Auto News : Kia Seltos Facelift ला 1 लाखांहून जास्त बुकिंग; टॉप व्हेरिएंटला दमदार मागणी; किंमत नक्की किती?
Kia Seltos Facelift Booking : Kia Seltos फेसलिफ्ट हे कोरियन ऑटोमेकरसाठी भारतात खूप मोठे यश आहे. या एसयूव्हीला बुकिंगच्या पहिल्याच दिवशी 13,000 हून अधिक ऑर्डर मिळाल्या आहेत.
Kia Seltos Facelift Booking : कोरियन ऑटोमेकर कंपनी किआ सेल्टॉसची (Kia Seltos) क्रेझ भारतातही वाढत चालली आहे. नुकतीच, Kia ने एक महत्त्वाची माहिती दिली आहे. यामध्ये नवीन Kia Seltos फेसलिफ्टसाठी भारतात 1 लाखांहून अधिक बुकिंग मिळाले आहेत अशी माहिती दिली आहे. गेल्या वर्षी जुलै 2023 मध्ये लाँच झालेल्या या नवीन सेल्टोसला दरमहा सरासरी 13,500 युनिट्सचे बुकिंग मिळाले आहे. या कारच्या टॉप व्हेरिएंटची किंमत किती? आणि जर तुम्हीसुद्धा ही कार विकत घेण्याच्या विचारात असाल तर त्यासाठी तुम्हाला किती पैसे मोजावे लागतली या संदर्भात अधिक माहिती जाणून घेऊयात.
टॉप व्हेरियंटला अधिक मागणी
Kia Seltos फेसलिफ्टच्या टॉप-स्पेस व्हेरियंटला बाजारात प्रचंड मागणी आहे. कारण एकूण बुकिंगच्या 80 टक्क्यांहून अधिक त्याचा वाटा आहे. याव्यतिरिक्त, 40 टक्के ग्राहक ADAS (Advanced Driver Assistance System) सूटने सुसज्ज असलेल्या उच्च-विशिष्ट प्रकारांची निवड करत आहेत. याशिवाय, 80 टक्के ग्राहक या एसयूव्हीचे पॅनोरामिक सनरूफ प्रकार खरेदी करत आहेत.
बुकिंग आणि किंमत किती?
Kia Seltos फेसलिफ्ट हे कोरियन ऑटोमेकरसाठी भारतात खूप मोठे यश आहे. या एसयूव्हीला बुकिंगच्या पहिल्याच दिवशी 13,000 हून अधिक ऑर्डर मिळाल्या आहेत. यासह, कंपनीला एका महिन्यात सेलटोससाठी 31,000 हून अधिक बुकिंग प्राप्त झाले आहेत. Kia Seltos पेट्रोल आणि डिझेल या दोन्ही पर्यायांमध्ये उपलब्ध आहे. त्याची एक्स-शोरूम किंमत 10.90 लाख ते 20.30 लाख रुपये आहे.
पॉवरट्रेन
Kia Seltos फेसलिफ्ट 3 इंजिन पर्यायांसह उपलब्ध आहे; ज्यामध्ये 115bhp, 144Nm, 1.5-लीटर पेट्रोल, एक 116bhp, 250Nm, 1.5-लिटर टर्बो-डिझेल आणि नवीन 160bhp, 253Nm, 1.5-लिटर टर्बो पेट्रोल इंजिन समाविष्ट आहे. ट्रान्समिशन पर्यायांमध्ये 6-स्पीड मॅन्युअल, CVT, 6-स्पीड IMT, 6-स्पीड ऑटोमॅटिक आणि 7-स्पीड DCT समाविष्ट आहे.
कंपनीने काय म्हटले?
किआ सेल्टोसच्या यशाबद्दल बोलताना, किआ इंडियाचे मुख्य विक्री आणि व्यवसाय अधिकारी म्युंग-सिक सोहन म्हणाले, 'बाजारातील नवीन सेल्टोसच्या यशाने आम्ही उत्साहित आहोत. हे स्पष्टपणे बाजारात उपलब्ध असलेल्या सर्वात स्मार्ट SUV पर्यायांपैकी एक आहे आणि आमच्या ग्राहकांचा प्रतिसाद याची पुष्टी करतो. नवीन सेल्टोस मध्य-एसयूव्ही विभागात आमचे नेतृत्व करत आहे आणि त्यांची आवडती एसयूव्ही ग्राहकांपर्यंत लवकरात लवकर पोहोचेल याची खात्री करण्यासाठी आम्ही आमच्या उत्पादनावर जास्तीत जास्त भर देत आहोत.
महत्त्वाच्या बातम्या :
Tata Car : 28 किमी मायलेज देणारी भारतातील पहिली CNG AMT Tata Tiago आणि Tigor लाँच; किंमत तर पाहा!
महत्त्वाच्या बातम्या
