Honda City Facelift : नवीन Honda City Facelift 'या' दिवशी होणार भारतात लॉन्च; ह्युंदाईच्या वेर्नाला देणार जबरदस्त टक्कर
Honda City Launch : ही कार भारतीय बाजारपेठेत Hyundai Verna ला टक्कर देणार आहे.
Honda City Launch : होंडा सिटी (Honda City) ही भारतातील सेडान (Sedan) कारच्या सेगमेंटमधील सर्वात लोकप्रिय मॉडेल्समध्ये गणली जाणारी कार आहे. सध्या या कारच्या पाचव्या जनरेशनच्या मॉडेलची विक्री सुरु आहे. आता लवकरच कंपनी या सेडानला फेसलिफ्ट अपडेट (Sedan Facelift Update) देणार आहे. ही कार पुढील महिन्यात 2 मार्च रोजी लॉन्च होणार आहे. या कारच्या एक्सटर्नल लूकमध्ये कोणताही बदल होणार नाही. त्यात ADAS प्रणालीही उपलब्ध होणार आहे.
काय होणार बदल?
नवीन फेसलिफ्ट होंडा सिटीमध्ये (New Facelift Honda City) अनेक बदल पाहायला मिळतील. यात नवीन बदललेल्या ग्रिल आणि बंपरसह नवीन अलॉय व्हील्स देखील मिळतील. इतर अपडेटमध्ये वायरलेस Android Auto/Apple CarPlay कनेक्टिव्हिटी, वायरलेस फोन चार्जिंग, हवेशीर जागा आणि इतर अनेक बदल समाविष्ट आहेत. सध्याच्या Honda City च्या पेट्रोल व्हर्जनची एक्स-शोरूम किंमत 11.87 लाख ते 15.62 लाख रुपये आहे. त्याचे मजबूत-हायब्रिड सिटी ई-एचव्ही व्हेरिएंट 19.88 लाख रुपयांत उपलब्ध आहे.
'हे' सेफ्टी फिचर्स मिळतील
नवीन होंडा सिटीमध्ये सुरक्षेची विशेष काळजी घेण्यात आली आहे. या कारच्या हायब्रिड व्हेरियंटमध्ये ड्रायव्हर-असिस्टन्स टेक (ADAS), 6 एअरबॅग्ज, हिल असिस्ट, फॉरवर्ड कोलिजन वॉर्निंग, लेन-कीपिंग असिस्ट, होंडा सेन्सिंग सूट, लेन-वॉच कॅमेरा, अडॅप्टिव्ह क्रूझ कंट्रोल, रियर पार्किंग कॅमेरा, ब्रेकिंग आणि ISOFIX चाइल्ड सीट माउंट सारखी ऑटो आपत्कालीन वैशिष्ट्ये उपलब्ध असतील. हे सर्व फीचर्स या कारच्या पेट्रोल व्हेरियंटमध्येही दिले जाऊ शकतात.
इंजिन कसे असेल?
फेसलिफ्ट केलेले सिटी सध्याचे इंजिन देखील कायम ठेवेल. यात 1.5-लीटर i-VTEC पेट्रोल इंजिन मिळेल. सिटी ई-एचईव्ही हायब्रिडला तेच 1.5-लिटर अॅटकिन्सन सायकल पेट्रोल इंजिन असेल. जे ई-सीव्हीटी ट्रान्समिशनसह दिले जाईल.
Hyundai Verna शी स्पर्धा करेल
ही कार भारतीय बाजारपेठेत Hyundai Verna ला टक्कर देणार आहे. ज्याचे नवीन पिढीचे मॉडेल लवकरच बाजारात येणार आहे. यामध्ये डिझाईनमधील अनेक अपडेट्ससोबतच ADAS सिस्टीम सारखे मोठे अपग्रेड पाहायला मिळणार आहे. ह्युंदाई वेर्ना नवीन जनरेशनचे मॉडेल लवकरच भारतात लॉन्च होणार आहे.
महत्त्वाच्या बातम्या
