Hero Xtreme 200S 4V Launched : Hero MotoCorp ची नवीन पॉवरफुल Xtreme 200S 4 वाल्व्ह बाईक भारतात लॉन्च; 'या' बाईकला देणार टक्कर

Hero Xtreme 200S 4V : बाईकमध्ये 199.6 सीसी, सिंगल-सिलेंडर, ऑईल-कूल्ड, फ्युएल-इंजेक्टेड, फोर-स्ट्रोक, 4-व्हॉल्व्ह इंजिन आहे.

Hero Xtreme 200S 4V

Hero Xtreme 200S 4V : Hero MotoCorp ने आपल्या लोकप्रिय Hero Xtreme 200S 4V चे अपडेटेड 4-वाल्व्ह व्हेरिएंट देशांतर्गत बाजारात सादर केले आहे. या बाईकची एक्स-शोरूम किंमत 1.41 लाख रुपये ठेवण्यात आली आहे. हे ड्युअल-टोन शेड्ससह तीन कलर ऑप्शनमध्ये सादर करण्यात आले आहे. या कलर ऑप्शनमध्ये मून यलो, पँथर ब्लॅक मेटॅलिक आणि प्रीमियम स्टेल्थ यांचाही समावेश आहे.

Hero Xtreme 200S 4V 2023 इंजिन कसे आहे?

कंपनीने या बाईकमध्ये नवीन 4-व्हॉल्व्ह इंजिन दिले आहे, जे आधीच्या इंजिनपेक्षा 6 पट जास्त पॉवर आणि 5 पट जास्त टॉर्क जनरेट करते. बाईकमध्ये 199.6 सीसी, सिंगल-सिलेंडर, ऑईल-कूल्ड, फ्युएल-इंजेक्टेड, फोर-स्ट्रोक, 4-व्हॉल्व्ह इंजिन आहे. जे 8,000 RPM वर 18.9 bhp ची पॉवर आणि 6,500 RPM वर 17.35 Nm ची सर्वोच्च टॉर्क जनरेट करते. यासोबत 5-स्पीड मॅन्युअल गिअरबॉक्स जोडण्यात आला आहे.

Hero Xtreme 200S 4V 2023 डिझाईन आणि वैशिष्ट्ये

कंपनीने पुढच्या बाजूला टेलिस्कोपिक फोर्क्स आणि मागील बाजूस मोनो-शॉक ऍब्जॉर्बर प्रदान केले आहेत. यासोबतच सिंगल चॅनल ABS सह दोन्ही चाकांवर डिस्क ब्रेक आहेत. त्याच वेळी, यात ब्लूटूथ कनेक्टिव्हिटी, टर्न-बाय-टर्न नेव्हिगेशन आणि डिजिटल इन्स्ट्रुमेंट क्लस्टर वैशिष्ट्ये आहेत.

Hero Xtreme 200S 4V ला पूर्ण-डिजिटल LCD मीटर मिळतो. यात गियर इंडिकेटर, इको-मोड इंडिकेटर, सर्व्हिस रिमाइंडर आणि ट्रिप मीटर यांसारखी उत्कृष्ट वैशिष्ट्ये मिळतात. हे वाहनांच्या कार्यक्षमतेबद्दल नियमित अद्यतने प्रदान करते. याशिवाय, यात स्मार्ट-फोन कनेक्टिव्हिटी आणि टर्न-बाय-टर्न नेव्हिगेशन देखील मिळते.

Hero Xtreme 200S 4V किंमत किती आहे?

नवीन Hero Xtreme 200S 4V भारतात 1.41 लाख रुपयांच्या एक्स-शोरूम किंमतीत लॉन्च करण्यात आला आहे. त्याच वेळी, देशांतर्गत बाजारपेठेत त्याच्याशी स्पर्धा करणाऱ्या बाईक्समध्ये बजाज पल्सर RS200, Yamaha R15 V4, Suzuki Gixxer SF यांचा समावेश आहे.  

महत्त्वाच्या बातम्या :