Cough Syrup Deaths: विषारी कफ सिरपमुळे नागपूरमध्ये बाळाची किडनी निकामी, मेंदूला सूज येऊन मृत्यू
Cough Syrup Deaths : विषारी कफ सिरपमुळे नागपुरात आणखी एका बाळाचा दुर्दैवी मृत्यू (Cough Syrup Deaths) झाला आहे. धानी डेहरिया या 18 महिन्याच्या चिमुकलीचा मृत्यू झाला आहे.
Cough Syrup News : खोकल्याच्या औषधामुळे चिमुकल्यांना विषबाधा (Cough Syrup) होऊन होणाऱ्या मृत्यूच्या धक्कादायक घटनांमुळे देशभरात सर्वत्र मोठी खळबळ उडाली आहे. दरम्यान या गंभीर प्रकरणी आता केंद्र सरकारच्या आरोग्य व कुटुंब कल्याण मंत्रालयाद्वारे लहान मुलांना ‘कफ सिरप’च्या वापराबाबत दिशानिर्देश जारी करण्यात आले आहेत. अशातच या विषारी कफ सिरपमुळे नागपुरात आणखी एका बाळाचा दुर्दैवी मृत्यू (Cough Syrup Deaths) झाला आहे. धानी डेहरिया या 18 महिन्याच्या चिमुकलीचा मृत्यू झाला आहे. नागपुरातील शासकीय मेडिकल रुग्णालयात उपचारादरम्यान धानीचा मृत्यू झाला आहे.
मिळालेल्या माहितीनुसार, मध्य प्रदेशातील छिंदवाडा जिल्ह्यातून धानीला नागपुरात (Nagpur News) उपचारासाठी गंभीर स्थितीत दाखल करण्यात आले होते. यात किडनी निकामी होऊन मेंदूवर सूज आल्याने धानीवर मेडिकलमध्ये उपचार सुरू होते. धानी डेहरियाच्या मृत्यूनंतर कफ सिरपमुळे नागपुरात उपचार दरम्यान एकूण मृत्यूसंख्या हि दहावर पोहचली आहे.
Cough Syrup News: मृत्यूनंतर प्रशासन खडबडून जागे, DMER पथकाकडून परिस्थितीचा आढावा
दरम्यान, कफ सिरपमुळे लहान मुलांच्या मृत्यूनंतर प्रशासन खडबडून जागे झाले आहे. वैद्यकीय शिक्षण आणि संशोधन संचालनालयच्या (DMER) पथकाने शासकीय मेडिकल रुग्णालयात पोहचून परिस्थितीचा आढावा घेतलाय. DMERच्या चमूमध्ये बीजे महाविद्यालयातील बालरोग विभाग प्रमुख डॉ. आरती किनीकर, जेजे महाविद्यालयातील बालरोग विभाग प्रमुख डॉ. छाया वळवी, जे जे महाविद्यालयाच्या न्यायवैद्यकशास्त्र विभाग प्रमुख भालचंद्र चिकलकर यांच्या समावेश आहे. यावेळी उपचार सुरू असलेल्या रुग्णांची स्थिती, त्यांच्यावर सुरू असलेले उपचार आणि मेडिकल हिस्ट्री तपासण्यात आलीय. तर 'एम्स नागपूर'च्या नेतृत्वात केंद्राच्या पथकाने छिंदवाडा जिल्ह्यातील परासीया तालुक्यात जाऊनही पाहणी केलीय. कफ सिरपमुळे सर्वाधिक मुले परासीया तालुक्यातील प्रभावित झाली आहेत. केंद्रीय पथक पुढील तीन दिवसांत आपला अहवाल सादर करण्याची शक्यता आहे.
काय आहे Dextromethorphan Hydrobromide Syrup?
1950 च्या दशकात शोध लागलेले हे औषध सुरुवातीला कोडेन (Codeine) याला पर्याय म्हणून वापरले गेले. हे मुख्यत्वे कोरड्या खोकल्यासाठी दिले जाते. याचा प्रभाव म्हणजे खोकल्याचे संदेश मेंदूपर्यंत जाण्यापासून रोखणे, ज्यामुळे रुग्णाला आराम मिळतो. केमिकल प्रोसेसिंग हे औषध तयार केले जाते आणि लहान मुलांना सहजपणे प्यायला यावे म्हणून ते सिरपच्या स्वरूपात दिले जाते.
Cough Syrup News : पालकांसाठी सूचना
जर मुलाला किंवा रुग्णाला यापूर्वी लिव्हर (Liver), किडनी (Kidney) किंवा इतर गंभीर आजार असतील, तर हे औषध देण्यापूर्वी वैद्यकीय सल्ला घेणे अत्यावश्यक आहे. पालकांनी बाजारात सहज मिळणारे सिरप मुलांना देण्यापूर्वी त्याची सुरक्षितता आणि डॉक्टरांचा सल्ला जरूर तपासावा.
महत्त्वाच्या बातम्या
