Chandrapur : चंद्रपूर महापौरपदाच्या वादावर दिल्लीत तोडगा, प्रतिभा धानोरकर गट वरचढ; एकमेकांच्या कामात लुडबुड नको, हाकमांडचा आदेश

Chandrapur Election :  महापौरपद जरी धानोरकर गटाला दिलं असलं तरी विजय वडेट्टीवार गटाला उपमहापौर आणि गटनेतेपद देण्यात आलं आहे. स्थायी समिती सभापतीपदाचंही निश्चित करण्यात आलं आहे. 

Chandrapur Election

Source : abp majha

नवी दिल्ली : राज्याचं लक्ष लागलेल्या चंद्रपूर महापालिका महापौरपदासाठी अखेर दिल्लीत तोडगा निघाला आहे. यामध्ये खासदार प्रतिभा धानोरकरांच्या गटाला महापौरपद तर विजय वडेट्टीवार गटाला उपमहापौरपद देण्याचा निर्णय झाला. तर जो गट सोबत येईल त्यांना स्थायी समिती सभापतीपद देण्याचा फॉर्म्युला निश्चित करण्यात आला आहे. बहुमतासाठी अजून चार नगरसेवकांची गरज असल्याने त्याची जमावाजमव करण्याची जबाबदारी ही धानोरकरांच्या खांद्यावर टाकण्यात आली आहे. 

चंद्रपुरात काँग्रेसच्या सर्वाधिक जागा निवडून आल्या असल्या तरी विजय वडेट्टीवार आणि प्रतिभा धानोरकर यांच्यामधील वादामुळे महापौरपदाचा तोडगा निघत नव्हता. शेवटी विजय वडेट्टीवारांनी त्यांच्या 18 समर्थक नगरसेवकांसह दिल्ली गाठली. 

नवी दिल्लीमध्ये काँग्रेसचे नेते के सी वेणूगोपाल यांच्या निवासस्थानी विजय वडेट्टीवार, खासदार प्रतिभा धानोरकर, सुनिल केदार, खासदार श्यामकुमार बर्वे यांची एक बैठक पार पडली. त्यामध्ये महापौरपदाच्या वादावर तोडगा निघाला. 

धानोरकरांच्या गटाला महापौरपद

चंद्रपूरचे महापौरपद हे धानोरकर गटाकडे तर उपमहापौर हे विजय वडेट्टीवार गटाकडे देण्याचं निश्चित झालं. महापालिकेतील गटनेतेपद हे विजय वडेट्टीवार गटाला देण्याच ठरले. तर जो पक्ष काँग्रेसला पाठिंबा देणार त्याला स्थायी समिती सभापतीपद द्यायचं निश्चित करण्यात आलं.

चंद्रपुरात काँग्रेसला बहुमतासाठी अद्याप चार नगरसेवकांची गरज आहे. ठाकरेंच्या शिवसेनेकडे 6 तर वंचित बहुजन आघाडीकडे दोन नगरसेवक आहेत. त्यामुळे उर्वरित चार नगरसेवकांची जमवाजमव ही प्रतिभा धानोरकरांनी करायची आहे. 

एकमेकांच्या मतदारसंघात लुडबुड नको

चंद्रपुरच्या का महापौर पदावरून सुरू असलेल्या वादामुळे दिल्लीत हाय पॉवर शक्तिप्रदर्शन करण्यात आले. त्यावर तोडगा निघाला असला तरी काँग्रेस हायकमांडने काही सूचनाही दिल्या आहेत. यापुढे एकमेकांच्या मतदारसंघामध्ये लुडबुड करू नका अशा सूचना काँग्रेस हायकमांडने धानोरकर आणि वडेट्टीवार यांना दिल्याची माहिती सूत्रांनी दिली. 

दुसरीकडे ठाकरे गटाकडूनही महापौरपदावर दावा केला आहे. आपल्याला काँग्रेस आणि भाजपची दारे खुली असून जो महापौरपदासाठी आपल्याला पाठिंबा देईल त्याच्यासोबत आम्ही जाऊ असं उद्धव ठाकरेंच्या शिवसेनेने स्पष्ट केलं आहे. 

चंद्रपुरातील पक्षीय बलाबल (Chandrapur Election 2026 Result)

एकूण नगरसेवक 66 

काँग्रेस – 27

काँग्रेस समर्थित जनविकास सेना – 3

भाजप – 23

शिवसेना (उद्धव ठाकरे गट) – 6

वंचित - 2

बसपा - 1

शिवसेना (शिंदे गट) – 1

अपक्ष – 2

एमआयएम – 1

ही बातमी वाचा: