Mercedes-Benz GLC : मर्सिडीज-बेंझ जीएलसीची भारतात बुकिंग सुरू; 9 ऑगस्ट कार होणार लॉन्च
Mercedes-Benz GLC SUV : मर्सिडीज कंपनी ही कार GLC 300 4Matic आणि GLC 220d 4Matic 2023 या दोन व्हेरिएंटमध्ये लॉन्च करणार आहे.
Mercedes-Benz GLC SUV : मर्सिडीज कारचे अनेकजण चाहते आहेत. नुकतीच या जर्मन लक्झरी कार निर्माता कंपनी मर्सिडीज-बेंझने (Mercedes-Benz) भारतात आपल्या नवीन GLC SUV साठी बुकिंग सुरू केले आहे. ही कार 9 ऑगस्टला लॉन्च होणार आहे. पण त्याआधी तुम्हाला जर ही कार विकत घ्यायची असेल तर कंपनीने या कारची प्री बुकिंग सुरु केली आहे. तुम्हाला जर ही कार विकत घ्यायची असेल तर तुम्ही कंपनीच्या अधिकृत वेबसाईटवर जाऊन टोकन रक्कम भरून कार बुक करू शकता.
मर्सिडीज-बेंझ GLC ची वैशिष्ट्ये
कंपनी ही कार GLC 300 4Matic आणि GLC 220d 4Matic 2023 या दोन व्हेरिएंटमध्ये लॉन्च करणार आहे. मर्सिडीज-बेंझ GLC मध्ये एक मानक वैशिष्ट्य म्हणून ऑल-व्हील 4matic ऑफर करेल. याशिवाय, GLC मधील AntiG7 इन्फोटेनमेंट सिस्टमसह सुसज्ज असलेली मर्सिडीज-बेंझची ही पहिली SUV असेल.
मर्सिडीज-बेंझ GLC डायमेंशन, इंजिन, बूट स्पेस
नवीन मर्सिडीज-बेंझ जीएलसीच्या डायमेंशन बद्दल बोलायचे तर, ते त्याच्या आधीच्या कारपेक्षा थोडे मोठे असेल, ज्यामुळे त्याचे केबिन आणि बूट स्पेस देखील अधिक दिसेल. याशिवाय, यात मानक म्हणून ISG असिस्ट इंजिनसह 9G-ट्रॉनिक ऑटोमॅटिक ट्रान्समिशन मिळेल. यासह, नवीन GLC क्रोमसह AVANTGARDE लाइन देखील दिसेल. आणि मानक उपकरणांमध्ये देखील वाढ होईल.
मर्सिडीज-बेंझ GLC मागणी करणारी SUV
Mercedes-Benz GLC ही मर्सिडीज-बेंझची जागतिक बाजारपेठेत तसेच भारतात सर्वाधिक विकली जाणारी SUV आहे. हेच कारण आहे की, लॉन्च होण्यापूर्वीच याने ग्राहकांना आकर्षित करण्यास सुरुवात केली आहे. कंपनीकडून आजपर्यंतचा हा सर्वोत्तम GLC आहे.
या कारशी करणार स्पर्धा
मर्सिडीजने आपल्या नवीन GLC कारची अधिकृत किंमत नेमकी किती असणार आहे या संदर्भात घोषणा केली नाही. मात्र, ही कार मार्केटमध्ये आल्यानंतर या कारची स्पर्धा BMW X3, Audi Q5, Volvo XC60, Lexus NX आणि Land Rover Discovery Sport या कारबरोबर होण्याची शक्यता आहे.
महत्त्वाच्या बातम्या :
महत्त्वाच्या बातम्या
ट्रेंडिंग न्यूज
