैमान! आरोग्य मंत्री प्रकाश आबिटकर यांच्या जिल्ह्यात पहिला मृत्यू
Guillain Barre Syndrome In Kolhapur : कोल्हापूरच्या चंदगडमधून एक धक्कादायक माहिती समोर आली आहे. गुइलेन-बॅरे सिंड्रोम (Guillain Barre Syndrome) बाधित एका रुग्णाचा मृत्यू झाला आहे.
Guillain Barre Syndrome In Kolhapur : कोल्हापूरच्या चंदगडमधून एक धक्कादायक माहिती समोर आली आहे. गुइलेन-बॅरे सिंड्रोम (Guillain Barre Syndrome) बाधित एका रुग्णाचा मृत्यू झाला आहे. चंदगड तालुक्यातील साठ वर्षीय महिलेचा सीपीआरमध्ये जीबीएसने मृत्यू झाल्याची माहिती पुढे आली आहे. दरम्यान, आरोग्य मंत्री प्रकाश आबिटकर यांच्या जिल्ह्यात जीबीएसचा हा पहिलाच मृत्यू असल्याचे सांगितलं जातंय. तर या महिलेवर गेल्या काही दिवसांपासून चंदगडच्या सीपीआरमध्ये उपचार सुरू होते.
राज्यात एकीकडे गुलेन बॅरी सिंड्रोमचे (Guillain Barre Syndrome) रूग्ण दिवसेंदिवस वाढत असताना दररोज रुग्णांच्या संख्येत वाढ होत आहे. तर आरोग्य मंत्री प्रकाश आबिटकर यांच्या जिल्ह्यात जीबीएसच्या आणखी एका रुग्णाचा मृत्यूने जिल्ह्यात एकच खळबळ उडाली आहे.
गुलेन-बॅरे सिंड्रोमची लक्षणे-
- अचानक पायातील किंवा हातात येणारा अशक्तपणा / दुर्बलता / लकवा
- अचानकपणे उद्भवलेला चालण्‍यातील त्रास किंवा अशक्तपणा
- जास्‍त दिवसांचा अतिसार (डायरिया) आणि ताप
नागरिकांनी घ्यावयाची काळजी
- पिण्याचे पाणी उकळून प्‍यावे
- स्वच्छ व ताजे अन्न खावे
- शिजलेले अन्न आणि न शिजलेले कच्चे अन्न एकत्रित ठेऊ नये
- वैयक्तिक स्वच्छतेवर भर द्यावा
- हात किंवा पायांमध्ये अचानक वाढत जाणारा अशक्तपणा असल्यास त्वरित जवळच्या महानगरपालिका रुग्णालयातील डॉक्टरांशी संपर्क साधावा.
गुइलेन-बॅरे सिंड्रोम म्हणजे काय?
गुइलेन-बॅरे सिंड्रोम हा एक दुर्मीळ स्वयंप्रतिकार (Auto immune) स्वरुपाचा विकार आहे, ज्यात शरीराची रोगप्रतिकारशक्ती स्वतःच्याच चेतासंस्‍थांवर (peripheralnervous system) हल्ला करते. यामुळे स्नायू कमजोर होतात आणि गंभीर रुग्णामध्ये पक्षाघातही होऊ शकतो. गुइलेन-बॅरे सिंड्रोम (जीबीएस) हा संसर्गजन्यरोग नाही. तो एका व्यक्तीकडून दुसऱ्या व्यक्तीमध्ये पसरत नाही. याचे निश्चित कारण अज्ञात आहे. हा आजार एखाद्या श्वसन किंवा पचनसंस्थेच्या संसर्गानंतर होतो. त्यावर तातडीने उपचार करणे आवश्यक आहे. गुइलेन-बॅरे सिंड्रोम हा रोग नवीन नसून, तो अनेक वर्षांपासून ओळखला जातो. हा संसर्गजन्य रोग नसला, तरी काही वेळा जीवाणू किंवा विषाणूच्या संसर्गानंतर तो विकसित होऊ शकतो. तसेच GBS ची इतर अनेक कारणे असतात. गुइलेन-बॅरे सिंड्रोम हा रोग वर्षभर आढळतो. साधारणपणे 1 लाख लोकांमध्ये एकजण या रोगाने ग्रस्त असतो. त्यामुळे, मुंबईतील मोठी रूग्‍णालये / वैद्यकीय महाविद्यालयांमध्ये दर महिन्याला 'जीबीएस' चे काही रुग्ण उपचारासाठी येतात.
इतर महत्वाच्या बातम्या
Check out below Health Tools-
Calculate Your Body Mass Index ( BMI )
महत्त्वाच्या बातम्या
ट्रेंडिंग न्यूज
