OLA Electric Car : स्वातंत्र्यदिनी Ola चा दुहेरी धमाका, सर्वात वेगवान इलेक्ट्रिक कार भारतात लॉन्च; 4 सेकंदात 100 किमीचा वेग गाठणार

OLA Electric Car Launch : भारतातील सर्वात वेगवान इलेक्ट्रिक कार Ola ने आज पहिली इलेक्ट्रिक कार लॉन्च केली आहे.

OLA Electric Car Launch

OLA Electric Car Launch : स्वातंत्र्याच्या 75 व्या अमृत महोत्सव वर्षाच्या निमित्ताने प्रसिद्ध कार निर्माता कंपनी ओला ने आपली पहिलीच इलेक्ट्रिक कार लॉन्च केली आहे. कारची पहिलीच झलक फार सुंदर दिसत आहे. कारचे डिझाईन फार वैशिष्ट्यपूर्ण असून एका चार्जवर ही कार 500 किमी धावेल असा कंपनीकडून दावा करण्यात आला आहे. एवढेच नाही तर ही कार अवघ्या चार सेकंदात 0 ते 100 किमीचा वेग पकडेल असा कंपनीचा दावा आहे. लॉन्चिंगदरम्यान या कारची एक झलक दाखवण्यात आली. या कारचा वरचा भाग पूर्णपणे काचेचा असेल. ही कार स्पोर्टी लूकमध्ये असेल. तसेच या कारमध्ये अॅडव्हान्स टेक्नॉलॉजीचा वापर करण्यात आला आहे. या कारची आणखी काय वैशिष्ट्ये आहेत ते पाहूयात. 

इतर EV पेक्षा जास्त रेंज

रेंजच्या बाबतीत पाहिल्यास ही कार इतर इलेक्ट्रिक कारच्या तुलनेत जास्त रेंज देणारी आहे. या कारच्या सादरीकरणासह, कंपनीने दावा केला आहे की, ही कार एका चार्जवर 500 किमी धावेल, जी सध्या भारतात उपलब्ध असलेल्या इतर इलेक्ट्रिक कारपेक्षा खूप जास्त आहे.

इलेक्ट्रिक वाहने खरेदी करण्यासाठी ओलाची स्वतःची वेबसाईट आहे. olaelectric.com असे या वेबसाईटचे नाव आहे. सध्या, या वेबसाईटवर ओलाच्या इलेक्ट्रिक स्कूटर खरेदी करण्याचा पर्याय उपलब्ध आहे, जिथे कंपनीने सर्व प्रकारच्या स्कूटर्स, त्यांची किंमत, चार्जिंग आणि पिकअप नंतर त्यांची किलोमीटरची श्रेणी याबद्दल संपूर्ण माहिती दिली आहे. कारची सर्व माहिती लवकरच या वेबसाईटवर उपलब्ध होईल, अशी अपेक्षा आहे. 

या कारशी स्पर्धा होणार 

ओला इलेक्ट्रिक कार लॉन्च झाल्यानंतर, ओलाची ही इलेक्ट्रिक कार भारतीय बाजारातील या सेगमेंटमधील काही सर्वोत्कृष्ट कारशी स्पर्धा करेल. यामध्ये टाटा मोटर्स नेक्सॉन ईव्ही, टिगोर ईव्ही, एमजी झेडएस ईव्ही, ह्युंदाई कोना इलेक्ट्रिक यांसारख्या कारचा समावेश आहे.

महत्वाच्या बातम्या :