Beed Crime News : दारूसाठी पैसे न दिल्याने जन्मदात्या बापाला बेदम मारहाण, उपचारादरम्यान मृत्यू; बीडमधील घटना
Beed Crime News : मुलाकडून झालेल्या मारहाणीत बापाचा तीन दिवसांनंतर उपचारादरम्यान मृत्यू झाल्याची घटना घडली आहे.
Beed Crime News : बीडच्या (Beed) आष्टी तालुक्यात एक धक्कादायक प्रकार समोर आला असून, पोटाच्या मुलानेच आपल्या जन्मदात्या वडिलांची हत्या (Murder) केली आहे. दारू पिण्यासाठी पैसे न दिल्याने या आरोपी मुलाने वडिलांना बेदम मारहाण केली होती. दरम्यान या मारहाणीत बापाचा तीन दिवसांनंतर उपचारादरम्यान मृत्यू झाल्याची घटना घडली आहे. बीडच्या आष्टी तालुक्यातील ब्रम्हगाव येथे ही घटना घडली आहे. तर या प्रकरणी आईच्या फिर्यादीवरून मुलावर गुन्हा दाखल करण्यात आला आहे. कांतीलाल सूर्यभान नरवडे (वय 54 वर्षे) असे मृताचे नाव आहे. तर योगेश नरवडे असे आरोपी मुलाचे नाव आहे.
अधिक माहिती अशी की, आष्टी तालुक्यातील ब्रम्हगांव येथील योगेश नरवडे याला दारूचे व्यसन आहे. त्यामुळे दारूसाठी पैसे मागत तो नेहमी घरात वाद घालायचा. त्याने 7 जून रोजी वडिलाकडे दारू पिण्यासाठी पैशाची मागणी केली. वडिलांनी पैसे देण्यास नकार दिले. त्यामुळे रागाच्या भरात योगेशने कांतीलाल नरवडे यांना बेदम मारहाण केली. दरम्यान, या मारहाणीत ते गंभीर जखमी झाल्याने नातेवाईकांनी त्यांना पुणे येथील खासगी रुग्णालयात दाखल केले होते. मात्र, 10 जुलै रोजी त्यांचा उपचार सुरू असताना मृत्यू झाला. या प्रकरणी मयताची पत्नी नर्मदाबाई कांतीलाल नरवडे यांच्या फिर्यादीवरून आष्टी पोलिस ठाण्यात योगेशवर गुन्हा दाखल केला आहे.
योगेशला दारू पिण्याची सवय असल्याने 7 जुलै रोजी त्याने वडीलांकडे पैसे मागितले. मात्र त्यांनी नकार दिल्याने त्याने त्यांना बेदम मारहाण केली. या मारहाणीत ते गंभीर जखमी झाल्याने त्यांच्यावर रुग्णालयात उपचार सुरु होते. मात्र उपचारादरम्यान त्यांचा मृत्य झाल्याचे कळताच योगेश पळून जाण्याच्या तयारीत होता. दरम्यान याची माहिती पोलिसांना मिळताच पोलिस उपनिरीक्षक अजित चाटे यांनी पथकासह योगशचा शोध घेऊन त्याला ताब्यात घेतेले आहे. तसेच त्याच्यावर वडिलांचा खून केल्याचा गुन्हा दाखला करण्याची प्रक्रिया सुरु होती.
दारूच्या सवयीमुळे कुटुंब उद्धवस्त...
दारूच्या सवयीमुळे अनेकांचे कुटुंब उद्धवस्त झाली आहे. असाच काही प्रकार या घटनेत देखील समोर आला आहे. आरोपी योगेशला दारूची सवय होती. त्यामुळे दारूला पैसे नसल्यास तो घरात येऊन वाद घालायचा. यातूनच त्याने आपल्या जन्मदात्या बापावर हात उचलला. त्याच्या मारहाणीत वडिलांचा जीव गेल्याने घरातील महत्वाचा व्यक्ती गेला. तर योगेशला देखील पोलिसांनी बेड्या ठोकल्या आहेत. दारूच्या सवयीमुळे नरवडे कुटुंब उध्वस्त झाले आहे. तर या घटनेनंतर परिसरात हळहळ व्यक्त केली जात आहे.
इतर महत्वाच्या बातम्या:
महत्त्वाच्या बातम्या
