एक्स्प्लोर
Advertisement
निर्भया बलात्कार प्रकरणातील दोषींच्या फाशीला पटियाला हाऊस कोर्टाची स्थगिती, उद्याची फाशी टळली
दिल्लीतील निर्भया बलात्कार प्रकरणाने अवघा देश रस्त्यावर उतरला होता. या प्रकरणातील दोषींना उद्या 1 फेब्रुवारी रोजी फाशीची शिक्षा देण्यात येणार होती. मात्र ही फाशी उद्या देण्यात येणार नाही.
नवी दिल्ली : 2012 दिल्लीतील निर्भया सामूहिक बलात्कार प्रकरणातील दोषींना उद्या दिल्या जाणाऱ्या फाशीला स्थगिती देण्यात आली आहे. दिल्लीच्या पटियाला कोर्टाने दिली पुढच्या आदेशापर्यंत दोषींच्या फाशीला स्थगिती देण्याचे आदेश दिले आहेत. निर्भया बलात्कार प्रकरणातील दोषी मुकेश कुमारची याचिका सुप्रीम कोर्टानं फेटाळल्यानंतर या सर्व आरोपींना उद्या, 1 फेब्रुवारी रोजा फाशी होण्याचे निश्चित झाले होते. मात्र आता या नराधमांची फाशी उद्यासाठी टळली आहे. दिल्लीच्या पटियाला कोर्टाने पुढच्या आदेशापर्यंत दोषींच्या फाशीला स्थगिती दिली आहे. राष्ट्रपतींनी दया अर्ज फेटाळल्यानंतर यातील आरोपी मुकेशनं सुप्रीम कोर्टात धाव घेतली होती. मात्र, कोर्टानं याचिका फेटाळली होती.
फाशीच्या शिक्षेचा उशीर टाळण्यासाठी काय करता येईल
फाशीच्या शिक्षेची अंमलबजावणी करण्यात 2014 मध्ये सर्वोच्च न्यायालयानेच दिलेल्या एका केसमधील निर्णय अडथळा ठरत आहे. 2014 मधील शत्रुघ्न चौहान प्रकरणात 'समाज हिता' साठी काही गोष्टी जोडण्याच्या मागणीवर सुनावणीसाठी सुप्रीम कोर्ट तयार आहे. केंद्राच्या याचिकेवर तशी नोटीस जारी करण्यात आली आहे. केंद्र सरकारचं म्हणणं आहे की, शत्रुघ्न चौहान केसमध्ये सुप्रीम कोर्टाकडून दिलेले आदेश फाशीची शिक्षा अधिक कालावधीकरता टाळण्याचं कारण बनले आहेत. केंद्राने अशी मागणी केली आहे की, रिव्यू पीटीशन फेटाळल्यानंतर दोषींना क्यूरेटिव्ह दाखल करण्याची निश्चित अवधी ठरवली जावी. डेथ वारंट जारी झाल्यानंतर 7 दिवसांमध्येच दया याचिका दाखल करण्याची परवानगी दिली जावी. दया याचिका फेटाळल्यानंतर 14 दिवसांमध्ये कुठल्याही स्थितीत फाशी दिली जावी.
बुधवारी, 29 जानेवारीला आरोपी मुकेशच्या याचिकेवर सुनावणी करताना सर्वोच्च न्यायालयाने सांगितले होते की, सरकारने दिलेल्या दोन फाईल्स आम्ही पाहिल्या. सर्व कोर्टाचे निकाल आणि नोंदी राष्ट्रपतींकडे देण्यात आल्या आहेत. सर्व आवश्यक कागदपत्रे पाहून राष्ट्रपतींनी हा निर्णय घेतला आहे, त्यामुळे कोर्टाच्या निर्णयात हस्तक्षेप करण्याची गरज नाही. राष्ट्रपतींचं पद आणि जबाबदारी मोठी आहे. आमचा विश्वास आहे की त्यांनी विचार करुनच निर्णय घेतला असणार. तर, कारागृहात मुकशचे होणाऱ्या शोषणासंदर्भात केलेल्या तक्रारीचा आणि फाशीचा काही संबंध नसल्याचं कोर्टानं सांगितलं होतं.
निर्भया प्रकरणातील दोषी मुकेशची फाशी निश्चित; सर्वोच्च न्यायालयानं याचिका फेटाळली
यापूर्वी राष्ट्रपती रामनाथ कोविंद यांनी 17 जानेवारीला मुकेशची दया याचिका फेटाळून लावली होती. या प्रकरणातील चार दोषींना 1 फेब्रुवारीला फाशी देण्यात येणार असं निश्चित झाली होतं. पटियाला हाऊस कोर्टाने 17 जानेवारीला निर्भया प्रकरणातील चार दोषींना फाशीची शिक्षा सुनावली होती. त्यानुसार निर्भया प्रकरणातील चार दोषींना 1 फेब्रुवारीला सकाळी 6 वाजता फाशी देण्यात येणार होती. यापूर्वी जारी केलेल्या डेथ वॉरंटनुसार या चारही दोषींना 22 जानेवारीला फाशी देण्यात येणार होती.
काय होती घटना -
दिल्लीत 16 डिसेंबर 2012 रोजी चालत्या बसमध्ये सहा जणांनी निर्भयावर सामूहिक बलात्कार केला. त्यानंतर, तिला आणि त्याच्या मित्राला चालत्या बसमधून फेकून दिलं. नंतर पोलिसांनी निर्भयाला रुग्णालयात आणले. प्रकृती चिंताजनक झाल्यानंतर तिला सिंगापूर येथे उपचारासाठी पाठविण्यात आले. 29 डिसेंबर 2012 रोजी, सिंगापूरमधील रुग्णालयात उपचार सुरू असताना निर्भयाचा मृत्यू झाला. एक सप्टेंबर 2013 रोजी कनिष्ठ कोर्टाने चार दोषी पवन गुप्ता, विनय शर्मा, मुकेश आणि अक्षय सिंग यांना फाशीची शिक्षा सुनावली होती.
Khelo khul ke, sab bhool ke - only on Games Live
अधिक पाहा..
Advertisement
Advertisement
Advertisement
महत्त्वाच्या बातम्या
राजकारण
मुंबई
मुंबई
टेलिव्हिजन
Advertisement
ट्रेंडिंग न्यूज
सिद्धेश ताकवलेप्रतिनिधी
Opinion