(Source: ECI/ABP News/ABP Majha)
Beed News: मोठी बातमी! राष्ट्रवादीचे आमदार संदीप क्षीरसागर यांच्या मामाचा कार अपघातात मृत्यू
Beed Accident News: बीड गेवराई रस्त्यावरील धुळे-सोलापूर महामार्गावर हा अपघात झाला असल्याची माहिती समोर येत आहे.
Beed Accident News: बीड जिल्ह्यातून (Beed District) एक धक्कादायक बातमी समोर येत असून, धुळे- सोलापूर महामार्गावर झालेल्या भीषण अपघातात राष्ट्रवादीचे आमदार संदीप क्षीरसागर (Sandeep Kshirsagar) यांचे मामा तथा काँग्रेसचे ज्येष्ठ नेते माणिकराव रायजादे यांचा मृत्यू झाला आहे. तर क्षीरसागर यांचा मावस भाऊ या अपघातात जखमी झाला असून, त्याच्यावर रुग्णालयात उपचार सुरु आहे. बीड गेवराई रस्त्यावरील धुळे-सोलापूर महामार्गावरहा अपघात झाला असल्याची माहिती समोर येत आहे.
मूळचे नाशिक जिल्ह्यातील सिन्नरचे माणिकराव रायजादे हे त्यांच्या दिवंगत बहीण व आमदार संदीप क्षीरसागर यांच्या आई रेखाताई क्षीरसागर यांच्या धार्मिक विधीसाठी दर महिन्याला बीडला येतात. दरम्यान हे धार्मिक विधी आटोपल्यानंतर ते आपला मुलगा प्रतीमसह नाशिकला परत निघाले होते. तर यावेळी प्रीतम गाडी चालवत होता आणि माणिकराव रायजादे बाजूच्या सीटवर बसले होते. दरम्यान अचानक गाडी डिव्हायडरला जाऊन धडकल्याने भीषण अपघात झाला. या अपघातात माणिकराव रायजादे यांचा जागीच मृत्यू झाला, तर त्यांचा मुलगा प्रीतम रायजादे हा जखमी झाला आहे. प्रीतम रायजादे यांच्यावर खाजगी रुग्णालयात उपचार सुरू असल्याची माहिती समोर येत आहे.
भीषण अपघात, कारचा अक्षरशः चुरा!
माणिकराव रायजादे यांच्या कारच्या अपघातानंतरचे काही फोटो समोर आले असून, त्यातून अपघाताची भीषणता लक्षात येत आहे. माणिकराव रायजादे हे मारुती सुझुकीच्या ब्रीजा (गाडी क्र. MH 15 GA 7558) गाडीतून प्रवास करत होते. दरम्यान त्यांची कार अचानक रस्त्याच्या मधोमध असलेल्या डिव्हायडरवर जाऊन धडकली असल्याचे पाहायला मिळत आहे. तर माणिकराव रायजादे ज्या बाजूने बसले होते, त्या बाजूने गाडी जोरात धडकली असल्याने मोठ्याप्रमाणावर गाडीचे नुकसान झाले असल्याचे पाहायला मिळत आहे. तसेच गाडीतील एयर बॅग देखील उघडल्याचं देखील पाहायला मिळत आहे.
पोलिसांची घटनास्थळी धाव...
दरम्यान अपघाताची माहिती मिळताच पोलिसांनी घटनास्थळी धाव घेतली. तर माणिकराव रायजादे आणि प्रीतम रायजादे यांना रुग्णालयात हलवण्यात आले. मात्र माणिकराव रायजादे यांचा जागीच मृत्यू झाला होता. तर प्रतिमवर उपचार सुरु आहे. तर पोलिसांनी क्रेनच्या मदतीने पोलिसांनी अपघातग्रस्त कार रस्त्याच्या बाजूला केली आहे. तर या अपघाताची पोलिसात नोंद करण्यात येत आहे.
दोघांचा अपघातात मृत्यू...
दरम्यान बीड जिल्ह्यात आणखी एक अपघाताची घटना समोर आली आहे. परळी-अंबाजोगाई रस्त्यावर घाटाच्यावर काही अंतरावर भीषण आपघात झालाय. या अपघातात दोन तरूणांचा मृत्यू झाला. तर एक जण गंभीर जखमी झाला आहे. त्याच्यावर रूग्णालयात उचपार सुरू आहेत. या अपघातात परळीतील तीन युवक गंभीर जखमी झाले होते. त्यांना अंबाजोगाईच्या रुग्णालयात दाखल करण्यासाठी घेऊन जात असताना यातील दोन युवकांची प्राणज्योत मालवली. परळी ग्रामीण पोलीस तातडीने घटनास्थळी पोहचुन आपघातग्रस्तांना उपचारासाठी हलवण्यात मदतकार्य केले. व्यंकटेश कांदे (रा. बँक कॉलनी) , रोहित भराडीया (रा.पद्मावती गल्ली) आणि शुभम धोकटे (रा.इंडस्ट्रियल एरिया परळी) हे तिघे जण जखमी झाले आहे.यातील दोघांना रूग्णालयात नेहत असताना मृत्यू झाला.
इतर महत्वाचे बातमी:
Beed News: अरेरे… हे काय झालं! भांडण एका एकाशी अन् धुतले दुसऱ्यालाच
महत्त्वाच्या बातम्या
ट्रेंडिंग न्यूज
