Laxman Hake : पवन कंवरवर हल्ला करणारे आमदार विजयसिंह पंडित यांचेच कार्यकर्ते; लक्ष्मण हाकेंचा गंभीर आरोप, 'त्या' फेसबुक पोस्टचाही उल्लेख
Laxman Hake on MLA Vijaysinh Pandit : ओबीसी कार्यकर्ता पवन कंवर याच्यावर हल्ला करणारे गेवराईचे आमदार विजयसिंह पंडित यांचेच कार्यकर्ते आहेत. असा गंभीर आरोप लक्ष्मण हाके (Laxman Hake) यांनी केला आहे.
Laxman Hake on MLA Vijaysinh Pandit बीड : ओबीसी कार्यकर्ता पवन कंवर (Pawan Kanwar) याच्यावर हल्ला करणारे गेवराईचे आमदार विजयसिंह पंडित यांचेच कार्यकर्ते आहेत. त्यांच्यासोबत आरोपींचे फोटो देखील आहेत. तसेच याच कार्यकर्त्याने फेसबुकवर पोस्ट केली होती. यामध्ये त्याने विजयसिंह पंडित (MLA Vijaysinh Pandit) यांना उद्देशून मला काम देऊ नका, परंतु हाके याला ठोकायची परवानगी द्या, असे म्हटले होते. असा गंभीर आरोप ओबीसी नेते प्रा. लक्ष्मण हाके (Laxman Hake) यांनी केला आहे.
विजयसिंह पंडित यांचेच कार्यकर्त्याच्या हॉटेलमध्ये पवन करवर हे जेवण्यासाठी गेले असता त्या ठिकाणी 20 ते 25 जणांनी मिळून हल्ला केला. यामध्ये करवर यांचा एक हात व एक पाय फ्रॅक्चर झाला आहे. तसेच डोक्यात देखील रॉडचा (Beed Crime News) घाव घालण्यात आल्याची माहिती प्राध्यापक हाके यांनी दिली असून आता पोलिस अधीक्षकांची भेट घेत या आरोपींना अटकेची मागणी केली आहे. दरम्यान, संध्याकाळपर्यंत आरोपींना अटक करण्याचे आश्वासन बीडच्या पोलीस अधीक्षकांनी दिल्याचे देखील माहिती प्राध्यापक हाके यांनी दिली. त्यामुळे या प्रकरणी आता नेमकी काय कारवाई होते हे पाहणे महत्वाचे ठरणार आहे.
नेमकं प्रकरण काय? (Pawan Kanwar Attacked Case)
ओबीसी नेते लक्ष्मण हाके यांचे जवळचे आणि विश्वासू समजले जाणारे केरवाडी पालम येथील रहिवासी पवन कंवर व त्यांचे तीन साथीदार काल (मंगळवारी, ता 23) संध्याकाळी साडेनऊ वाजण्याच्या सुमारास सावरगावजवळ एका धाब्यावर जेवण करत होते. याच वेळी अज्ञात 40 ते 50 युवकांनी येऊन काठ्या व लाथाबुक्क्यांनी या चौघांना मारहाण केली. या घटनेत पवन कंवर हे गंभीर जखमी झाले असून त्यांच्या डोक्याला मार लागला आहे, तर त्यांच्या साथीदारांनाही मार लागला आहे. याबाबतची माहिती ग्रामीण पोलिस स्टेशनचे पोलिस निरीक्षक बालक कोळी यांना समजताच ते घटनास्थळी दाखल झाले, त्यांनी या चौघांना खासगी रुग्णालयात उपचारासाठी दाखल केले. अज्ञात मारेकरी फरार झाले आहेत.
......तर बीडचा, महाराष्ट्राचा नेपाळ व्हायला वेळ लागणार नाही (Hanumant Dhaygude On Laxman Hake)
ओबीसी आंदोलन लक्ष्मण हाके यांचे जुने सहकारी हनुमंत धायगुडे यांनी हाकेंवर टीका केली आहे. हाके बीडमध्ये सामाजिक सलोखा बिघडवत असून हे न परवडणार आहे. असे बोलत धायगुडे यांनी हाकेंना खडेबोल सुनावले आहेत. याआधीही धायगुडे यांनी लक्ष्मण हाके यांच्यावर टीका केली होती. काही समाजकंटक आपल्या राजकीय फायद्यासाठी बीडमध्ये येऊन सामाजिक सलोखा बिघडवण्याचा प्रयत्न करत आहेत. हाके जात बघून हॉटेलमध्ये जात होते. विद्यार्थ्यांना जात बघून शाळेमध्ये टाकल्या जात होतं. लोक चंद्रावर गेले पण आपण बीड जिल्ह्यामध्ये जाती-जातीत लोक बघायला लागलो. हे महाराष्ट्राला देशाला न परवडणार आहे. चर्चा विकासावर झाली पाहिजे, जातीजातीत भेद केल्यावर बीडचा, महाराष्ट्राचा नेपाळ व्हायला वेळ लागणार नाही. असेही लक्ष्मण हाके यांचे जुने सहकारी हनुमंत धायगुडे म्हणाले आहे.
इतर महत्वाच्या बातम्या
महत्त्वाच्या बातम्या
