एक्स्प्लोर

पैठण बाजार समितीसाठी झालेल्या निवडणुकीचे आज निकाल; मंत्री भुमरेंची प्रतिष्ठा पणाला

Paithan Market Committee Election : पैठण तालुका कृषी उत्पन्न बाजार समितीच्या 18 संचालक पदासाठी रविवारी (30 एप्रिल) रोजी निवडणूक झाली.

By : मोसीन शेख | Updated at : 01 May 2023 09:45 AM (IST)

Chhatrapati Sambhaji Nagar News results of election for Paithan Market Committee Election Minister Sandipan Bhumre reputation is at stake Maharashtra News पैठण बाजार समितीसाठी झालेल्या निवडणुकीचे आज निकाल; मंत्री भुमरेंची प्रतिष्ठा पणाला

Paithan Market Committee Election : छत्रपती संभाजीनगर जिल्ह्यातील (Chhatrapati Sambhaji Nagar District) एकूण सात बाजार समितीसाठी दोन वेगवेगळ्या टप्प्यात मतदान प्रकिया पार पडली असून, त्यापैकी 6 बाजार समित्यांचे निकाल देखील लागले आहे. मात्र शेवटच्या सातव्या पैठण बाजार समितीचे निकाल आज स्पष्ट होणार आहेत. पैठण तालुका कृषी उत्पन्न बाजार समितीच्या 18 संचालक पदासाठी रविवारी (30 एप्रिल) रोजी निवडणूक झाली. ज्यात 3 हजार 838 मतदारांपैकी 3 हजार 642 म्हणजेच 95 टक्के मतदान झाले. दरम्यान आज (1 मे) दुपारी 2 वाजेपर्यंत मतमोजणीचा निकाल घोषित होणार आहे. त्यामुळे विजयी गुलाल कोणत्या पॅनलवर पडणार याबाबत राजकीय गणित लावणे सुरू आहे. विशेष म्हणजे, या ठिकाणी रोहयो मंत्री तथा छत्रपती संभाजीनगर जिल्ह्याचे पालकमंत्री संदिपान भुमरे (Sandipan Bhumre) यांची प्रतिष्ठा पणाला लागली आहे.

शिंदे गट विरुद्ध महाविकास आघाडीचा थेट सामना...

पैठण कृषी उत्पन्न बाजार समितीमध्ये शिवसेना (शिंदे गट) विरुद्ध महाविकास आघाडी असा थेट सामना पाहायला मिळाला. शिंदे गटाकडून भाजपला अपेक्षाप्रमाणे जागा मिळाला नसल्याने त्यांनी शेवटच्या दिवशी निवडणुकीतून थेट माघार घेतली. मात्र निवडणुकीच्या प्रचारात शिंदे गटाच्या सोबत भाजप नेतेमंडळी पाहायला मिळाली. तर दुसरीकडे ठाकरे गट, राष्ट्रवादीसह काँग्रेस यांची महाविकास आघाडी मैदानात होती. त्यामुळे शिंदे गट विरुद्ध महाविकास आघाडी या सामन्यात कोणाचा विजय होणारा हे पाहणं महत्वाचे ठरणार आहे.